19-ئۆكتەبىر مۇخبىرنىڭ ئاپتۇنۇم رايۇنلۇق ئوقۇغۇچى قوبۇل قىلىش ئىشخانىسىدىن ئۇقۇشىچە،2012-يىلى بېيجىڭ ئاۋىئاتسىيە ئۇنۋېرسىتېتىنىڭ ئۈچۈش ئىنىستىتوتى،جۇڭگۇ خەلق ئاۋىئاتسىيە ئۇچۇش ئىنىستىتوتى شىنجاڭدىن 60 نەوەر ئۇچۇش تېخنىكا كەسپىگە ئوقۇغۇچى قوبۇل قىلىشنى پىلانلىغان(بۇنىڭ ئىچىدە بېيجىڭ ئاۋىئاتسىيە ئۇنۋېرسىتېتىنىڭ ئۈچۈش ئىنىستىتوتى 10 نەپەر،جۇڭگۇ خەلق ئاۋىئاتسىيە ئۇچۇش ئىنىستىتوتى 50 نەپەر).بۇ قېتمقى شىنجاڭدىن ئوقۇغۇچى قوبۇل قىلىشنىڭ ئاساسلىق نوقتىلىرى ئۇرۇمچى،سانجى،شىخەنزە،كۇيتۇن،قاراماي،بۆرتالا،غۇلجا، تارباغاتاي،ئالتاي، كورلا، ئاقسۇ،قۇمۇل قاتارلىقلار ئىكەن.شىنجاڭدىكى باشقا رايۇنلاردىن ئاۋىئاتسىيە كەسپىگە قىزىقىدىغان ئوقۇغۇچىلارمۇ ئىمتىھان بەرسە بولىدىكەن.
   قوبۇل قىلىش شەرتلىرى:2012-يىللىق مەملىكەتلىك ئادەتتىكى ئالىي مەكتەپلەرنىڭ ئوقۇغۇچى قوبۇل قىلىش بىر تۇتاش ئىمتىھانىغا قاتناشقان ھەم خەنزۇ تىلىدا ئوقۇغۇچى قوبۇل قىلىش پىلانىغا تىزىملاتقان ئوغۇللاردىن تەبىئىي پەن ۋە ئىجتىمائىي پەن بويىچە تولۇق ئوتتۇرىنى پۈتتۈرگگن ئوقۇغۇچىلار،ۋەتەننى،خەلقنى قىزغىن سۆيۇدىغان،پارتىيەنىڭ لۇشىيەن،سىياسەتلىرىنى ھېمايە قىلىدىغان،دۆلەتنىڭ ئاساسى قانۇنى ۋە قانۇنلىرىغا رېئايە قىلىدىغان،ۋەتەننىڭ ئاۋىئاتسىيە ئىشلىرىغا ئۆزىنى بېغىشلىيالايدىغان،تەكشۈرۈش تەلىپى ۋە بەدەن تەكشۈرۈش ئۆلچىمىگە ئۇيغۇن كەلگەن،يېشى 16 ياشتىن 20 ياشقىچە بولغان(1992-يىلى 8-ئاينىڭ 31-كۈنىدىن بۇرۇن تۇغۇلغان تولۇق ئوتتۇرا مەكتەپنى پۈتتۈرگەن ئوقۇغۇچىلار)،توي قىلمىغان ئوقۇغۇچىلار قوبۇل قىلىنىدۇ.
    تىزىملىتىش ۋاقتى 2011-يىلى 11-ئاينىڭ 1-كۈنىدىن 2012-يىلى 1-ئاينىڭ 20-كۈنىگىچە بولىدۇ،كونكرت ئىشلارنى جەنۇپ ئاۋىئاتسىيە شىركىتى شىنجاڭ شۆبە شىركىتىنىڭ ئادەم كۈچى بايلىقى بۆلۇمى بىلەن ئالاقىلاشسا بولىدۇ.
    ئۇچقۇچىلارنىڭ ساپاسىغا كاپالەتلىك قىلىش ئۈچۈن سۈپەت ئۆتكىلى قاتتىق چىڭ تۇتۇلىدۇ.قوبۇل قىلىش خىزمىتى جۇڭگۇ خەلق ئاۋىئاتسىيە ئىدارىسى بېكىتكەن ئۇچقۇچى قوبۇل قىلىش ئەڭ تۆۋەن كونترول نومۇر چېكى بويىچە ئېلىپ بېرىلىدۇ،ئالىي مەكتەپ ئىمتېھان نەتىجىسى ئۇچقۇچى قوبۇل قىلىش نومۇر چېكىدىن يۇقىرى ئوقۇغۇچىلار،ئوقۇغۇچىلارنىڭ ئىختىيارلىقى ۋە ئىمتىھان نەتىجىسى بويىچە ئوقۇغۇچى قوبۇل قىلىش پىلانىغا ئاساسەن يۇقىرى نومۇردىن تۆۋەن نومۇرغا تىزىلىپ ئەلالىرى قوبۇل قىلىنىدۇ