تەيۋەن ئاخبارات ۋاستىلىرىنىڭ خەۋەر قىلىشىچە، يېقىندا ئەنگلىيە خان جەمەتى ئەزالىرىنىڭ سەتچىلىك ئاشكارلىنىپ داڭلىق شەخىسلەر بىلەن ‹ماراقچىلار› ئوتتۇرىسىدا يەنە بىر قېتىم ماجرا كېلىپ چىقتى. ئەمەلىيەتتە نۇرغۇن ۋاقىتلاردا داڭلىق شەخىسلەر ئۆزىنىڭ ھەر بىر ھەرىكىتىنىڭ تاراتقۇلار تەرىپىدىن سۈرەتكە تارتىلىشىنى ئانچە خالاپ كەتمەيدۇ. ئەمما بۇ ‹ماراقچىلار›غا تاقابىل تۇرىدىغان ئاجايىپ بىر جۈپلەرمۇ مەيدانغا كەلگەن بولۇپ، ئۇلارنىڭ تاراتقۇلارغا قوللانغان ئۇسۇلى ھەقىقەتەن قالتىس.
بۇ يىل ‹شەپەرەڭ پالۋان ›ناملىق فىلىمدە رول ئېلىپ نام قازانغان داڭلىق چولپان ئاندرېۋ گارفېلد بىلەن بۇ فىلىمنىڭ ئايال باش قەھرىمانى ئېمما سىتون فىلىمدە ھەمكارلىشىش جەريانىدا بىر-بىرىنى ياخشى كۆرۈپ قېلىپ مۇھەببەتلەشكەن. ئىككىيلەننىڭ مۇھەببەت مۇناسىۋىتىمۇ ئىلگىرى ھەر قايسى تاراتقۇلاردا ئاشكارىلانغان. 9-ئاينىڭ 15-كۈنى ئىككىيلەن نيويوركتا ئۇچرىشىشقا چىققاندا تاراتقۇلارنىڭ ئارقىسىغا چۈشىۋالغانلىقىنى بايقىغان. لېكىن ئىككىيلەن بۇ ‹ماراقچىلار›دىن قاچمىغان ياكى قوغدىنىش ئۇسۇلى قوللانمىغان. ئەكسىچە، تاماقخانىدىكى قول سۈرتۈش قەغىزى ئۈستىگە ئېمما ‹بىز تاماق يەۋېتىپ، ھارماس ماراقچىلارنى بايقىدۇق›دەپ يېزىپ، ئانتونى ‹شۇنداق بولغانىكەن مۇشۇ پۇرسەتتىن پايدىلىنىپ، كۆپچىلىكنى كۆڭۈل بۆلۈشكە تېگىشلىك ئىشلارغا كۆڭۈل بۆلۈشكە چاقىرىمىز. دۇنيا يېتىم بالىلارغا مېھرىبانلىق يەتكۈزۈش فوندى جەمئىيىتى بىلەن نيويورك راك كېسەللىكلىرىگە غەمخورلۇق قىلىش تەشكىلاتى بىزنىڭ كۆڭۈل بۆلىشىمىزگە موھتاج. كۆپچىلىككە گۈزەل كۈنلەر تىلەيمىز ›دەپ يېزىلغان قەغەزنى ئېگىز كۆتۈرۈپ ئاشخانىدىن ئايرىلغان.
ئىككىيلەن يول بويى بۇ قەغەز بىلەن يۈزىنى ئېتىپ، ‹ماراقچىلار›نىڭ يەتكۈچە سۈرەت تارتىشىغا پۇرسەت ياراتقان. شۇنداقلا بۇ ئارقىلىق خەير-ساخاۋەت تەشۋىقات ئېلانى ئىشلىگەن.
