|
ياپونلار ئۇيغۇرنى تونۇۋاتىدۇ
ــــ ئادىلە ئىسمائىلنىڭ «يىپەك يولى ساياھىتىدىكى ئۇيغۇر تىلى» ناملىق قوللانما كىتابى ياپونىيەدە نەشىر قىلىنىپ داغدۇغىلىق بازارغا سېلىندى
1991-يىلى 7-ئايدا قەشقەر پېداگوگىكا ئىنستىتۇتىنىڭ تىل-ئەدەبىيات فاكۇلتېتىنى ئەلا نەتىجىدە پۈتكۈزۈپ، ئاقسۇ ۋىلايەتلىك رادىيو-تېلېۋىزىيە ئۇنىۋېرسىتېتىدا بىر مەزگىل ئوقۇتقۇچىلىق قىلغاندىن كېيىن ياپونىيەگە چىقىپ، تىل ئۆگىنىۋاتقان ۋە ئىلمىي تەتقىقات بىلەن شۇغۇللىنىۋاتقان ئۇيغۇر يازغۇچى، تەتقىقاتچى ئادىلە ئىسمائىلنىڭ 2015- يىل 12-ئايدا ياپون يېزىقىدا نەشر قىلىنغان «يىپەك يولى ساياھىتىدىكى ئۇيغۇر تىلى» ناملىق قوللانما كىتابى كەڭ ياپون كىتابخانىلىرىدا داغدۇغىلىق بازارغا سېلىنىپ، ئۇيغۇرلار ھەققىدە ئۇنىۋېرسال چۈشەنچە بەرگەن تۇنجى نەشر ئەپكارى سۈپىتىدە مەيدانغا چىقتى.
ياپونلارنىڭ ئۇيغۇرلار ھەم ئۇيغۇر رايونىغا بولغان تونۇشى ۋە قىزىقىشىنى يۇقىرى كۆتۈرۈش، ئۇيغۇرلار ھەققىدىكى ئىزدىنىشى ۋە تەتقىقاتلىرىغا يول ئېچىش مەقسىتىدە تۈزۈلگەن بۇ قوللانمىدا، ئۇيغۇرلارنىڭ تارىخى، جۇغراپىيەلىك مۇھىتى، تىل-يېزىق ئالاھىدىلىكى، گۈزەل سەنئىتى، ئۆرپ-ئادەت، ۋە، تۇرمۇش شارائىتى، ئاسارە-ئەتىقە ۋە ساياھەت نۇقتىلىرى قاتارلىق كەڭ دائىرىدىكى ئۇنىۋېرسال مەزمۇنلار بايان قىلىنغان بولۇپ، پاكىت-ئىستاتىستىكىلار سۈرەت ۋە ماتېرىياللار ئارقىلىق تەپسىلىي ۋە ئىشەنچلىك تونۇشتۇرۇلغاندىن باشقا، كىتابنىڭ باش نازارەتچىسى ۋە سۈرەتچىلىككە مەسئۇل ئىككى خادىمنىڭ ئىلگىرى-ئاخىر يەتتە قېتىم ئۇيغۇر ئېلىنىڭ جەنۇب-شىمالىدىكى كەڭ يېزا-شەھەرلەرگە ماتېرىيال ئېلىش ۋە تۇرمۇش ئۆگىنىشكە بېرىپ ئىگىلىگەن، ھېس قىلغان ئەمەلىي تەجرىبىلىرىمۇ ياپونلارنىڭ نەزىرى ۋە تەپەككۇرى نۇقتىسىدىن چىقىپ كىتابتىكى مەزمۇنلارغا سىڭدۈرۈلگەن. ئوخشىمىغان جۇغراپىيەۋى رايونلارنىڭ تارىختا تۇتقان ئورنى ۋە ھازىرقى ئىجتىمائىي شارائىتى؛ قەدىمكى ۋە بۈگۈنكى يەر ناملىرىنىڭ كېلىپ-چىقىش مەنبەسى؛ خەلق مۇقاملىرى ئاساس قىلىنغان ئۇيغۇر ناخشا-مۇزىكىلىرىنىڭ سېھرىي كۈچى؛ ئىسلامىيەت تۈسىدىكى مىمارچىلىق ۋە باشقا نازۇك قول-ھۈنەرۋەنچىلىك سەنئىتىنىڭ جەلپكارلىقى؛ شەھەر بىلەن يېزا، جەنۇب بىلەن شىمالدىكى ئوخشىمىغان مەدەنىيەت قاتلاملىرىنىڭ تەرەققىيات يۆنىلىشى قاتارلىق