شىنجاڭ خەۋەرلىرى تورى 29- مارت خەۋىرى: دوختۇرخانىلاردىكى داۋالاشنىڭ تەرتىپلىك بولۇشىنى ئىشقا ئاشۇرۇش ئۈچۈن، بۇ يىل ئۈرۈمچى شەھەرلىك ئىجتىمائىي كاپالەت باشقۇرۇش ئىدارىسى بەلگىلەنگەن نۇقتا بىلەن كېلىشىم ئىمزالىغاندا داۋالاش ئورگانلىرىنىڭ تەكشۈرۈشىگە قارىتا بىر قانچە ماددىلارنى كۆپەيتكەن. بۇنىڭدا: بەلگىلەنگەن داۋالاش ئورگانلىرى تۈرلۈك خېمىيىلىك تەكشۈرۈشلەرنى ياخشى ئىگەللىگەن بولۇشى، سۇغۇرتىغا قاتناشتۇرۇلغۇچىنىڭ كېسەللىك ئەھۋالىغا ئاساسەن تەكشۈرۈشنى مۇۋاپىق تاللاش، كېلىنكىلىق تەكشۈرۈش تۈرىنى «يۈرۈشلۈك» تەكشۈرۈش تۈرى قىلىۋالماسلىق، تەكشۈرۈش ۋە داۋالاشنى ئېھتىياجغا ئاساسەن نورمال ئېلىپ بېرىش، ئالاھىدە تەكشۈرۈش تۈرىنى داۋاملىق تەكشۈرۈش تۈرى قىلىۋالماسلىق، ئالاھىدە تەكشۈرۈش تۈرى ئۈچۈن تەكشۈرۈپ بېكىتىش تۈرى ئىلتىماس قىلىش كېرەك دىگەندەك بىر قاتار بەلگىلىمىلەر بەلگىلەنگەن.

شۇنىڭ بىرگە، يېڭى كېلىشىمدە باكتىرىيگە قارشى دورىلارنىڭ ئىشلىتىلىش نىسبىتىگە مۇناسىۋەتلىك بەلگىلىمىلەرمۇ كۆپەيتىلگەن، ئادەتتىن تاشقىرى رېتسىپ ۋراچلىرىنى رېتسىپ ھوقۇقى جەھەتتىن ئەسكەرتىپ، چەكلەپ تۇرۇش، ھەتتا داۋالاش سۇغۇرتىسى تارماقلىرىنىڭ رېتسىپ ھوقۇقىنى ئېلىپ تاشلاش ئوتتۇرىغا قويۇلغان.

يېڭى كېلىشىمدە يەنە «كۆچۈرۈش خاراكتېرلىك داۋالاش ئۈسكىنىلىرى كېسەللىك تارىخىنىڭ سىزىقلىق كودى ياكى بەلگىسى بولۇشى»، «داۋالاش سۇغۇرتا ۋراچلىرى ئۇچۇر ئامبىرى قۇرۇش» تەلىپى ئوتتۇرىغا قويۇلغان