تۈركزات:شائىر مۇھەممەت كامال خۇشخۇيغا تون كەيگۈزۈلدى

تۈركزات

گۇما ناھىيەسىدە «ئەدەبىيات-سەنئەتچىلەر سۆھبەت يىغىنى ۋە شائىر مۇھەممەد كامال خۇشخۇي ئىجادىيىتى ئىلمىي مۇھاكىمە يىغىنى»ئېچىلدى

گۇما ناھىيەلىك  پارتكۇم تەشۋىقات بۆلۈمى بىلەن گۇما ناھىيەلىك ئەدەبىيات-سەنئەتچىلەر بىرلەشمىسى مۇشۇ ئاينىڭ 15-كۈنى چۈشتىن كېيىن «گۇما ناھىيەسىنىڭ ئەدەبىيات-سەنئەتچىلەر سۆھبەت يىغىنى ۋە شائىر مۇھەممەد كامال خۇشخۇي ئىجادىيىتى ئىلمىي مۇھاكىمە يىغىنى»ئاچتى.يىغىن ئۈرۈمچى ۋاقتى سائەت 14:30  دە باشلىنىپ ئۈچ چوڭ كۈن تەرتىپ بويىچە ئۆتكۈزىلدى:
1.ناھىيەلىك پارتكۇم  ئىشچىلار ئۇيۇشمىسى يىغىن زالىدا «گۇما ناھىيەسىنىڭ ئەدەبىيات – سەنئەت ۋە شائىر مۇھەممەدكامال خۇشخۇي ئىجادىيىتى ئىلمىي مۇھاكىمە يىغىنى»ئۆتكۈزىلدى.
2. يىغىنغا قاتناشقان شائىر،يازغۇچىلار، مېھمانلار گۇما  ناھىيەسىنىڭ يېڭىشەھەر رايونىنى ئىكىسكۇرسىيە قىلىشقا تەشكىللەندى.
3. گۇماناھىيەلىك «سەنشىيا» كىنو-تىياتىرخانىسىدا «گۇما ناھىيەسىنىڭ ئەدەبىيات -سەنئەت ۋە شائىر مۇھەممەت كامال خۇشخۇيغا تون كەيگۈزۈش پائالىيىتى»ئېلىپ بېرىلدى.
ناھىيەلىك پارتكۇم باش ئىشچىلار ئۇيۇشما يىغىن زالىدا ئۆتكۈزۈلگەن«گۇما ناھىيەسىنىڭ ئەدەبىيات – سەنئەت ۋە شائىر مۇھەممەد كامال ئىجادىيىتى ئىلمىي مۇھاكىمە يىغىنى»غا ناھىيەلىك سىياسى كېڭەشنىڭ مۇئاۋىن رەئىسى،جامائەت ئەربابى ئابدۇللا ھېيت رىياسەتچىلىك قىلدى. ئۇ يىغىن كۈن تەرتىۋىنى ئېلان قىلىۋىتىپ ئارقىدىنلا شىنجاڭ يازغۇچىلار جەمئيىتى،ئۇرۇمچى شەھەرلىك ئەدەبىيات-سەنئەتچىلەر بىرلەشمىسى«تەڭرىتاغ»يورنىلى تەھرىراتى،بايىنغولىن موڭغۇل ئاپتۇنۇم ئوبلاستلىق ئەدەبىيات- سەنئەتچىلەر بىرلەشمىسى«كىروران»يورنىلى تەھرىراتى ۋە خوتەن ۋىلايەتلىك باش ئىشچىلار ئۇيۇشمىسىنىڭ رەئىسى دىلشات قۇربانلارنىڭ شائىر مۇھەممەد كامال خۇشخۇي ئىجادىيىتىنىڭ 30 يىللىقىنى تەبرىكلەپ ئەۋەتكەن تەبرىك خەتلىرىنى ئوقۇپ ئۆتتى.

يىغىن سەھنىسىدىن ئورۇن ئالغانلارنى تونۇشتۇردى،يىغىن سەھنىسىدىن ئورۇن ئالغانلار:

