ئىستونىت قىزىمغا خەت

ئامىنە

ئىستونىت قىزىمغا خەت

ئامىنە ئابدۇۋايىت

جېنىم قىزىم ، سەن مېنىڭ بارلىغىم ، سەن مېنىڭ يۈرەك پارەم ، سەن مېنىڭ ھاياتىم ، شۈنداقلا ھاياتىمنىڭ داۋامى . مېنىڭ بارلىق ئارزۇ ، ئۇمۇتلېرىم ساڭا باغلانغان ، چۈنكى سەندە مۇستەھكەم ئىرادە ، تاغدەك جاسارەت ، ئۈلۇغۋار غايە ۋە يېتەرلىك قابىليەت ، يېڭى دەۋىرگە ماس كەلگۈدەك بىلىم ، ئىقتىدار بار ، ساڭا بەختىيار ھاياتنىڭ بەخت دەرۋازىسى كەڭ تاشا ئېچىلىغلىق ،سەن بۇ دەرۋازىدىن بىمالال كىرىپ ئۆز بەختىڭنى ئۆز تىرىشچانلىقىڭ بىلەن يارىتالايسەن . تولىمۇ تەستە قولغا كەلگەن ئالى مەكتەپ ھاياتىڭنى قەدىرلەپ مىنۇت ، سىكۇنۈتنى قولدىن بەرمەي تىرىشىپ ئۈگېنىپ ، سېنى ئۆستۈرگەن يۈرتۇڭغا ، تەربىيىلىگەن ئۈستازلېرىڭغا ، پەپىلەپ باققان ئاتا – ئاناڭغا ، سەندىن زور ئۈمۈتلەرنى كۈتكەن ئۈرۇق – تۇققانلېرىڭغا يۈز كېلەلگۇدەك ياخشى نەتىجىلەرنى قولغا كەلتۈرۈشكە بار كۈچۈڭ بىلەن تىرىشقىن .
جېنىم قىزىم ، مەكتەپدىكى رەڭگارەڭ ھايات ، خىلمۇ – خىل ساۋاقداشلېرىڭ ئارېسىدىن ئۆزەڭگە خاس ، مۈستەقىل بىر يولنى تاللا . باشقىلارغا ئەگىشىپ ، باشقىلارنى دوراپ خاتا يولغا مېڭىپ قالما ، چۈنكى ئالى مەكتەپ ھاياتى مۇستەقىل ئۈگىنىدىغان ، مۈستەقىل پىكىر قىلىدىغان ، مۈستەقىل ياشاشنى بىلىدىغان ، ئەستايدىل ئىزدېنېدىغان دەۋىر سەن بۇ دەۋرىڭنى بەك – بەكمۇ قەدىرلە .
جېنىم قىزىم ، سەن دۈنياغا قانداق كەيپىياتتا قارېساڭ ، دۇنيامۇ ساڭا شۇنداق قارايدۇ . سەندە دۈنياغا نەزەر سالغۇدەك ئىقتىدار ، دۈنيانىڭ گۈزەللىگىدىن ھوزۇرلېنىشنى بىلىپ يەتكۇدەك ئىلغار ئاڭ بار ، شۇنداقتىمۇ سەن يەنىلا بالا ، شۇنى ئەسكەرتكۇم كېلىدۇ ، ئېسىڭدە بولسۇن : ھايات ئىنسانغا بىرلا قېتىم كېلېدىغان قىممەتلىك پۇرسەت ، سەن بۇ پۇرسەتتىن تولۇق پايدىلىنىشنى بىل . ھايات ئىنسانغا ئۆز قابىليېتىنى نامايەن قىلدۇرېدىغان بىر سەھنە خالاس ، سەن بۇ سەھنىدە قانداق رول ئېلىشنى بىل . دەۋىرگە ماسلېشىپ ياشاشنىمۇ ئۈگەن ، دەۋىرگە ماسلېشىپ ياشاشنىڭ ئۆزىمۇ بىر قابىليەت ، سەن بۇ قابىليېتىڭنى تولۇق جارى قىلدۇرۇپ ھايات سەھنىسىدە ئەڭ مۇكەممەل ، ئەڭ ياخشى رولنى ئال . يادىڭدا بولسۈن ، ھايات سەھنېسىدە رول ئېلىش دارامما سەھنىسىدە رول ئېلىشتىن نەچچە ھەسسە قىيىن ، چۈنكى دارامما سەھنىسىدە رول ئېلىشتا قايتا – قايتا رىپىدىس قىلىش پۈرسېتى بار ، ھايات سەھنىسىدا بىرلا قېتىم رول ئالغېلى بولىدۇ ، قايتا رىپىدىس قىلىش پۇرسېتى يوق . بۇ بىر قېتىملىق رولنى مۇكەممەل ، ياخشى ئېلىش ئارقېلىق ئۆزەڭنىڭ ئۆمۇرلۈك تەغدىرىڭنى يارىتالايسەن . ناۋادا ئېھتىياتسىزلىقتىن بىر قەدەمنى خاتا بېسىپ قالساڭ مەڭگۇ پۇشايماندا قالىسەن .
جېنىم قىزىم ، سەن ئالى مەكتەپ ھاياتىڭنى قەدىرلەپ ياخشى ئۈگەن ، چۈنكى يىزا ،قىشلاقلاردا سەن بىلەن تەڭتۇش دېمەتلىك قىزلارنىڭ مىڭدىن بىرى ساڭا نېھسىپ بولغان بۇ پۇرسەتكە مىڭ تەستە ئېرىشەلەيدۇ ، يا ئېرىشەلمەيدۇ، سەن بۇ پۇرسسەتنى مەڭگۇ قەدىرلە ! كوچا – كويلاردا ئېقىپ يۈرگەن ‹‹ بىڭسىڭ بولسا پۇل تاپ ، بىكاغا مۇشۈك ئاپتاپقا چىقمايدۇ ›› دېگەندەك سەپسەتىلەرگە ئىشېنىپ قايمۇقۇپ قالما . 21 –ئەسىر بىلىم دەۋرى ، رىقابەت دەۋرى . بىلىم بولمېسا رىقابەتتە ئۈتۈپ چىقىش مۈمكۈن ئەمەس .
جېنىم قىزىم ، سەن شاللېنىپ كەتمەسلىك ئۈچۈن تاللاشنى ئۈگەن . ھەرقانداق قىسمەتلەرگە دۈچ كەلگەندە ئۈنىڭغا تاقابىل تۈرالايدىغان ، ساغلام كەيپىيات ، قەيسەر روھ ، جەمىئەم تەرەققىياتىغا  ماسلىشالايدىغان يۈقېرى ساپانى ھازىرلېشىڭ كېرەك .
ئىلىم سەھنېسى ئەزەلدىن مىللەت ، ئىرىق ، دىن .جىنىس ، يۈرت ئارىمايدۇ بۇ سەھنە جاپاغا چىداپ ئىزدەنگۈچىلەرگە بەرىكەتلىك داستىرخېنىنى كەڭ يېيىپ كەلمەكتە . سەن بۇ سەھنېنىڭ ھۆرمەتكە سازاۋەر ئەزىز مىھمانى بولوشقا بار كۈچۈڭ بىلەن تىرىش . جېنىم قىزىم ، سەن ھەر ۋاقىت ئۆزەڭگە ئىشىنىپ ،ئۆزەڭنى قەدىرلە .ئىچكى ۋە تاشقى گۈزەللىكىڭغا  ئالاھىدە ئەھمىيەت بېرىپ ، ئۆزەڭنى كەلگۈسىدېكى ئۈلۈغۋار ئانىلار قارارىدا كۆر . مەن ساڭا ئىشىنىمەن ، ئىشىنىپ تۈرۈپ تۇۋەندىكى بىرقانچە نوختىلارغا ئاھمىيەت بېرىشىڭنى تەۋسىيە قىلىمەن：
