ئابدۇللا ياقۇپ :تۇز بەرسەم...

yadikar · ۋاقتى: 2014-10-1 11:06:18


	تۇز بەرسەم ساتىرا ئابدۇللا ياقۇپ ياڭاق چېقىپ بېشىمدا ، يايرىدىڭمۇ تۇز بەرسەم ؟ قۇزغۇن بولۇپ بېغىمدا سايرىدىڭمۇ تۇز بەرسەم ؟ ياتار ئىدىڭ ئېغىلدا ئورۇقلۇقتىن قوپالماي ، ئەمدى سەمرىپ تۇلۇمدەك ھاڭرىدىڭمۇ تۇز بەرسەم ؟ ئېلىپ تەلىم تۈلكىدىن ، قاپقان قۇرۇپ كۈلكىدىن ، ئورا كولاپ يولۇمغا بابلىدىڭمۇ تۇز بەرسەم ؟ چەيلەپ نوتا - شېخىمنى ، كېسىپ غولۇم - تېنىمنى ، ياغىچىمدا پالتاڭنى ساپلىدىڭمۇ تۇز بەرسەم ؟ پىتنە - غەيۋەت تارىتىپ ، ئاداۋەتنى يامرىتىپ ، توقۇپ يالغان تۆھمەتنى چاپلىدىڭمۇ تۇز بەرسەم ؟ سېزەلمىگەچ ئەپتىڭنى ، نەدىن بېلەي قەستىڭنى ، سېلىپ ئوتقا گوشۇمنى قاقلىدىڭمۇ تۇز بەرسەم ؟ قىلسام ساڭا ۋاپانى ، سالدىڭ جەبرى- جاپانى ، قىلمىشىڭدىن كۆزۈمنى ياشلىدىڭمۇ تۇز بەرسەم ؟ يۇتتۇم ئەلەم نىھايەت ، يوقكەن مەندەك ھاماقەت ، مېنى پۇشمان ئوتىغا تاشلىدىڭمۇ تۇز بەرسەم ؟

شەمشادى · ۋاقتى: 2014-10-3 17:23:29


	يۈزۈڭگە تۈك ئۈندۈرۈپ، شاياتۇننى كۆندۈرۈپ، ئۇستۇراڭنى يوتاڭغا كاپلىدىڭمۇ تۇز بەرسەم.

dohturbiz · ۋاقتى: 2014-10-7 20:33:09

مىكروبلوگ[ يېڭى | 24 سائەت | 7 كۈن | 30 كۈن ]