      غوجىمەمەت پازىل (گۇما ناھىيەلىك سىياسى كېڭەشنىڭ رەئىسى).
دولقۇن ھوشۇر(خوتەن ۋىلايەتلىك ئەدەبىيات سەنئەتچىلەر بىرلەشمىسىنىڭ  رەئىسى،خوتەن «يېڭى قاشتېشى»ژۇرنىلىنىڭ باش مۇھەررىرى).
شائىر مۇھەممەد كامال خۇشخۇي.
رېھىم نىياز(شائىر،كېريە ناھىيەلىك خەلق قۇرۇلتىيى دائىمى كومىتىتىنىڭ سابىق مۇدىرى، كېريە ناھىيەلىك ئەدەبىيات-سەنئەتچىلەر بىرلەشمىسنىڭ رەئىسى)
تاش ئوسمان (گۇما ناھىيەلىك خەلق قۇرۇلتىيى دائىمى كومىتىتىنىڭ سابىق مۇدىرى).
سالامەت ئىمىن(گۇما ناھىيەلىك پارتكۇمنىڭ دائىمىي ھەيئىتى، تەشۋىقات بۆلۈمنىڭ باشلىقى)
      مەمەت تۇرسۇن(گۇما ناھىيەلىك خەلق قۇرۇلتىيى دائىمى كومىتېتىنىڭ مەخسۇس ۋەزىپىدىكى دائىمى ھەيئىتى)
     تۇرسۇنجان مۇھەممەد(يازغۇچى،خوتەن ۋىلايەتلىك يازغۇچىلار جەمئيىتنىڭ باش كاتىپى،«يېڭى قاشتېشى»ژۇرنىلىنىڭ مۇئاۋىن باش مۇھەررىرى).
ياسىنجان سادىق چوغلان(يازغۇچى، قەشقەر ۋىلايەتلىك يازغۇچىلار جەمئيىتنىڭ مۇئاۋىن رەئىسى،يەكەن ناھىيەلىك يازغۇچىلار جەمئيىتنىڭ رەئىسى).
ئەنۋەر ھوشۇر(ئەدەبى ئوبزورچى،خوتەن پىداگوگىكا ئالى تېخنىكۇمى تىل-ئەدەبىيات پاكۇلتىتىنىڭ مۇدىرى).
   ئابدۇقادىر ئىسمايىل(گۇما ناھىيەلىك سىياسى كېڭەشنىڭ سابىق مۇئاۋىن رەئىسى).
مەتتۇرسۇن ئوبۇلقاسىم(يازغۇچى،كېريە ناھىيەلىك يازغۇچىلار جەمئيىتىنىڭ  رەئىسى).
ئابلىكىم تالىپ(شائىر،گۇما  ناھىيەلىك ئەدەبيات سەنئەتچىلەر بىرلەشمىسىنىڭ مۇئاۋىن رەئىسى،يازغۇچىلار جەمئيىتىنىڭ  رەئىسى).
نورمۇھەممەت توختى(يازغۇچى،خوتەن پىداگوگىكا ئالى تېخنىكۇمىنىڭ پىنسىيۇنىرى)
مەتقاسىم ئابدۇراخمان (يازغۇچى،خوتەن «يېڭى قاشتېشى»ژۇرنىلىنىڭ پىنسىيۇنىرى).
مەتتۇرسۇن ھاجىم(خوتەن ئىنساپ-دىيانەت كىتاپخانىسىنىڭ باشلىقى).
ئابدۇرېھىم زۇنۇن(شائىر،خوتەن پىداگوگىكا ئالى تېخنىكۇمىنىڭ دوتسىنىتى).
ئابدۇقادىر سادىر(يازغۇچى،شائىر،گۇما ناھىيەلىك ج خ ئىدارىسىنىڭ پىنسىيۇنىرى)
قاۋۇل ساۋۇر(شائىر،قاغىلىق ناھىيەلىك مەدەنىيەت ئىدارىسىنىڭ سابىق مۇئاۋىن باشلىقى).
ئابدۇللا ساۋۇت(يازغۇچى،شائىر، ئاقتۇ ناھىيەلىك پارتكۇم تەشۋىقات بولۈمنىڭ پىنسىيۇنىرى).
تونۇشتۇرۇش ئاخىرلاشقاندىن كېيىن:
1)گۇما ناھىيەلىك پارتكۇمنىڭ دائىمىي ھەيئىتى، تەشۋىقات بۆلۈمنىڭ باشلىقى يولداش سالامەت ئىمىن گۇما ناھىيەسىنىڭ يىقىنقى بىر مەزگىللىك ئەدەبىيات-سەنئەت خىزمىتىنى خۇلاسلىدى،بۇندىن كېيىنكى خىزمەتلەرگە قارىتا تەلەپلەرنى ئوتتۇرغا قويدى.
2)ناھىيەلىك خەلق قۇرۇلتىيى دائىمى كومىتېتىنىڭ مەخسۇس ۋەزىپىدىكى دائىمى ھەيئىتى يولداش مەمەت تۇرسۇن،شائىر مۇھەممەد كامال خۇشخۇينىڭ تەرجىمىھالى ۋە ئەدەبىي ئىجادىيەت نەتىجىلىرىنى تونۇشتۇردى، ئارقىدىنلا ناھىيەلىك ج خ ئىدارىسىنىڭ پىنسىيونىرى،پىشقەدەم يازغۇچى، شائىر ئابدۇقادىر سادىر خوتەن ۋىلايەتلىك مەمۇرىي مەھكىمىنىڭ سابىق باش كاتىپى،شائىر مۇھەممەت چاۋارنىڭ شائىر مۇھەممەد كامال خۇشخۇي شېئىرلىرى توغرىسىدا يېزىلغان«ئىستېتىك ھاياتنىڭ لىرىك سىمفونىيىسى» دىگەن ماقالىسىنى،خوتەن ۋىلايەتلىك يازغۇچىلار جەمئيىتنىڭ باش كاتىپى،خوتەن«يېڭى قاشتېشى»ژۇرنىلىنىڭ مۇئاۋىن باش مۇھەررىرى، يازغۇچى تۇرسۇنجان مۇھەممەت«ئىجادىي ھايات، خۇشخۇيچە ھەۋەس»دىگەن ماقالىسىنى ،گۇما ناھىيە  كۆكتېرەك يىزا 2-باشلانغۇچ مەكتەپتىن  شائىر ئابدۇلئەھەد داۋۇت تۈركزات «شېئىر-شائىر ئىنكاسىنىڭ يۇقۇرى چاستوتىلىق ياڭراتقۇسى»دىگەن ماقالىسىنى ئوقۇپ شائىر مۇھەممەد كامال خۇشخۇينىڭ ئەسەرلىرى توغرىسىدىكى تەتقىقات،مۇھاكىمىلىرىنى ئەمىلى پاكىت ۋە نەزىريىۋى ئاساسلار بىلەن بايان قىلدى ھەمدە شائىرنىڭ 30 يىللىق ئىجادىيەت نەتىجىلىرىنى مۇئەيەنلەشتۈردى.
