خوتەن ۋىلايىتى لوپ ناھىيەسىنىڭ چارباغ يېزىسى باش قۇمئېرىق كەنتىدە 22-ماي سائەت 5:00 لەردە 17 ياشلىق بىر بالا سۇغا چۈشۈپ كېتىپ تۇنجۇقۇپ قالغان.

مۇخبىرنىڭ 23-ماي خوتەن ۋىلايەتلىك ج خ ئوت ئاپىتىنىڭ ئالدىنى ئېلىش -ئوت ئۆچۈرۈش تارماق ئەترىتىدىن ئىگىلىشىچە،شۇ كۈنى چۈشتىن كېيىن سائەت 5:55 لەردە ئوت ئاپىتىنىڭ ئالدىنى ئېلىش -ئوت ئۆچۈرۈش ئەترىتى <119> قوماندانلىق مەركىزى مەلۇماتنى تاپشۇرۋالغاندىن كېيىن،12 ئوت ئۆچۈرۈش خادىمىنى ۋەقە يۈز بەرگەن جايغا ئەۋەتكەن. بىر سائەتلەردىن كېيىن غەۋۋاسلار سۇغا چۈشۈپ كېتىپ تۇنجۇقۇپ قالغان بالىنىڭ جەسىتىنى تېپىپ قىرغاققا ئېلىپ چىققان.

ئىگىلىنىشىچە،تۇنجۇقۇپ قالغان بۇ بالا لوپ ناھىيەسى ھاڭگىيا يېزىسىدىن بولۇپ،ئەمدىلا 17 ياشقا كىرگەنكەن.

ئۈرۈمچى كەچلىك گېزىتى