مىرزابەگ:قۇشلار ھەققىدە قوشاقلار

مىرزا

قۇشلار  ھەققىدە قوشاقلار

ئابلىكىم ئابلەت مىرزابەگ

سەھەر تۇرۇپ ھەر كۈنى،
باغدا سەيلە قىلىمەن .
بۇلبۇللارغا جۇر بولۇپ،
ناخشا ئوقۇپ ھارمايمەن .

ئاق قۇشقاچمۇ سايرايدۇ،
قار قۇشقاچمۇ سايرايدۇ .
ۋىچىر-ۋىچىر ئاۋازدىن ،
كۆڭلۇم تازا يايرايدۇ .

قۇشلار بىزنىڭ دوستىمىز،
ئاسراش بىزنىڭ بۇرچىمىز.
دىلدا يۇكسەك ئارمانلار ،
پۇككەن نوتا -غۇنچىمىز .

كاككوك خۇشال سايرىدى،
تەبىئەتمۇ   ئىللىدى  .
چىچەك ئاچتى مىۋىلەر،
مەشرەپ -بەزمە قاينىدى .

ساۋاق بەردى مۇئەللىم ،
يايراپ كەتتى تەنلىرىم.
بوز تورغايغا ئەگىشىپ،
ياڭراپ تۇرار كۆيلىرىم .

ئەركىنلىكنى بوغماڭلار،
دىگۇم كىلەر ھەممىگە .
قۇشلارمۇ بىر ھاياتلىق ،
سولىماڭلار قەپەزگە .

2015-3-24  (قوشتاغ- ئىسمىسلا)

huxhuy

بالىلار تىلىدىن يېزىلغان ئوبدان شېئىر بوپتۇ. مىرزابەگ يوقاپ كەتمەي پات-پات تىما يوللاپ تۇرغاي!

halisbay

بالامغا ئوقۇپ بەرسەم خوش بوپ كەتتى. ئەجرىڭىزگە تەشەككۇر.