بۇ يىغىنغا گۇما ناھىيەسى ۋە باشقا خوشنا ناھىيە،ۋىلايەت ئوبلاستلاردىن تۆۋەندىكى شائىر،يازغۇچى،ئەدەبىيات تەتقىقاتچىلرى قاتناشتى:
گۇما ناھىيەسىدىن:شائىر غوجامۇھەممەت قابىز ، شائىر ئەخمەتجان تۇرۇپ بەگتۈرك،شائىر ئابلەت ئەخمەت، يازغۇچى ئابلىكىم ئابلىمىت، شائىر ئىدرىس مەتسىيىت قەدىناس، شائىر مامۇت ئۆمەر ، شائىر ئەركىن مۇساق شاپ ، شائىر ئابلىپىز توختىمۇھەممەت ئاراقۇمى، شائىر ئابلىكىم مۇساق، شائىر توخسۇن ھۈسىيىن ئەلقۇت، يازغۇچى نورمەمەت ھاشىم ، شائىر ئۈمىدجان قادىر، شائىر ئابدۇرىشىت ئەمەت سەھرا، شائىر ئابلىمىت مىجىت ۋاپادار، قىزغىن ھەم ئۈمىدلىك ھەۋەسكارلاردىن ئابلەت ئابلىكىم توغراق، مۇتەللىپ ئابلىز،ئ ادىل جېلىل، ئەركىن توختىباقى، نورمەمەت خېلىل ۋولقانى، مەمەتئابلا ئەركىن شاپ، ئامىنە ئابدۇغۇپۇر، سۇلايمان سۇببۇس، نورمەمەت ئەبەي، داۋۇتجان ھامۇت قاتارلىقلار.
خوتەن شەھرىدىن:يايازغۇچى نۇرمۇھەممەد توختى،يازغۇچى تۇرسۇنجان مۇھەممەد،زغۇچى مەتسىلىم مەتقاسىم،شائىر غوجامۇھەممەد مۇھەممەد، شائىر ئابدۇغىنى سېيىت، شائىر ئابلەت قادىرى، شائىر ئەركىن داۋۇت ئوغۇز، شائىر،يازغۇچى مۇھەممەت بارات تەشنائى، شائىر ئابدۇرىشىت ئېلى، شائىر مېرەخمەت مامۇت، شائىر ئوسمان تۇرسۇننىياز تۇغلان، شائىر ئىمىنتوختى توختىباقى سەزگۇر، شائىرە ئايشەم ئىسمايىل تەبەسسۇم، شائىر سەيدىمۇھەممەد مېھمان قاتارلىقلار.
كېرىيە ناھىيەسىدىن:شائىر رېھىم نىياز،شائىر مەمەتئەيسا قۇربان، شائىر  مەتسەيدى مەتقاسىم، شائىر،مەدەنىيەت تەتقىقاتچىسى ئابدۇرىشات مۇساجان توغرۇل.
لوپ ناھىيەسىدىن:يازغۇچى  مۇتەللىپ سەيپۇللا ئەزىز ، شائىر ئوبۇلخەيرى ئىمىن .      
قاراقاش ناھىيەسىدىن: يازغۇچى ئايمۇھەممەد ساھىبى، يازغۇچى مەمىتىمىن قۇربان، شائىر ياسىن ئابدۇقادىر، يازغۇچى ئابلىمىت ياسىن، مەدەنىيەت تەتقىقاتچىسى مەتتۇرسۇن سىدىق.
قارغىلىق ناھىيەسىدىن: شائىر قاۋۇل ساۋۇر، شائىر،يازغۇچى مۇھەممەد ئەمەت چوپانى، شائىر ۋارىسجان قاسىم، ئەدەبىيات تەتقىقاتچىسى تۇرسۇنجان ھەبىبۇللا، يازغۇچى قۇربانجان ئىبراھىم، شائىرە ھۆرىيەت مۇھەممەت، شائىر ئىلى قادىر.
پوسكام ناھىيەسىدىن:شائىر مىرزا ئابدۇرىھىم قۇدرەت ئايدىڭ، مەدەنىيەت تەتقىقاتچىسى ئابدۇۋاھىت مەتنىياز ئەمىن، شائىر ھەسەن ھۈسىيىن ئىپتىخار، بۇلبۇل ئاۋازلىق شائىرە تۇنساگۈل بارات ئەلقىزى.
يەكەن ناھىيەسىدىن:يازغۇچى ياسىنجان سادىق چوغلان، يازغۇچى ئابدۇكېرەم قادىر، شائىر ئابلكىم مۇھەممەد ساكرائۇلى، شائىر تۇراپجان مۇھەممەد تەلقىن، شائىر تۇراپجان نۇر، شائىر ھۈسىيىن ئەسئەت، شائىر ھاجى ئېھسان قاۋۇل، يازغۇچى نورمەمەت ئايۇپ.
يېڭىسار ناھىيەسىدىن: شائىر ئالاھىدىن ئابدۇرېىشىت، شائىر مۇتەللىپ مەڭسۇر ئوۋچى.
يېڭى شەھەر ناھىيەسىدىن: شائىر ماخمۇتجان يانتاق، شائىر قۇربان ئابلىمىت،ئابدۇقەييۇم ئەيسا.
