ئا. سادىر: يارنى دەپ (غەزەل)

شەمشادى · ۋاقتى: 2014-6-7 13:04:14


	بۇ يازمىنى ئاخىرىدا شەمشادى تەھرىرلىگەن. ۋاقتى 2014-6-7 13:05 يارنى دەپ ئابدۇقادىر سادىر پىراقتىن مىڭ ئۆلۈپ، مىڭ بىر تىرىلدىم يارنى دەپ ھەيھات!، يىراقتىن بىر كۆرۈپ،گاھ مىڭ تىرىلدىم يارنى دەپ ھەيھات!. ئىشق دەرياسىدا ئاقتىم ئەجەمنىڭ ھەسرىتى يەڭلىغ، چىگىپ مەستانە كۈيلەرگە بېرىلدىم، يارنى دەپ ھەيھات!. ئۈمىدىم سۆيگۈنىڭ ساھىللىرىغا قونسا بوي تارتىپ، ھېجىرنىڭ قەتلىئامىدا قىرىلدىم يارنى دەپ ھەيھات!. بۇ مەجھۇل جاڭگىلىستاننىڭ ئېرۇرمەن توغرىقى قاقشال، سۇسىزلىق ئاھىدىن چاك- چاك يېىرىلدىم يارنى دەپ ھەيھات!. ئىدىم بىر دانە، رەببىمنىڭ قولىدىن يەرگە چۈشكەندە، بولۇپ مىڭ دانە بۇ چۆلگە تېرىلدىم يارنى دەپ ھەيھات!. ئۇزاتسام بىر ئوچۇم نۇرغا قولۇمنى، نە بىلەي ھېجران، غۇلاتتى چوققىدىن تاشتەك، سىرىلدىم يارنى دەپ ھەيھات!. ئىلاھا، ئابدۇقادىرغا ۋىسالدىن ئەيلە بىر ئىنئام، سېرىق گۈل رەڭگىدە تامغا سىزىلدىم يارنى دەپ ھەيھات! 2014. 4. 27

halisbay · ۋاقتى: 2014-6-8 00:18:59


	ئۇز غەزەلكەنيا بۇ،مۇبارەك بولسۇن ئۇستاز-ھە!

udun · ۋاقتى: 2014-6-8 08:15:03


	يار ئىشقىدا سەرسان بولغان يۈرەككە داۋا غەزەل بوپتۇ.يەنە يوللاپ تۇرغايلا

dohturbiz · ۋاقتى: 2014-6-8 19:34:03


	مۇئاللىم قول يازمىڭىزغا ئاپىرىن ئامان بولغايسىز

dohturbiz · ۋاقتى: 2014-6-8 20:06:19


	مۇئەللىم مۇبارەك بولسۇن كەمىنە ئوقوغۇچىڭىز دىنسالام

ئادىلجان · ۋاقتى: 2014-6-9 22:59:19


	ئۇستازنىڭ يۈرىكى بارغانسىرى ياشىرىپ كېتىپ بارىدۇ....

مىرزائايدىڭ · ۋاقتى: 2014-6-12 21:26:00


	ئەزىز تەنلىرى سالامەت بولۇپ ،مۇرات - مەخسەتلىرىگە يەتكىلى ، ۋىسال شارابى ئېچكىلى نىسىپ قىلغاي .

شەمشادى · ۋاقتى: 2014-6-20 12:08:46


	ھەممىلىرىنىڭ ياخشى تېلەكلىرىگە رەھمەت! بىرلىكتە ئالغا باسقايمىز.

HOJAKABIZ · ۋاقتى: 2014-6-23 08:10:43


	يېڭى غەزەللىرىگە مۇبارەك بولسۇن!

مىكروبلوگ[ يېڭى | 24 سائەت | 7 كۈن | 30 كۈن ]