لۇس بېسسون نازارەتچىلىك قىلغان،لىيان نىسون ئاساسلىق رول ئالغان فىلىم «بوراندىكى قۇتقۇزۇش2»10-ئاينىڭ 17-كۈنى پۈتۈن مەملىكەتتە قاتتىق قىزغىن ھالەتتە قۇيۇلۇش ئالدىدا،فىلىمدە بىر ئالاھىدە خادىم بولغان دادىنىڭ دۈشمىنى تەرىپىدىن تۇتۇۋېلىنغان ئايالى ۋە قىزىنى قۇتقۇزۇش جەريانىدىكى خەتەرلىك كەچۈرمىشى تەسۋىرلىنىدۇ.2008-يىلى قالتىس ئالقىشقا ۋە يۇقىرى بىلەت كىرىمىگە ئېرىشكەن بۇ فىلىم سانسىز كىنو ھەۋەسكارلىرىنىڭ ياقتۇرۇشىغا ئېرىشكەن. يېقىندا بۇ فىلىم يەنە بىر قېتىم يېڭى قىسقا فىلىم چىقاردى،فىلىمدە كىنودىكى جىددىي ۋەقەلەر جەريانى يەنە بىر قېتىم ئېنىق تەسۋىرلەنگەن، باش قەھرىمانلارمۇ ياۋرو ئامېرىكىدىكى تۆت دۆلەتنى ئايلىنىپ سۈرەتكە ئېلىش جەريانىدىكى تەسىراتىنى سۆزلىگەن، ئەڭ ئېسىلى تۈركىيىنىڭ ئىستانبۇلدىكى سۈرەتكە ئېلىش جەريانى بولۇپ،ئۆزگىچە مىللىي پۇراققا ئىگە بولغان بۇ كۆرۈنۈش بۇ ھەرىكەتلىك فىلىمدىكى ئەڭ يېقىشلىق كۆرۈنۈشلەردىن بىرى بولۇپ قالغان.
كىنو «بوراندىكى قۇتقۇزۇش2» دە يېڭىلا پېنسىيىگە چىققان ئالاھىدە خادىم بىرىيىن ئائىلىسىدىكىلەرنى ئېلىپ ئىستانبۇلغا ئوينىغىلى بارىدۇ، بىراق ئائىلىسىدىكىلەرنىڭ ئالدىنقى قىسىمدىكى قارا نىيەتلەرنىڭ گۆرۈگە ئېلىۋېلىشىنى ئويلاپ باقمىغانىدى، ئۇنىڭ قىزىنىڭ ھاياتى قىل ئۈستىدە قالىدۇ. بۇرۇنقى كەسپى ئالاھىدە خادىم بولغان بۇ ئاتا باشقىدىن قوراللىنىپ، قاتتىق قىيىنچىلىقلارنى يېڭىپ ئائىلىسىدىكىلەرنىڭ ھاياتىنى قۇتقۇزۇشقا ئاتلىنىدۇ.كىنونى بۇرۇن «سۈرئەت بىلەن ئوينىشىش»فىلىمىنى ئىشلىگەن رېژىسسور ئولۋېر مىگا دايتون رېژىسسورلۇق قىلغان بولۇپ، ئۇنىڭ يەنە«بۇ قاتىل سۈرلۈك ئەمەس»، «بەشىنچى ئېلېمېنت»قاتارلىق داڭلىق فىلىملىرى بار. ئۇنىڭغا يەنە رېژىسسور لۇس بېسسون نازارەتچىلىك قىلغان، كىنودىكى توختىماي داۋاملىشىپ تۇرىدىغان ھەرىكەتلىك كۆرۈنۈشلەر كىشىگە ئۆزگىچە تەسىر بېرىدۇ. بۇ فىلىم 10-ئاينىڭ 7- كۈنى شىمالى ئامېرىكىدا قۇيۇلۇشنىڭ قەدىمىنى باشلايدۇ.