قەشقەر شەھرىدىن: شائىر كۆرەشجان ھۈسىيىن، شائىر ئابدۇرېھىم غازى غازى ئوغلى، شائىر ئابلاجان بوۋاقى، شائىر مۇھەممەتئىمىن قۇربان تۇغلۇق، شائىرە مېھرىنۇر ئەبەيدۇللا دىلقىزى.
كونا شەھەر ناھىيەسىدىن:شائىرە مېھرىگۈل ھۈسىيىن ۋە ئوماق قىزى قەمەر.
ئاقتۇ ناھىيەسىدىن: شائىر،يازغۇچى ئابدۇللا ساۋۇت، شائىرە رەيھانگۈل ئوسمان، شائىر غەيرەت ھوشۇر، شائىر قاسىمجان ئەمەت، شائىرە ئامىنە ئابدۇۋايىت، شائىر قۇربانجان مۇھەممەتئىمىن ھونساك.
ئۇندىن باشقا شائىرمۇھەممەد كامال خۇشخۇينىڭ ئايالى پاتىگۈل سابىر خانىم، شائىرنىڭ ئىككى قىزى –بۇخەلچەم بىلەن رۇقىيە ۋە باشقا ئۇرۇق تۇغقان،دوست بۇرادەرلىرىمۇ يىغىنغا ئىشتىراك قىلدى.
ناھىيەلىك پارتكۇم  ئىشچىلار ئۇيۇشمىسى يىغىن زالىدىكى «گۇماناھىيەسىنىڭ ئەدەبىيات – سەنئەت ۋە شائىر مۇھەممەد كامال خۇشخۇي ئىجادىيىتى ئىلمىي مۇھاكىمە يىغىنى» ۋە شائىر،يازغۇچىلار، مېھمانلارنى گۇما  ناھىيەسىنىڭ يېڭىشەھەر رايونىنى ئىكىسكۇرسىيە قىلىشقا تەشكىللەش پائالىيىتى ئاخىرلاشقاندىن كېيىن گۇماناھىيەلىك «سەنشىيا» كىنو-تىياتىرخانىسىدا «گۇماناھىيەسىنىڭ ئەدەبىيات -سەنئەت ۋە شائىر مۇھەممەد كامال خۇشخۇيغا تون كەيگۈزۈش پائالىيىتى»ئېلىپ بېرىلدى.پائالىيەت داۋامىدا گۇما ناھىيەسىدىكى بىر قىسىم رەھبەرلەر،خوتەن ۋىلايەتلىك ئەدەبىيات-سەنئەتچىلەر بىرلەشمىسىنىڭ باشلىقى،خوتەن«يېڭى قاشتېشى»ژۇرنىلى،كىرىيە ناھىيەلىك ئەدەبىيات سەنئەتچىلەر بىرلەشمىسى،خوتەن«ئىنساپ-دىيانەت كىتاپخانىسى»...قاتارلىق ئورۇنلارنىڭ رەھبەرلىرى شائىرغا تون،دوپپا كەيگۈزدى،گۈل چەمبىرەك ئاستى.قەشقەر كونا شەھەر ناھىيەلىك سىياسى قانۇن كومىتىتىنىڭ خىزمەتچىسى، «گۇما ئەدەبىياتى مۇنبىرى»نىڭ ئالى باشقۇرغۇچىسى شائىرە مېھرىگۈل ھۈسىيىن، گۇما ناھىيە گۇما بازىرى ئوتتۇرا مەكتەپنىڭ شۇجىسى زوراگۈل ئابلىمىت، گۇما ناھىيە رادىئو تىلىۋىزىيە ، تەشۋىقات ئىدارىسىنىڭ كادىرى رەسسام ئۆمەرجان ھىدايىت ...قاتارلىقلار شائىر مۇھەممەد كامال خۇشخۇينىڭ سۈرىتى ۋە شېئىرى چۈشۈرۈلگەن جازا، گۈل كەشتىلەنگەن جازا، شائىرنىڭ شېئىرى ھۆسنىخەتلەپ يېزىلغان لەۋھە قاتارلىقلارنى تەقدىم قىلدى. بۇلارغا ئەگىشىپ زالدىكى باشقا يىغىن ئىشتىراكچىلىرىمۇ ھەر خىل ئۇسۇل ۋە شەكىللەر كۆڭۈل سوۋغىلىرى ئارقىلىق شائىرنىڭ ئىجادى مۇۋاپىقىيەتلىرىنى تارتۇقلىدى. يەنە تىلغا ئېلىپ ئۆتۈش زۆرۈركى يىغىنغا ئۆزى بىۋاستە كېلەلمىگەنلەردىن  ھاۋالە قىلىش،تېلېفۇن ئېلىش،ئۇچۇر يوللاش يوللىرى بىلەن شائىر مۇھەممەت چاۋار، شائىر ئابدۇللا سۇلايمان،شائىر ھەزرەتئەلى ئەخەت، شائىرە ئاتىكەم سىدىق ئايقۇت،شائىر،يازغۇچى ئوبۇل ھاشىم، شائىر ئۆمەر مۇھەممەدئىمىن كىروران،  شائىر ئەسقەر مۇھەممەتئىمىن، شائىر روقىيە ئابدۇللا،يازغۇچى پاتىگۈل نىياز، شائىر ئوسمانجان مۇھەممەت پاسئان،  شائىرە شەرقنۇر مۇھەممەد، شائىر ئىدرىس رۇسۇل تەمكىن، شائىر ئالىمجان مۇھەممەد ئەلتۈرك، يېتىلىۋاتقان شائىر ئادىلجان ئابدۇرىھىم، شائىر مۇھەممەدئىمىن ھامۇت ۋە شائىر مۇھەممەدكامال خۇشخۇينىڭ دوستلىرىدىن ئابلەت جاپپار، ئابلىز ئابلىمىت، راجى تۇردى...لارمۇ  شائىرنىڭ ئىجادىيەت تويىنى قۇتلۇقلىدى.