چەتئەللىك زىيارەتچى ۋە تەتقىقاتچىلار ئەڭ كۆپ ئەھمىيەت بېرىدىغان تېمىلارغا ئالاھىدە سەھىپە ئاجرىتىلىپ، چىنلىق، ئىنچىكىلىك، قوللىنىلىشچانلىقنى يۇقىرى ئۆلچەم قىلىدىغان ياپون مىللىتىنىڭ تەلىپىگە، ماسلاشتۇرۇپ تۈزۈلگەن. بۇ كىتابتا يەنە ئۇيغۇرلار بىلەن ياپونلارنىڭ تۇرمۇش ئادەتلىرى، ئەخلاق كۆزقارىشى ۋە تىل ئالاھىدىلىكى جەھەتتىكى ئورتاقلىقى تەكىتلىنىپ، ياپونلارنىڭ ئۇيغۇرلارغا ۋە ئۇيغۇر تىلىغا بولغان قىزىقىشىنى يېتەرلىك غىدىقلىغان. كىتابنىڭ بىر ئۈلۈش قىسمىنى ئۇيغۇر تىلى ھەققىدىكى ئاساسىي بىلىملەر ئىگىلىگەن بولۇپ، گىرامماتىكىلىق قائىدىلەر، تاۋۇش ئالاھىدىلىكلىرى، سۆزلۈكلەر توپلىمى، ۋە ئوخشىمىغان ئالاقە سورۇنلىرىدىكى زۆرۈر دىيالوگلار، ئەمەلىي مىساللار بىلەن چۈشەندۈرۈلگەن. بۇ ئارقىلىق مەيلى ئۇيغۇر تىلى ئۆگىنىدىغانلار ئۈچۈن بولسۇن، مەيلى ئۇيغۇر مەدەنىيىتى ۋە تارىخىغا قىزىققۇچىلار ئۈچۈن بولسۇن، مەيلى ساياھەت ۋە تەكشۈرۈش ئارقىلىق ئۇيغۇرلارنى تېخىمۇ ئىچكىرىلەپ چۈشىنىش ۋە تەتقىق قىلىشنى خالىغۇچىلار ئۈچۈن بولسۇن يېتەرلىك ماتېرىيال زاپىسى تەمىنلىگەن.
ئۇيغۇرلار دۇنيانى چۈشىنىشكە قانچىلىك موھتاج بولسا، دۇنيانىڭمۇ ئۆزلىرىنى چۈشىنىشى ھەم ئېتىراپ قىلىشىغا شۇنچىلىك موھتاج. ياپونلارنىڭ يىپەك يولى مەدەنىيىتىگە بولغان پەۋقۇلئاددە مۇھەببىتى ئۇلارنى ھەرقاچان ئۇيغۇرلارغا قىزىقتۇرالايدۇ. مىڭ ئۆيلەردىكى بىباھا بۇددىست يادىكارلىقلىرى ئۇيغۇر ساياھىتىگە كۆۋرۈك ياسىيالايدۇ. تىل سىستېمىسىدىكى ئورتاقلىق، ئۆرپ-ئادەتتىكى يېقىنچىلىق ئېلېمېنتلىرى ئىزدىنىش ۋە تەتقىقاتلىرىغا سەۋەب بولالايدۇ، قاينام-تاشقىنغا، مېھرى-مۇھەببەتكە، زىددىيەت ۋە كۈرەشكە تولغان ساددا، ئىپتىدائىي ھاياتلىق توپى سالقىن ھېسلىرىغا ھارارەت، ئۇنتۇلغان ئۆتمۈشىگە ئەسلىمە بېرەلەيدۇ. دۇنيا ئۇيغۇرنى تونۇسۇن، خەرىتىنىڭ چەت ياقىسىدا، سىر ۋە سېھىرلەر ئىچىدە ياشاۋاتقان قەدىمىي ھەم، يېڭى بىر مەۋجۇتلۇقىنى نامايەن قىلدى.
خەۋەرنى تۆمۈر قادىرى تەييارلىغان
مەنبە:
http://www.maaripqilar.com/bbs/f ... ge=1&extra=#pid8240 | 
ip كۈرۈش
ئىز قوغلاش
ۋاقتى: 2015-12-24 11:38:10
تىما چوققىلاش
چوققىلاش
ئىنكاسنى تاقاش
شاۋقۇن چىقىرىش
变色卡
دېۋان تالىشىش
显身卡
ۋاقتى: 2015-12-24 13:01:51
ۋاقتى: 2016-1-23 23:44:25