(1)        سەمىمى بول . سەمىمىيەت ئاياللارنىڭ ئاياللىق ئوبرازىنى تېخىمۇ نۇرانە قىلىدۇ .
(2)        ئۆزەڭگە ئىشەن . سەن ئۆزەڭگە ئىشەنسەڭ ،ئاندىن باشقىلارمۇ ساڭا ئىشىنىدۇ .
(3)        ئۆزەڭدىن پەخىرلەن . ئۆزەڭنىڭ ئايال زاتى بولۇپ تۇرەلگەنلىڭنىڭ ئۆزى بىر بەخت ، چۇنكى سەن كەلگۈسۈدېكى ئەڭ بۈيۈك ، ئەڭ مۈقەددەس ‹‹ ئانا ›› دېگەن ئۈلۈق نامنىڭ ئېگېسى .
(4)        ئۈمۈتۋار بول . ھەرقانداق مۈشكىلات ، ھەرقانداق خېيىم – خېتەرگە دۈچ كەلگەن تەقدىردېمۇ بۆگۈن كەچ بولسا ئەتە چوقۇم تاڭ يورۈيدۇ ، دېگەننى ئويلا .
(5)        نىشانىڭ ئېنىق بولسۈن . نىشان ئېنىق بولغاندېلا ، نىشاننى ئەمەلگە ئاشۇرغىدەك پىلان بولىدۇ . پىلانى يوقنىڭ راۋاجى يوق .
(6)        تەۋەككۈلچىلىق روھىنى يېتىلدۇر . تەۋەككۈلچى كىشىلەر غەلبېگە يېقىن بولىدۇ . كۆمسەم پىشارمۇ ؟ ياپسام پىشارمۇ ؟ دەپ ئىككىلىنىپ ئولتۈرما ، پۇرسەت كېتىپ قالىدۇ
(7)        ۋەدىېگە ئەمەل قىل . چامىڭ يەتمېگەن ئىشقا ۋەدە بەرمە ، يالغان سۆزلېمە ، يالغانچىنىڭ قۈيرۈقى بىر تۈتام . پادىچى بالىنىڭ ھىكايىسىنى يادىڭدىن چىقارما .
(8)        كەسپىڭنى قەدىرلە . كەسىپنىڭ يۈقېرى تۆۋەنلىگى يوق ، داڭدار شەخسىلەرمۇ كەسىپ ، ھۈنەر بىلەن ئۆز قەدىر - قىممىتىنى تىكلىيەلگەن .
(9)        زېرەك بول . بۇ دەۋىر رىقابەت دەۋرى ، ئۈچۈر ، ئىنتىرنىت دەۋرى ، پۇرسەتنى چىڭ تۈتۈپ ئۈچۈر ئېگەللەشكە ماھىر بولۇپ ، پايدىلىق ئۈچۈرلاردىن ئۈنۈملۈك پايدىلان . باشقىلار ئويلاپ بولغىچە سەن باشلاپ بول .
(10)        جۈرئەتلىك بول . جۈرئەت بولغاندىلا غەلبە قىلغېلى بولىدۇ ، بۇ ھەقتە يۈگۇڭنىڭ تاغنى يۆتكېشىنى ئۆزەڭگە ئۆرنەك قىل .
(11)        تەشەببۈسكار بول . باشقىلار خالىمىغان ئىشنىمۇ دادىللىق بىلەن قىلىپ كۆر ، پەقەت قانۈن ، تۈزۈمگە ئۈيغۈن بولسىلا .
(12)        ئىززېتىڭنى ھاياتىڭدىنمۇ قىممەتلىك بىل . ئىززېتىڭنى ساقلىيالساڭ ئەتىۋارلىق بولىسەن . بۇ دۈنيادىكى ئەڭ قورقۈنۈشلۈق ئىش ، تاغ ئۈستىدىن غولاپ كېتىش بولماستىن ، بەلكى باشقىلارنىڭ نەزىرىدىن چۈشۈپ كېتىش .
