تارىختىكى بۈگۈن(8-ئاينىڭ 4-كۈنى)

udun

تارىختىكى بۈگۈن(8-ئاينىڭ 4-كۈنى)

1998-يىلى بۈگۈنكى كۈندە، جۇڭگولۇقلار تۇنجى قېتىم تەڭرىتېغىنىڭ شەرقىدىكى ئەڭ ئېگىز چوققا بۇغدا چوققىسىغا چىققان. بۇغدا چوققىسى 5445 مېتىر كېلىدۇ. بۇنى ئۈرۈمچىدىكى ئىشتىن سىرتقى بىر تاغقا يامىشىش ئەترىتى تاماملىغان. بۇ ئەترەت 12 كىشىدىن تەركىب تاپقان. بۇغدا چوققىسى تېخنىكا تەلەپ قىلىدىغان چوققا بولۇپ، كەسپىي بولمىغان ئەترەتنىڭ چوققىغا چىقىشى تېخى جۇڭگو تارىخىدا تۇنجى قېتىم.

    1996-يىلى بۈگۈنكى كۈندە، ئېلىمىز ئالىملىرى ھاياتلىقنىڭ مەنبەسى توغرىسىدىكى يېڭى ئۇقۇمنى ئوتتۇرىغا قويغان. 11-نۆۋەتلىك خەلقئارا ھاياتلىقنىڭ مەنبەسى يىغىنىدا ئېلىمىز ئالىملىرى خىمىيە، ماتىماتىكا ۋە ھەرىكەتلەندۈرگۈچ كۈچ ئىلمى ئارقىلىق ئامىنو كىسلاتاسى بىلەن فوسفورنىڭ بىرىكمىسى-فوسفورىل ئامىنو كىسلاتاسىنىڭ ھاياتلىقنىڭ مەنبەسى ئىكەنلىكىنى ئىسپاتلىغان. بۇندىن بۇرۇن ھاياتلىقنىڭ مەنبەسى توغرىسىدا مۇنداق ئىككى خىل قاراش بار ئىدى:بەزىلەر ھاياتلىقنىڭ مەنبەسى ئاقسىل دېسە، يەنە بەزىلەر يادرو كىسلاتاسى ھاياتلىقنىڭ مەنبەسى، ئاۋۋال　يادرو كىسلاتاسى بارلىققا كەلگەن ئاندىن ئاقسىل بارلىققا كەلگەن دېيىشەتتى.

    1996-يىلى بۈگۈنكى كۈندە، ئولىمپىك مۇسابىقىسى مۇۋەپپەقىيەتلىك يېپىلغان. 1996-يىلى 19-ئىيۇل 26-نۆۋەتلىك ئولىمپىك مۇسابىقىسى ئامېرىكىنىڭ ئاتلانتا شەھىرىدە ئۆتكۈزۈلگەن. شۇنداقلا بۇ قېتىملىق ئولىمپىك مۇسابىقىسى ئولىمپىك مۇسابىقىسى بارلىققا كەلگەنلىكىگە 100 يىل بولغاندا ئۆتكۈزۈلگەن كاتتا مەرىكە ئىدى. جەمئىي 23 تۈردە دۇنيا رىكورتى بۇزۇپ تاشلاندى. مۇسابىقە 20 كۈن داۋاملاشقان، 197 دۆلەت ۋە رايونلاردىن كەلگەن تەنھەرىكەتچىلەر بۇ قېتىملىق كاتتا مەرىكىگە قاتناشقان. ئامېرىكا 44 ئالتۇن مېدال بىلەن 1-ئورۇندا، روسىيە 26 ئالتۇن مېدال بىلەن 2-ئورۇندا، گېرمانىيە 20 ئالتۇن مېدال بىلەن 3-ئورۇندا تۇرغان.

    1971-يىلى بۈگۈنكى كۈندە، ئېلىمىز تۈركىيە بىلەن دىپلوماتىك مۇناسىۋەت ئورناتقان. تۈركىيەنىڭ تولۇق نامى تۈركىيە جۇمھۇرىيىتى، مەنىسى قەيسەر كىشىلەرنىڭ دۆلىتى. تۈركىيە ئاسىيا بىلەن ياۋروپا ھەر ئىككى قىتئەگە جايلاشقان بولۇپ، ئاسىيادىكى قىسمى %97 نى ئىگىلەيدۇ. ھۆكۈمەت تىلى تۈرك تىلى. 20-ئەسىردە ئەنگلىيە، فرانسىيە، گېرمانىيە قاتارلىق دۆلەتلەرنىڭ مۇستەملىكىسى بولغان، 1919-يىلى دۆلەت ئاتىسى مۇستاپا كامال ئىنقىلاب قوزغاپ غەلىبە قىلغان. 1923-يىلى 10-ئاينىڭ 29-كۈنى تۈركىيە جۇمھۇرىيىتى قۇرۇلغان.

    1929-يىلى بۈگۈنكى كۈندە، پەلەستىن مىللىي ھوقۇقلۇق ئورگىنىنىڭ رەئىسى ئارافات ئېرۇسالمىدا دۇنياغا كەلگەن. 1969-يىلى 2-ئاينىڭ 3-كۈنى، ئارافات پەلەستىن قوراللىق كۈچىنىڭ رەھبىرى بولغان. 1950-يىلى قاھىرە ئۇنۋېرسىتېتىدا ئوقۇغان. 1959-يىلى ئارافات «پەلەستىن مىللى ئازادلىق ھەرىكىتى» نى قوزغىغان. 1989-يىلى 4-ئاينىڭ 2-كۈنى ئۇ پەلەستىننىڭ زۇڭتۇڭى بولغان. 1994-يىلى 7-ئايدا، ئۇ نوبېل تىنچلىق مۇكاپاتىغا ئېرىشكەن. 2004-يىلى 11-ئاينىڭ 11-كۈنى ۋاپات بولغان.

بەگتاش

بىلىۋالدىم، رەھمەت سىزگە.