يىغىننىڭ ئۈچ چوڭ كۈن تەرتىپى ئاخىرلاشقاندىن كېيىن«ھالال باغ تائاملىرى»ئاشخانىسىدا«كەچلىك تاماق ۋە شېئىر-مۇشائىرە پائالىيىتى»ئۇيۇشتۇرۇلدى. پائالىيەت ھاراق-شاراپ،ئىس-تۈتەكسىز ئېلىپ بېرىلدى. «كەچلىك تاماق ۋە شېئىر-مۇشائىرە پائالىيىتى»دە ئالدى بىلەن شائىر مۇھەممەد كامال خۇشخۇي ئۆزىنىڭ كۆڭۈل سۆزىنى بايان قىلدى.  ئۇندىن كېيىن شېئىر-مۇشائىرەلەر ئوقۇلدى. پۈتۈن بىر كۈنلۈك پائالىيەت داۋامىدا تۆۋەندە ئىسمى ئاتالغان شائىر،يازغۇچىلار پائالىيەتكە ئاتاپ ئېلىپ كەلگەن كۆڭۈل چەشمىلىرىنى ئەلۋەك داستىخانغا تۆكتى:
شائىر ئىدرىس مەتسېيىت قەدىناس، شائىر غوجامۇھەممەت قابىز ، شائىر ئەخمەتجان تۇرۇپ بەگتۈرك، شائىر ئابدۇلئەھەت داۋۇت تۈركزات، شائىر ئۈمىدجان قادىر، ئابلەت ئابلىكىم توغراق، سۇلايمان سۇببۇس، شائىر ئابدۇغىنى سېيىت، شائىر ئەركىن داۋۇت ئوغۇز،  شائىر ئابدۇرېشىت ئېلى،  شائىر مېرەخمەت مامۇت، شائىر سەيدىمۇھەممەد مېھمان، شائىر ۋارىسجان قاسىم، شائىر ئالاھىدىن ئابدۇرېىشىت، شائىر مۇتەللىپ مەڭسۇر ئوۋچى، شائىر ماخمۇتجان يانتاق، شائىر قۇربان ئابلىمىت، شائىر كۆرەشجان ھۈسىيىن، شائىر ئابدۇرېھىم غازى غازى ئوغلى، شائىر ئابلاجان بوۋاقى، شائىر مۇھەممەتئىمىن قۇربان تۇغلۇق، شائىرە مېھرىنۇر ئەبەيدۇللا دىلقىزى،  شائىرە رەيھانگۈل ئوسمان، شائىر قاسىمجان ئەمەت، شائىرە ئامىنە ئابدۇۋايىت، شائىر قۇربانجان مۇھەممەتئىمىن ھونساك،  مېھرىگۈل ھۈسىيىن ۋە  قىزى قەمەر   ( ئەمدىلا يەتتە ياشقا قەدەم قويغان بۇ ئوماق قىز تولىمۇ تەمكىن ھالدا ،  ئۆزىنىڭ  تاتلىق ئاۋازى بىلەن   شائىرە ئاتىكەم سىدىق ئايقۇتنىڭ «قەمەرنىڭ ئاۋازى»دىگەن شېئىرىنى دېكلاماتسىيە قىلىپ، سورۇن ئەھلىنى ھاياجانغا سالدى).
قىستۇرما: شائىر مۇھەممەد كامال خۇشخۇي 1958- يىلى 5- ئاينىڭ 10-كۈنى گۇما ناھىيەسىنىڭ كۆكتېرەك يېزا كۆكئوتاغ كەنتىدە تۇغۇلغان. 1981-يىلى گۇما ناھىيەلىك 1- ئوتتۇرا مەكتەپنى پۈتتۈرۈپ،9- ئايدا قاراقاش دارىلمۇ ئەللىمىن مەكتىپىگە قوبۇل قىلىنغان.1983-يىلى 7- ئايدا ئوقۇشنى تۆگىتىپ،گۇما ناھىيە كۆكتېرەك يېزا ئوتتۇرا مەكتەپتە تىل-ئەدەبىيات ئوقۇتقۇچىسى بولۇپ ئىشلىگەن.1986 -يىلى 9-ئايدىن 1988-يىلى 7-ئايغىچە خوتەن ۋىلايەتلىك مائارىپ ئىنىستېتوتىنىڭ تىل- ئەدەبىيات كەسپىدە بىلىم ئاشۇرغان. 1989-يىلى1- ئايدىن 2001-يىلى 12-ئايغىچە گۇما ناھىيەلىك خەلق ھۆكۈمىتى ئىشخانىسى ۋە گۇما ناھىيەلىك ئەرزىيەت ئىدارىسىدا كاتىپ،ئارخىپ باشقۇرغۇچى بولۇپ ئىشلىگەن.
مۇھەممەد كامال خۇشخۇينىڭ ئەدەبى ئىجادىيىتى 1983-يىلى 31-ئىيۇل<<خوتەن گېزىتى>>دە ئېلان قىلىنغان <<ھايات ئۈنچىلىرى>> ناملىق چاتما شېئىرى بىلەن باشلانغان بولۇپ،ھازىرغىچە<<تارىم>>،<<يېڭى قاشتېشى>><<جۇڭگۇ مىللەتلىرى>>، <<شىنجاڭ ياشلىرى>>، <<شىنجاڭ گېزىتى>> ، <<ئۈرۈمچى كەچلىك گېزىتى>>، <<خوتەن گېزىتى>>قاتارلىق 18 خىلدىن ئارتۇق گېزىت - ژۇرنالدا 600 پارچىدىن كۆپرەك شېئىر، باللادا،«تۆھمەت»، <<بەختلىك بول دېيەلمەيمەن>>، <<چۇقان>>، <<ئوقۇتقۇچى>>، <<كۆيگەن ئەقىدە>>قاتارلىق 30 پارچىغا يىقىن ھېكايە، نەسىر، <<زېمىن چىراق، ئادەملەر پەرۋانە>>، <<ئېقىن مۇشۇ يەردىن باشلانغان>>، <<ئۈچ قېتىم سۆيىنىپ، ئۈچ قېتىم مەيۈسلىنىش>> قاتارلىق 20 پارچىدن كۆپرەك ئەدەبى ئوبزور ئېلان قىلغان.
