ھېيىتكادىكى ئادەم بازىرى (ئامىنە ئابدۇۋايىت)

ئامىنە

	ھېيىتكادىكى ئادەم بازىرى، مىغىلدىغان قۇرتقا ئوخشايدو. خېرىدارسىز قالغان مەدىكا، مۆھتاجلىقتىن ھەريان قارايدو. كەلسە بىرى مەدىكا ئىزدەپ، دەۋرەپ ھەممە ئوراپ ئالىدو. خېرىدارنىڭ خورىكى ئۆسۇپ، ئىش ھەققىنى قىسىۋالىدو. ياق دېيىشكە نىمە ئامالى، قوسىقىغا يېمىسە بولماس. ئۆيدە قالغان خۇتۇن ھەم بالا، ئۇلارنىمو باقمىسا بولماس. مەن ئۇلارغا قاراپ ئولتورۇپ، چىگىش-چىگىش خىيالغا پاتتىم. ئاتام ئېيتقان مونو بىر سۆزنى، ئۇنسىز ئوقۇپ باغرىمغا يازدىم. ‹‹بوۋام ئېيتقان ياشاش يولىنى، ھاياتتىكى مۇشكۇل سەپەر دەپ. پەيتنى تۇتۇپ سەگەك تۇرمىساڭ، ئادەم زاتى ھالىڭ خەتەر دەپ››............. 2014-6-5-قەشقەر

halisbay

	مۆھتاجلىق يامان. ئاشۇ مەدىكارلارنىڭ مەدىكار بازىرىغا بارمىقىمۇ ئاسان ئەمەس.ئۇلارنىڭ ھالىنى ياخشى ئىپادىلەپسىز.

جام

	ئەزىز دىيار قەشقەرنى- دۇنياغا داڭلىق ھېيتگاھ جامەسىنى تۇرمۇش ھەلەكچىلىكى بىلەن كۆرۈش ماڭا ھازىرغىچە مۇمكىن بولۇپ باقمىغان بولسىمۇ بىراق ئەشۇ سۆيۈملۈك ماكان توغرىسىدا ماتېرىياللاردىن ئۇچۇرلارنى كۆرۈپ تۇرماقتىمەن. قايسىبىر چاغلاردا ھېيتگاھ جامەسى بازىرىدا شۇنداق بىر مەدىكار بازىرىنىڭ بولىدىغانلىقى توغرىسىدا ئۇچۇرغا ئىگە بولغان ئىدىم. ئۇنىڭدىن باشقا يەنە ئاقسۇ دىيارىنىڭ كۇچاردىمۇ شۇنداق بىر بازار بار دەپ ئاڭلىغان، بىراق بۇ جايغىمۇ ھازىرغىچە بېرىپ باقمىدىم. بۇ قىسقا، مىللىتىمىز تۇرمۇشىنىڭ بىر رۈجىكى روشەن ئەكس ئەتتۈرۈلۈپ يېزىلغان بىر شېئىر ئىكەن، قولىڭىزدىن گۈل ئۈنسۇن شائىرە خانىم.

مىرزائايدىڭ

	ھىيىتكادىكى ئدەم بازىرى ، ھەر تىنىقى گۈلگە ئوخشايدۇ . خىرىدارسىز قالغان مەدىكار ، مۇھتاجلىقتىن ھەريان قاارايدۇ .