ئولتۇرۇپ ئۇخلاش خەتەرلىك
ئۈرۈمچى كەچلىك گېزىتى خەۋىرى:
مۇتەخەسسلەر يېقىندا مۇنداق دېيىشتى: ئادەم مەست بولۇپ قالغاندا ئولتۇرغان يېرىدىلا تامغا يۆلىنىپ ئۇخلاپ قالىدۇ، بىراق بۇ خىل ھالەتتە ئۇخلاش ھەتتا ھاياتقا خەۋپ يەتكۈزىدۇ، چۈنكى ئادەم مەست بولغاندىن كېيىن چوڭ مېڭىنىڭ ئىنكاسى بارا-بارا ئاستىلايدۇ، بۇنداق چاغدا يۈرەك قان تومۇرنىڭ رېفلېكسنى تەڭشەش ئىقتىدارىمۇ ئاجىزلايدۇ، بۇنىڭ بىلەن قان تومۇردىكى قان ئازىيىپ، تۆۋەن قان بېسىم ياكى شوك بولۇپ قېلىش ئەھۋالى كۆرۈلىدۇ. شۇڭا، مەست بولۇپ قالغاندا ئولتۇرۇپ ئۇخلىمىغان ياخشى.
مۇتەخەسىسلەر يەنە مۇنداق دېيىشتى: ئۇنىڭدىن باشقا، مەست بولۇپ قالغان ئادەمنى ئوڭدىسىغا ياتقۇزۇشقىمۇ بولمايدۇ.چۈنكى، ھاراق مەنبەلىك قەي قىلىشنى بىر تەرەپ قىلىش تەسكە توختايدۇ، بۇنىڭ نەتىجىسى ئۆپكە ياللۇغىغا گىرىپتار بولۇش، ھەتتا تۇنجۇقۇپ ئۆلۈپ كېتىش بولىدۇ. مەسىتلەرنى بىر تەرەپ قىلىشنىڭ توغرا ئۇسۇلى ئادەمنى يانچە ياتقۇزۇپ دۈمبىسىگە ياستۇق ياكى باشقا نەرسىلەرنى قويۇپ، ئۇيقۇچىلىقتا خەتەرلىك قىياپەتتە يېتىپ قېلىشنىڭ ئالدىنى ئېلىش، ئاندىن ئۇلاردا بىنورماللىق بار ياكى يوقلۇقىغا دىققەت قىلىش؛ ناۋادا مەست بولۇپ قالغانلار ھوشىدىن كەتسە چوقۇم دوختۇرخانىغا ئاپىرىش كېرەك.