<<غەزەللەر>>،<<شېئىرلار>> ،<<تۈنەيدۇ شائىرنىڭ بېشىدا ئالقىش>> قاتارلىق تۆت گۇرۇپپا شېئىرى، <<كۆيگەن ئەقىدە>>ناملىق ھېكايىسى خوتەن ۋىلايىتى بويىچە ئۆتكۈزۈلگەن، مۇنەۋۋەر ئەسەرلەرنى سىلىشتۇرۇپ باھالاشتا مۇكاپاتلانغان. «ئىلھامغاباي كېچىلەر»،<<ئەقىدە ئىگىلسە، يۈرىكىم كۆيۈك>> ماۋزۇسىدىكى ئىككى گۇرۇپپا شېئىرى 6- ۋە 15-قېتىملىق <<شىنجاڭ خانتەڭرى ئەدەبىيات مۇكاپاتى» غا ئىرىشىپ مۇكاپاتلانغان. «ئاقسۇ ئەدەبىياتى» ژۇرنىلىنىڭ 2002- يىللىق 1-سانىدا ئېلان قىلىنغان«ئەھمەتشاھ قاراقاشى بىلەن نەزەر مۇفتىنىڭ دوستلۇقى ھەققىدە دەسلەپكى ئىزدىنىش» ناملىق ئىلمىي ماقالىسى ئەخمەتجان ئابدۇللا نامىدىكى «تارىم دولقۇنلىرى»ناملىق ئەدەبىي مۇكاپاتقا،<<يېڭى قاشتېشى>> ژۇرنىلىنىڭ 2002- يىللىق 5- سانىغا بېسىلغان<<دارنى ئاستىم قەلبىمگە مىڭ رەت>> ماۋزۇدىكى بىر گۇرۇپپا شېئىرى كېرەم ئىمىن نامىدىكى«قاشتېشى ئەدەبىيات مۇكاپاتى»غا،<<يېڭى قاشتېشى>> ژۇرنىلىنىڭ2007-يىللىق 5- سانىغا بېسىلغان<<ئەپسۇسلىنىش>> ناملىق فىليەتونى ئالىمجان سادىق نامىدىكى <<فىليەتون ئىجادىيىتى>> مۇكاپاتىغا ئىرشكەن.
شائىر مۇھەممەد كامال خۇشخۇينىڭ ئەدەبىي ئىجادىيىتى داۋامىدا «ئىلى دەرياسى» ژۇرنىلىدا ئېلان قىلىنغان «ئۆزۈمغۇ بىلەتتىم ئۇنتۇپ قاپتىمەن»ناملىق ساتىرىك شېئىرى بىلەن «يېڭى قاشتېشى» ژۇرنىلىدا ئېلان قىلىنغان «چىن قاياشمۇ بىزدە بار» ناملىق مۇخەممىسى شۇنداقلا «تارىم»،«يېڭى قاشتېشى» ژۇرناللاردا ئېلان قىلىنغان بىر نەچچە پارچە غەزەل ۋە شېئىرلىرى،«ئەھمەتشاھ قاراقاشى بىلەن نەزەر مۇفتىنىڭ دوستلۇقى ھەققىدە دەسلەپكى ئىزدىنىش » ناملىق ئىلمىي ماقالىسى توغرىسىدا ئىبراھىم ئىزاقى،مۇھەممەد چاۋار،مەتتۇرسۇن ئىلى قاتارلىق ئەدەبىي تەنقىدچىلەر تەرىپىدىن ئايرىم-ئايرىم ھالدا ئوبزۇر ماقالىلىرى يېزىلىپ ياخشى باھالار بېرىلگەن. ئۈچ پارچە ناخشا تېكىستىگە مۇزىكىناتلار تەرىپىدىن ئاھاڭ ئىشلىنىپ، ناخشىچىلارنىڭ ئورۇنلىشىدا VCD پىلاستىنكىسى قىلىپ تارقىتىلدى.
شىنجاڭ گۈزەل سەنئەت-فوتو سۈرەت نەشرىياتى بىلەن شىنجاڭ ئېلېكتىرون ئۈن – سىن نەشرىياتى بىرلىشىپ نەشىر قىلغان«بالىلار ئەدەبىياتى ئەسەرلىرىدىن تاللانمىلار»ناملىق توپلامغا، قەشقەر ئۇيغۇر نەشرىياتى نەشىر قىلغان<<ئارزۇ بوستانى>>،<<مەدەنىيەت مەسلىھەتچىسى>> شىنجاڭ خەلق نەشرىياتى نەشىر قىلغان <<دۇنيادا بىرلا خوتەن بار>> ناملىق يۈرۈشلۈك كىتابنىڭ 5- ۋە 14-تومىغا، <<قاراقاش مەدەنىيەت تەزكىرىسى>>، <<رۇبائىيلىق كالىندار>>،«شائىرلار مۇنداق دەيدۇ»، «يۇرۇڭقاش شادلىقى»،شىنجاڭ ياشلار-ئۆسمۈرلەر نەشىرياتى نەشىر قىلغان «خانتەڭرى ئەدەبىيات مۇكاپاتى»غا ئىرىشكەن«شېئىرلار»ناملىق توپلاملارغا ئەسەرلىرى كىرگۈزۈلگەن.
شائىر ھەر قايسى نەشىرىياتلارغا«ئۇنتۇلغان روھ»،«بىرتال ياقۇت،ئون مارجان»،«سېغىنىش گۈللىرى»،« چۈش چېچەكلىرى» ناملىق شېئىر،ھېكايە ۋە ماقالىلار توپلاملىرىنى تاپشۇردى.
مۇھەممەد كامال خۇشخۇي شىنجاڭ ئۇيغۇر ئاپتونوم رايۇنلۇق يازغۇچىلار جەمئىيتىنىڭ، خوتەن ۋىلايەتلىك يازغۇچىلار جەمئىيتىنىڭ ئەزاسى، گۇما ناھىيەلىك يازغۇچىلار جەمئىيتىنىڭ دائىمىي ھەيئەت ئەزاسى.
تۆۋەندە يىغىن كۆرۈنۈشلىرى ھوزۇرۇڭلاردا بولىدۇ.

