قىزىل گۈلنىڭ پۇرىقى ئاياللارنىڭ قېرىشىنى ئاستىلىتىدۇ

ياپونىيەدىكى بىر تەتقىقاتتىن بايقىلىشىچە، قىزىلگۈلنىڭ پۇرىقى ئاياللىق ھورمۇن ئاجرىتىپ چىقىرىشنى تېزلىتىدىكەن ھەم ئاياللىق ھورمۇننىڭ قويۇقلۇق دەرىجىسىنى يۇقىرى كۆتۈرۈش رولىنى ئوينايدىكەن.

تەتقىقاتتا بايقىلىشىچە، ئاياللىق ھورمۇنىنىڭ قويۇقلۇق دەرىجىسى يۇقىرى بولغان ئاياللار ئاياللىق ھورمۇنىنىڭ قويۇقلۇق دەرىجىسى تۆۋەن بولغان ئوخشاش ياشتىكى ئاياللاردىن ياش كۆرۈنىدىكەن، فىزىيولوگىيەلىك ئىقتىدارى تېخىمۇ ساغلام بولىدىكەن. ئەكسىچە، ئاياللىق ھورمۇنى كەمچىل بولغان ئاياللاردا ئۇيقۇسىزلىق، باش ئاغرىش، ئىچى سىقىلىش، فىزىيولوگىيەسى نورمالسىز بولۇش، تېرىسىگە قورۇق چۈشۈش قاتارلىق بىنورمال ئالامەتلەر كۆرۈلۈدىكەن. قىزىلگۈلنىڭ پۇرىقى ئاياللاردا ئاياللىق ھورمۇننىڭ ئاجرىلىپ چىقىشىنى تېزلىتىپ، ئاياللىق ھورمۇنىنى قويۇقلاشتۇرۇپ، بېسىمنى يەڭگىللىتىش، تىنچلاندۇرۇش، ئۇيقۇ كەلتۈرۈش، قېرىشنى كېچىكتۈرۈش رولىنى ئوينايدىكەن. ئۇنىڭدىن باشقا، تېرىنى ئاسراپ، يەللىك قايتۇرىدىكەن. شۇڭا قىزىلگۈلنىڭ بەرگىنى دەملەپ ئىچىش، قىزىلگۈل چېيىنى ئىچىش ياكى قىزىلگۈل خام ئەشيا قىلىنغان گىرىم بۇيۇملىرىنى ئىشلىتىش ئارقىلىق ياخشى ئۈنۈمگە ئېرىشكىلى بولىدىكەن.

ئەسلى مەنبە

 http://uy.ts.cn/life/content/2016-02/26/content_502568.htm