كورىيە تاراتقۇلىرىنىڭ خەۋەر قىلىشىچە، كورىيە تېلېۋىزىيە ئىستانسىسى باشلىقى جىن زەيشى جۇڭگودا زىيارەتتە بولۇش داۋامىدا، خۇنەن تېلېۋىزىيە ئىستانسىسى بىلەن «ھەكىمە چاڭجىن2»فىلىمىنىڭ قويۇلۇشى ئۈچۈن سۆھبەتلەشكەن. جىن زەيشى «ھەكىمە چاڭجىن»فىلىمىنىڭ ئىككىنچى بۆلۈمىنى كېلەر يىلى سۈرەتكە ئېلىشقا باشلايدىغانلىقىنى بىلدۈرگەن.
كورىيە تېلېۋىزىيە ئىستانسىسى، خۇنەن تېلېۋىزىيە ئىستانسىنىڭ 2005-يىلى جۇڭگودا تۇنجى قېتىم «ھەكىمە چاڭجىن»فىلىمىنى قويغانلىقىنى، شۇڭا «ھەكىمە چاڭجىن2»فىلىمىنىمۇ ئىشلەشكە مەبلەغ سېلىش باسقۇچىغا كىرگەنلىكىنى بىلدۈرگەن.
ئەمما كورىيە تېلېۋىزىيە ئىستانسىسى سېنارىيە بۆلۈمىنىڭ باشلىقى جاڭ گېنجۇ بۇ ھەقتە ئانچە ئېنىق سۆزلىمىگەن بولۇپ، «بۇ فىلىمنىڭ ئىككىنچى بۆلۈمىنى ئىشلەش تېخى باشلانمىدى. قاچان ئىشلىنىشكە كىرىشىدىغانلىقىمۇ ئېنىق ئەمەس»دېگەن. «ھەكىمە چاڭجىن»2003-2004-يىلىغىچە قويۇلغان بولۇپ، كورىيىدىكى كۆرۈلۈش نىسبىتى 46.2پىرسەنت بولغان. كېيىن چەت دۆلەتلەردە قويۇلۇپ كورىيە فىلىملىرىنى كۆرۈش يۇقىرى دولقۇنىنى قوزغىغان.
ئۇنىڭدىن سىرت خۇنەن تېلېۋىزىيە ئىستانسىسى كورىيە تېلېۋىزىيە ئىستانسىنىڭ «مەن ناخشىچى»ناملىق پروگراممىسىنى ئۆرنەك قىلىپ جۇڭگوچە «مەن ناخشىچى»پروگراممىسىنى يولغا قويۇشنى پىلانلىغان.