تۈركزات

ئابدۇلئەھەت داۋۇت تۈركزات

كۆردۈم

(مۇۋەششەھ)

خېزىردەك كۈللى ئالەمنىڭ ھايات داناسىنى كۆردۈم،
كۆزىدىن پارلىغان تاڭنىڭ بۈيۈك مەناسىنى كۆردۈم.

ئۇيۇلتاش بولمىغاي تالقان ئېزىققان ئەزىيەتلەردە،
لاۋا-گۈلخاندا تاۋلانغان ئۈمۈت بەرناسىنى كۆردۈم.

شېرىن بىر قۇش بولۇپ كۆكتە قانات قاقماقنى قۇت بىلسە،
يېڭەر پەرھات ئۇنىڭ مۈشكۈل ئازاپ-سەۋداسىنى كۆردۈم.

خەتەرنى ئەيلىگەچ پايخان بولۇپ پەرھاتقا تەڭ-قۇرداش،
چېچەكلەر مەڭزىدىن كۈلگەن قۇياش سەناسىنى كۆردۈم.

ئۇ باشلار گۈل-گۈلىستانغا مەگەر بۇلبۇلغا ئەگەشسەڭ،
ئىزىدىن ئىز بېسىپ گۈلگۈن ئىجات رەناسىنى كۆردۈم.

يولۇمدا گۈل،قولۇمدا گۈل،كېلەرمەن ئوڭ-سولۇمدا گۈل،
شۇ گۈللەردىن تىزىپ دەستە تاقاش قەناسىنى كۆردۈم!

تەبەسسۇم

مۇۋەششەھ

خۇش ئاۋاز بۇلبۇلغا كۈي قاتقان گۇما بوستانىدۇر،
نەۋقىران بۇلبۇل، غەزەلخان- گۇمىنىڭ ئوغلانىدۇر.

ئۇشبۇ يۇرتتا ئەنجۈمەن، كۈلدى يۈرەكتە گۈل-چىمەن،
كۆپلىگەن بەرنا يىگىت - قىز ئەنجۈمەن مىھمانىدرۇ.

شەمسىدىن نۇر ئالدىمۇ؟ ئايدەك جۇلالاپ كەلگىنى،
مېھرىگۈل ۋە ئەلقىزى، چوپانى ھەم چوغلانىدۇر.

خوپقىنا سورۇن تۈزۈپ تويلارغا تەكلىپ ئەيلىگەن،
باغلىغان رىشتە قەلەمگە ئول مېھىر ئوكيانىدۇر.

ئۇسسىغان يەرگە بېرىپ ئۆتتى مۇلاقەت شەربىتى،
ھەر دىدارنىڭ ساھىبى دىل ئاسمىنىم چولپانىدۇر.

يەتتى ئاسمانغا بېشىم، خۇشخۇي قەلەمكەش دىلكىشىم،
خۇش مۇبارەك توي بۈگۈن، باشىڭدا تاج، دۇردانىدۇر.

ئاپىرىن! دەپ تەڭرىتاغ ياپتى مۇھەببەت تونىنى،
مىڭ ياشا خۇشخۇي ئاكا! ھەر مەنزىلىڭ نۇرانىدۇر!

HOJAKABIZ

غوجامۇھەممەد قابىز
پاكلىقنى شۇئار قىلدىڭ
(مۇۋەششەھ)
خىسلىتىڭدە پاكلىقنى شۇئار قىلدىڭ،
راستكۇيلۇقنى مىزانىڭ-تۇمار قىلدىڭ.   
ئۇسسىغانغا سۇنغىنىڭ زەمزەم ئېرۇر،
جىسمىڭ گۈلخان-دىلىڭنى باھار قىلدىڭ.
شاتلىق تاپتىڭ ئىجادىڭ باغلىرىدىن،
كۈنلىرىڭدە شېئىرنى دىدار قىلدىڭ.
خەزىنەڭدە ياتىدۇ ئالتۇن لەكمىڭ،
دوست ئالدىدا بايلىققا مادار قىلدىڭ.
ئۇل سېلىپ كىتاپ-كېسەك ئالتۇن بىلەن،
قۇر-قۇرلارغا ئەبەدى خۇمار قىلدىڭ.
يۈرىكىڭنى ئوتۇن دەپ قالىدى كىم،
خوجانىمۇ ئوتنى ئىزدەپ بارار قىلدىڭ .