(13)        كۆڭلى كۆكسۈڭنى كەڭ تۈت . كۆڭلۈڭنى كەڭ تۈتالساڭ بۇتۈن ئالەمنى سىغدۈرالايسەن ، باشقىلارغا ياردەم قولۇڭنى سۈنالايسەن ، قول قولنى يۈسا ، قول قوپۇپ يۈزنى يۈيدۇ .
(14)        دەرھال ھەرىكەتكە كەل . بۆگۈن ماڭمىساڭ ،ئەتە چوقۈم يۈگۈرۈشكە مەجبۈر بولىسەن .
(15)        ئىقتىسادىڭنى چىڭ تۈت . ئىقتىسادى جەھەتتىن بىخەتەرلىك تۈيغۈسى بولمىسا ، ئۈلۈغۋار ئارزۈلارنى ئەمەلگە ئاشۈرۈش تولىمۇ مۈشكۈل . ئاقىل ئەجداتلېىرىمىزمۇ ‹‹ گاچا بولسىمۇ باينىڭ بالىسى سۆزلىسۇن ›› دېگەن ئىكەن .
(16)        دەۋىرگە ماسلاش . دەۋىرگە ماسلېشىپ ياشاشنىڭ ئۆزىمۇ بىر ئىقتىدار ، دەۋىر بىلەن تەڭ قەدەمدە ئىلگەرلەپ ، مىللى خاسلىقنى ساقلىغان ئاساستا ، ئىلغار مەدىنيەتنى ئۆرنەك قىلىپ ساغلام بولغان روھى ھالەتنى يېتىلدۇر .
(17)        ئۈگېنىشنى توختاتما . ئۈگېنىش ئارقىلىق ئۆزەڭنى تولۇقلىيالايسەن ، بىلىمىڭنى يېڭىلىيالايسەن . بۈرۈن بىلىمنىڭ دەۋرى 30 يىل بولسا ھازىر ئۈچ يىلغىمۇ يەتمەيمىش ، ئېسىڭدا بولسۈن بىلىم يېڭىلىنىپ تۈرېدۇ .
(18)        گۈزەللىككە سەل قارىما . بىلىم ، ئەخلاق بىلەن ئىچكى گۈزەللىكىڭنى مۈكەممەللەشتۈرۈش بىلەن بىرگە سىرتقى قىياپېتىڭغىمۇ قاتتىق ئەھمىيەت بەر ، باشقىلارغا تۈنجى بولۇپ بېرېدىغان تەسىرىڭ سىرتقى گۈزەللىك . ئىچكى ، سىرتقى گۈزەللىك بىرىككەندېلا ئاندىن ھەقىقى گۈزەل بولغىلى بولىدۇ .
(19)        نەرمال ياشا . ئاق كۆڭۇل بولدۇم دەپ باشقىلارغا بەك يول قويۇپ كەتمە ، تۆرنى باشقىلارغا ئۆتۆنۇپ بېرىپ  ئۆزەڭ پەگادا قالما . ئۆزەڭنى بەك مۈكەممەل بىلىپ گېدىيىۋالما . بورانمۇ ئەڭ ئاۋال ئېگىز شاخقا تېگېدۇ .
(20)        ئۆزەڭنىڭ كىملىگىنى ، تۈغۈلۇپ ئۆسكەن يۈرتۈڭنى ھەرگىز ئېسىڭدىن چىقارما . كۆك قەھرىدە پەرۋاز قىلغان بۈرگۈتمۇ ھامان ئوۋېسىغا قايتىپ كېلىدۇ .

ئاقتۇ ناھيىلىك ئۈيغۇر تىبابەت دۈختۇرخانېسى ئامىنە ئابدۇۋايىت

HOJAKABIZ

ئامىنە خانىمنىڭ سىتۇدىنت قىزىغا يازغان خېتى ئوقۇپ بېقىشقا ئەرزىيدىكەن. باشقالارمۇ ئۆزىنىڭ ئوغۇل-قىزلىرىغا ئەشۇنداق تەلەپ قويسا ئارزۇ دەرىخى چوقۇم بۇلۇق مېۋە بېرىدۇ!