بىر بايانات،بىر قەسەم(خۇشخۇي)

huxhuy · ۋاقتى: 2012-6-29 11:29:07


	ئىككى غەزەل قەسەم كۈندە ئىلھام باغرىدا شات ئاقىمەن، يۈرىكىمنى ئەل- ۋەتەنگە ياقىمەن. سايىسى كەلسە رەقىبنىڭ بۇ تامان، چىشلىرىنىڭ بىرنى قويماي چاقىمەن. مەن ئاشۇنداق جان پىدا دەرۋازىۋەن، قىشۇ-ياز چىگرانى ئوبدان باقىمەن. ئىت نېمە ھەتتا بۆرە قىلسا خىرىس، ئۇنى يەرگە نەچچە ئون گەز قاقىمەن. دىل بېرىپ شۇنداق ساداقەتتە ئاڭا، كۆكرىكىمگە شان مىدالى تاقىمەن. بايانات مەن شېئىر يازىمەن ئوڭ قولۇم بىلەن، باغرىمدا دەرت-پىراق مىڭ تۇلۇم بىلەن. يازمىسام قىينايدۇ ۋىجدانىم مېنى، يازىمەن ئىزىقماي ئۆز يولۇم بىلەن. پىراقنىڭ ئەلچىسى چەككەندە ئىشىك، مىسرالار يامرايدۇ ئوڭ- سولۇم بىلەن. يىقىلسا تاغ ئەگەر دوستلار بېشىغا، تىرەيمەن شېئىر كۈچ،تەن- غولۇم بىلەن. مەن شۇنداق شېئىرغا ئاشىق- پەيۋەندە، يايرايمەن كۈيگە باي بۇلبۇلۇم بىلەن.

تەبەسسۇم · ۋاقتى: 2012-6-29 13:26:36


	ئىجادنىڭ كۆكىدە قۇچۇپ شان-زەپەر، ئەتىگە يول ئالاي دۇلدۇلۇم بىلەن........دەپ ھە ھى ھى....

ئەھەدى · ۋاقتى: 2012-6-29 18:59:08


	ياشىسام نە ئارمان،جان پىدا قىلىپ، شىئېرغا پەيۋەندە دوستلۇرۇم بىلەن !

تەبەسسۇم · ۋاقتى: 2012-6-29 19:06:14


	ئىللىتاي شېئىرغا ئاشىنالەرنىڭ، دىلىنى يالقۇنلۇق ئوتلۇرۇم بىلەن!

بۇغراخان · ۋاقتى: 2012-6-30 14:24:24


	شا ئېرنىڭ شىئرېغا بولغان قايناق ھىسياتى، مۇھەببەتى بىلەن دەر ۋازىۋەن گە بولغان ھۆرمىتى ئىككى ياقىلىمىلىق تەرەپ تىن ناھايىتى ياخشى يورۇتۇلۇپ ئۆز ئىپادىسىنى تىپىپ تۇ. بۇ يازمىنى ئاخىرىدا بۇغرا تەھرىرلىگەن. ۋاقتى 2012-6-30 14:26

شەمشادى · ۋاقتى: 2012-6-30 23:34:19


	غېزەللەرنىڭ پىكىرى، تىلى، ئۇسلۇبى قاتارلىقلار يۇقىرى ماھارەتتە چىقىپتۇ.ئىلگىرلەش زور! ماۋۇ ئىت نېمە ھەتتا بۆرە قىلسا خىرىس، دېگەن مىسىرادىكى ۋەزىننى ئوڭشاش ئۈچۈن: ئىت نېمە، ھەتتاكى بۆرە كەلسىمۇ، ياكى ئىت نېمە، ھەتتاكى بۆرە قىلسا قەست، دەپ ئالساق قانداق؟ بۇ يازمىنى ئاخىرىدا شەمشادى تەھرىرلىگەن. ۋاقتى 2012-6-30 23:36

HOJAKABIZ · ۋاقتى: 2012-7-4 14:49:36


	ياخشى غەزەللەرگە ياخشى ياندىشىش باركەن-ھە!

سەزگۈر · ۋاقتى: 2012-7-4 17:08:37


	ياخشى يېزىلغان غەزەللەرگە تەبەسسۇم،ئەھەدى ئەپەندىلەرنىڭ يانداشمىلىرىمۇ ياىشى چىقىپتۇ.ئەزىزلەرنىڭ تېنى سالامەت بولغاي!

huxhuy · ۋاقتى: 2012-7-8 19:39:54


	دوستلارنىڭ غەزەلىمگە يانداشقىنىغا ۋە قىممەتلىك تەكلىپ بەرگىنىگە رەھمەت.

arkan · ۋاقتى: 2012-8-5 00:53:15


	ئۇستازنىڭ بۇ ئىككى غەزىلىنى ئوقۇپ چاڭقىغان دىلىم ئۇسسۇزلۇقققا قانغاندەك بولدى، رەخمەت سىلىگە ئۇئستاز، مۇشۇنداق ياخشى غەزەللەرنى داۋاملىق يىزىپ تۇرۇشلىرىغا تىلەكداشمەن!

SULTAN · ۋاقتى: 2012-8-17 00:31:51


	قەسەم كۈندە ئىلھام باغرىدا شات ئاقىمەن، يۈرىكىمنى ئەل- ۋەتەنگە ياقىمەن. سايىسى كەلسە رەقىبنىڭ بۇ تامان، چىشلىرىنىڭ بىرنى قويماي چاقىمەن پاھ...پاھ...پاھ.................. خۇشخۇي ئەپەندىمنىڭ بۇ شئىرىنىڭ قاملاشقىنىنى، ئىلھام دىگەن بار يەردە يەنىلا كۆپ جۇما ؟ بۇ يازمىنى ئاخىرىدا SULTAN تەھرىرلىگەن. ۋاقتى 2012-8-17 00:38

ئىپار · ۋاقتى: 2012-8-17 02:34:52


	يۇرتۇڭلاردىكى دىھقانلار كوپ زىيان تارتىپتۇىھە، ئاللاھ بىرە شۇ بەندىلەرگىمۇ؟

مىكروبلوگ[ يېڭى | 24 سائەت | 7 كۈن | 30 كۈن ]