ئاۋاتتا بىر كۇب مۇسەللەس 32مىڭ 200يۈەنگە كىمئارتۇق قىلىپ سېتىلدى

يادرولۇق كۆرسەتمە: 19-كۈنى چۈشتىن بۇرۇن، شىنجاڭ ئاۋات ناھىيىسىدە ئۆتكۈزۈلگەن 4-نۆۋەتلىك دولان مەدەنىيىتى ۋە مۇسەللەس بايرىمىدا، 11يىل ساقلانغان 30كىلوگرام ئېغىرلىقتىكى بىر كۇب مۇسەللەسنى چوڭچىلىق بىر ئەر 32 مىڭ 200يۈەنگە كىمئارتۇق قىلىپ سېتىۋالدى.

11يىل ساقلانغان 30كىلوگرام ئېغىرلىقتىكى بىر كۇب مۇسەللەس بىر كىچىك ئات ھارۋىسىدا قويۇلغان بولۇپ، ئەتراپىدىكى تاماشىبىنلار ھەيرانلىق بىلەن ھۇزۇرلانماقتا. ( تاۋ شۈەنكى فوتوسى)

كىمئارتۇق قىلىپ سېتىش نەق مەيدانىدا، قولىنى كۆتۈرگەن 019نومۇرلۇق ئەر، چوڭچىڭدىن كەلگەن بولۇپ،  32 مىڭ 200يۈەن بىلەن پۈتۈشتى. ( تاۋ شۈەنكى فوتوسى)

جوڭىشن تورىنىڭ ئاقسۇدىن 10-ئاينىڭ 19-كۈنى ئەۋەتكەن تېلېگراممىسى (تاۋشۈەنكى، ۋاڭ شىياۋجۈن)19-كۈنى چۈشتىن بۇرۇن، شىنجاڭ ئاۋات ناھىيىسىدە  ئۆتكۈزۈلگەن 4-نۆۋەتلىك دولان مەدەنىيىتى ۋە مۇسەللەس بايرىمىدا، 11يىل ساقلانغان 30كىلوگرام ئېغىرلىقتىكى بىر كۇب مۇسەللەسنى چوڭچىلىق بىر ئەر 32 مىڭ 200يۈەنگە كىمئارتۇق قىلىپ سېتىۋالدى.

مۇخبىرنىڭ ئىگىلىشىچە، بۇ كۇبتىكى 11يىلغا يېقىن ساقلانغان مۇسەللەس، 2001– يىلى 1-ئايدا ئىشلەپچىقىرىلغان بولۇپ، ھازىرغا قەدەر ئىسكىلاتتا 10يىلغا يېقىن ساقلانغان، ئېچىتىپ ياسالغان بولۇپ يۈز كىلۇگىراممۇ كەلمەيدىكەن. بۇ قېتىملىق مۇسەللەسنى كىمئارتۇق قىلىپ سېتىش مۇسەللەس تارىخىدىكى تۇنجى قېتىملىق ئىش ھېسابلىنىدىكەن.

بۇ بىر كۇب مۇسەللەسكە ئېرىشكۈچىنىڭ ئىگىسى چوڭچىلىق ئەر بولۇپ، ئىسمى چېن گۈي چۈەن ئىكەن. ئۇ بۇ يىل 43ياشقا كىرگەن بولۇپ، چوڭچىڭدا ئۈزۈم ھارىقى سودىسى بىلەن  شۇغۇللىنىدىكەن.

مۇسەللەس ئۇيغۇرلارنىڭ ئېچىتىپ ياسايدىغان بىر خىل ئۈزۈم ھارىقى تۈرىدىكى تەبىئىي مېۋە شەربىتى.