ئا. سادىر: شەيتاننامە

شەمشادى

	شەيتاننامە ئابدۇقادىر سادىر كۈلكە ئىچرە كۈلكە تاپتىم ئەھلى شەيتان ئازدۇرۇپ، بىر بەلانى باشقا تاپتىم پەيلى شەيتان ئازدۇرۇپ. بەرگىسىگە دىل شېخمنىڭ بىر ھىلال تۇرغاچ قونۇپ، لەۋلىرىدە پىستە چاقتىم ۋەسلى شەيتان ئازدۇرۇپ. تالى مەجنۇن بويلىرىغا قوندى مەجھۇل بىر خىيال، كۆزلىرىمدە ئالما قاقتىم پەخرى شەيتان ئازدۇرۇپ. كۆك يۈزىدىن ئاينى ئۈزمەككە خىيالىم ئىچرىدە، چۆمبىلىگە قول ئۇزاتتىم شەكلى شەيتان ئازدۇرۇپ. ئايگۈزەلنىڭ كۆزلىرىگە كەتتى شۇڭغۇپ كىملىكىم، قارچۇقىدا ھەپتە ياتتىم لەيلى شەيتان ئازدۇرۇپ. كەتتى ئوۋلاپ دىلنى بىر جۈپ سۇمبۇلىستان ئەركىسى، بىقارارلىق ئىچرە پاتتىم چەرخى شەيتان ئازدۇرۇپ. ئالمىلىق باغقا ئىشارەت ئەيلىگەي دەم- دەم مېنى، جامىدا ۋەسۋەس شارابى، ئەكسى شەيتان ئازدۇرۇپ. سۈلكىتىنىڭ دامىدا ئەرمەك بولۇپ مەن ئاقىبەت، يوق يارامغا دورا چاپتىم خەيلى شەيتان ئازسۇرۇپ. قاشلىرىنىڭ ئورغىقىغا بولدى بۇغدايلىق جېنىم، خامىنىغا كەتتى سايلاپ ئەسلى شەيتان ئازدۇرۇپ. نې ھازا تاپتىم ئۆزۈمنى كۈلكىلەردىن مالتىلاپ، ئۈشبۇ قىسمەت كەشپىكارى بەلكى شەيتان ئازدۇرۇپ. ئابدۇقادىرغا پىچىرلاپ بەردى تەسكىن بىر سۈكۈت، كەتسە يەتمىش ياشتا بىر رەت مەيلى، شەيتان ئازدۇرۇپ. 2015- يىل 22- ئاپرىل گۇما.

HOJAKABIZ

	ئابدۇقادىرغا پىچىرلاپ بەردى تەسكىن بىر سۈكۈت، كەتسە يەتمىش ياشتا بىر رەت مەيلى، شەيتان ئازدۇرۇپ. ئابدۇقادىرچۈشمىگەيلا ئەسلا شەيتان دامىغا، ئەمدى ئازغىن دېسە "ياق-ياق" دەيلى،شەيتان ئازدۇرۇپ.

halisbay

	كۆڭۈلنىڭ كەينىگە كىرمەڭ،كۆڭۈل ھەر جايغا باشلايدۇ...دەپتىكەن. ئەمما بۇ غەزەل بەك ياخشى چىقىپتۇ. ئىلھاملىرى بەرىكەتلىك بولغاي

yultuz

	ئاتاقلىق يازغۇچى، ئىقتىدارلىق  شائىرىمىزنىڭ  تىللادەك تۆكۆلۇپ  تۇرغان ئىلھاملىرىغا  مۇبارەك  بولغاي !                                         ئىنتايىن چاققان  قەلەم تۇلپارلىرى  ھەر زامان  ئويناقلاپ  چاپچىپ  تۇرغاي !                                                                           ئالتۇن  تەنلىرىگە  سالامەتلىك  مەڭگۈ  يار  بولغاي !

مىرزا

	شىئىرغا چاڭقىغان دىللاغا شەربەت بەرگەن ئۇستازىمىزغا مىڭ تەشەككۇر... ئادەمنى سۆيۇندۇردىغان بۇ نەزمە ياش ھەۋەسكارلارغا نورلۇق چىراقتۇر!

huxhuy

	ئابدۇقادىرغا پىچىرلاپ بەردى تەسكىن بىر سۈكۈت، كەتسە يەتمىش ياشتا بىر رەت مەيلى، شەيتان ئازدۇرۇپ. ******** ھاي-ھاي،شەيتاننىڭ دامىغا چۈشمەيلى!: ئۇ ئازدۇرسا ئۆزىمىزنى تاپالمايمىز جۇمۇ

كۈرەش

	ئەيلىمە ئىبلىس شەيتاننىڭ ئازدۇرىشىغا  تەلمۈرۈپ ئەلمىساقتىن ئاز ئەمەس يۈرگەنلەر شەيتانغا كۈلۈپ .

ئامىنە

	ئەسسالام شائىر ئاكا ، ياخشى چىقىپتۇ  ‹‹نامىڭىز ››. قىلدى قايىل ھەممىنى ، ياش مىسال ئىلھامىڭىز. ئىلھام بولارمىش ئىككى خىل ، رەخمانى ھەم شەيتانى دەپ. پەيلى شەيتان بولسا غالىپ ، رەخمانلىرى  قۇربانى دەپ. تەۋسىيەم جېنىم ئاكا . شەيتانلىرىغا قىلماڭ سۇكۇت . رەخمانى ئىلھام بىلەن ، بىزلەرگە بەرگەيسىز ئۇگۇت. ساقلاشقا شەيتان شەھرىدىن ، مەن تىلەي دۇئا قىلىپ . ئېگىمىز بەرگەي ئىماننى ، پەرىشتىنى ھەمرا قىلىپ .

شەھلا

	ئېزىپتۇ

yamguR

	بۇشىئر بەك ياخشى يىزىلىپتۇ، ئىلھاملىرى ئۇزۇلمىگەي.

SAPARDAX

	ئېزىپ قاپتۇ سادىر ئوغلى،بىزگە چوڭ ئۇستاز تۇرۇپ، قورغان ياسايلى دوسلا كەتمەستە شەيتان ئازدۇرۇپ.

ئەھەدى

	ئابدۇقادىرغا پىچىرلاپ بەردى تەسكىن بىر سۈكۈت، كەتسە يەتمىش ياشتا بىر رەت مەيلى، شەيتان ئازدۇرۇپ. ھەممىنى شەيتانغا دۆڭگەپ ،دوستمىز ‹ تاپ› تىن چىقىپ، كەتسە ، ‹‹ بىز مەسئۇل ئەمەس ›› دەيلى، شەيتان ئازدۇرۇپ!!!؟؟؟