ئەركىن مۇساق شابنىڭ تەرجىمىھالى

huxhuy

تونۇلغان مائارىپچى،ئەدىب ئەركىن مۇساق شابنىڭ قىسقىچە تەرجىمھىالى

ئەركىن مۇساق(ئەدەبىي تەخەللۇسى:شاب): 1957- يىلى 2-ئايدا گۇما ناھىيە قوشتاغ يىزا شاب چاقار مەھەللىسىدە قابىل مائارىپچى ئائىلىسىدە تۇغۇلغان، باشلانغۇچ،تولۇقسىز ۋە تولۇق ئوتتۇرا مەكتەپلەرنى قوشتاغ يېزا ئوتتۇرا مەكتەپتە ئوقۇغان. تولۇق كۇرۇس مەدەنىيەت سەۋىيسىگە ئىگە. ئوتتۇرا مەكتەپ ئالى دەرىجىلىك ئۈنۋانىغا،تولۇق ئوتتۇرا مەكتەپ ئوقۇتقۇچىلىق سالاھىيتىگە ئىرىشكەن.1973-يىلى قوشتاغ ئوتتۇرا مەكتىپىنى پۈتتۈرگەن، 1987-يىلى خوتەن مائارىپ ئىنىستىتۇتىنىڭ تىل-ئەدەبىيات كەسپىنى، 1995-يىلى شىنجاڭ ئۈنۋېرسىتىتىىنڭ تىل-ئەدەبىيات كەسپىنى پۈتتۈرگەن.1987-يىلدىن 1999-يىلىغىچە قوشتاغ،پىشنا ئوتتۇرا مەكتەپلىرىدە ئوقۇتقۇچى،ئىلمىي مۇدىر، 1999- يىلىدىن 2009-يىلىغىچە باشلەنگەر، كىلياڭ مەكتەپلىرىدە مەكتەپ مۇدىرى بولۇپ ئىشلىگەن. ھازىر قوشتاغ يېزا باشلانغۇچ مەكتەپ پارتىيە ياچىيكىسىنىڭ مۇئاۋىن سىكىرتارى بولوپ ئىشلەۋاتىدۇ.
ئۇنىڭ ئەدەبىي ئىجادىيىتى 1980-يىللاردا باشلانغان بولۇپ،ھازىرغىچە ھەر دەرىجىلىك گېزىت- ژۇرناللاردا 200 پارچىدىن ئارتۇق شېئىر.ھېكايە،نەسىر ئېلان قىلدۇرغان. ئۇنىڭ>>گۈزەل گۇما<<ناملىق شېئىرى بىلەن>>شوتا<<ناملىق ھېكايىسى ئوقۇرمەنلەر ئارىسىدا ئالاھىدە تەسىر قوزغىغان.
ئۇ ھازىر خوتەن ۋىلايەتلىك يازغۇچىلار جەمئىيتى،گۇما ناھىيەلىك يازغۇچىلار جەمئىيتىنىڭ ئەزاسى.>>گۇما مەدەنىيىتى<<ژۇرنىلىنىڭ تەھرىر ھەيئەت ئەزاسى.
مۇنبىرىمىز تونۇلغان مائارىپچى،ئىزدىنىش روھىغا باي يازغۇچىمىز ئەركىن مۇساق شابنىڭ بۇندىن كېيىنكى خىزمەت ۋە ئىجادىيەت ئىشلىرىغا زور ئۇتۇقلارنى تىلەيدۇ.

dohturbiz

ئۇستازىمىز ئەركىن مۇساقنىڭ تىنىگە سالامەتلىك  خىزمەت  ۋە  ئىجادىيەتلىرىگە  زور ئۇتۇقلار تىلەيمەن .