2013-يىل،14-ئىيۇن،گۇما

yadikar

مۇھەممەد كامال خۇشخۇيغا مۇۋەششەھ

قۇربانجان مۇھەممەدئىمىن ھونساك

(شائىر مۇھەممەد كامال خۇشخۇينىڭ ئىجادىيەت يىغىنى ئەنجۈمەنى خاتىرسى)

خوتەندە خۇش كۈلۈپ ئوتكەن قەلەم ساھىبى خۇشخۇي بار،
ھايات باغىىنى ئاختۇرساق تۈمەن گۈللەردە خۇشبۇي بار.

ئۇلۇغلۇقنىڭ سىماسىنى ئىجاد-مېھنەتتە كورسەتتى،
ھايات قىسمەتلىرى ئىچرە ئاۋام-خەلقىم دىگەن ئوي بار.

شەبىستاندىن ئېلىپ ئىلھام قەلەم يەتتى كامالەتكە،
ئۇچۇپ تەڭرى تېغى ھالقىپ قانات قاقمىشتا قۇرغۇي بار.

خىرامان يۈرمىدى ھەرگىز ئەقىدە سۇنسا چوغ ئىچرە،
ۋاپادارلىقنى دۇنياغا تاراتماقلىقتا بىر كوي بار.

ئۇرۇپ خەندانە بۇلبۇلدەك چېچەك ئاچقۇزدى چۈشلەرنى،
تالاي مارجانۇ-ياقۇتتەك جۇلا چاچمىشتا ئابرۇي بار.

يارالمىشتىن قاچان كىمگە قوشۇپ بەرگەن سائادەتنى،
داۋان ئاشقاندا خۇشخۇيدەك يىتەر مەنزىلدە مەرۋۇي بار.

غېنى بول مەيلى سۇلتان بول ئىجاد ئۆلمەس كۆمۈلمەستۇر،
ئىجادنى خار قىلىپ ئۆتكەن كىشى قەلبىدە بەدبۇي بار.

ئانا يۇرت خەلقى ھۆرمەتتە، ئاڭا ھونساك قىلار تازىم،
كېلىپ دوسلارمۇ جەم بولدى، بۈگۈن بۇ يۇرتتا چوڭ توي بار.


2013-يىل 5-ئاينىڭ 15-كۈنى گۇما

tamkin

مۆھتىرەم ئۇستاز، گۇمىنىڭ يىزا0قىشلاقلىرىغىچە بولغان ئىجاد، سەيلە- سەپەرلىرىدە سەپەرداش، قەلىبداش بولغان شائىر مۇھەممەد كامالنىڭ بۇ قۇتلۇق ئىشىغا تۇيۇقسىز كەلگەن جىددىيلىك بىلەن قاتنىشالمىغىنىمدىن بەكلا ئۆكۈنىمەن ھەم ئاشكارە ھالدا كۈچۈرۈم سورايمەن.بۇ كاتتا ئىشنىڭ ياخشى باشلىنىپ ئۇتۇقلۇق ئاخىرلاشقىنىدىن تولىمۇ سۆيۈندۈم.قەلەم تۇتقان قوللاغا ئازار يىقىن يولىمىغاي. ئۆمۈر بەرىكەتلىك، ئىجاد مول ھوسۇللۇق، تۇرمۇش خۇشاللىق ئىچىدە ئۆتكەي.

ئادىلجان

جەسۇر توغراققا ئوخشايسىز

(ئۇستاز شائىر مۇھەممەت كامال خۇشخۇيغا مۇۋەششەھ)

ئادىلجان ئابدۇرېھىم

خىياللار بەھرىدە ئۈزسەم يېتۈك قولۋاققا ئوخشايسىز،
مۇڭى دولقۇننى تېترەتكەن چىمەن قىرغاققا ئوخشايسىز.

ئۇرۇپ خەنجەر شەبىستانغا، قۇياشنى سۇندىڭىز جانغا،
قارا تۈن باغرىدىن يانغان لاۋا،چاقماققا ئوخشايسىز .

شېخىڭىزدا ناۋا ئەيلەر كۈلۈپ بەس-بەستە يۇلتۇزلار،
بوران-چاپقۇننى تەۋرەتكەن جەسۇر توغراققا ئوخشايسىز.

خۇمار كۆزلۈك قىزىلگۈلگە زىيانى تۆكتىڭىز تاڭدا ،
كۆڭۈللەر ئوتلىغان چەكسىز گۈزەل يايلاققا ئوخشايسىز.

ئۇتۇپ دوئىلدا شەيتاننى،داۋام چاقناتتىڭىز روھنى،
غورۇرنىڭ يىلتىزى ئۆسكەن ئەزىز تۇپراققا ئوخشايسىز.

يۈرەكىگە زېمىستاننىڭ قوقاسنى كۆمدىڭىز مەغرۇر،
ئۇلۇغ مەنزىلگە تىكلەنگەن بۈيۈك بايراققا ئوخشايسىز.

2013-يىلى 12-ئىيۇن . غۇلجا

begturk

ئەخمەتجان تۇرۇپ بەگتۈرك
ئۆزۈڭنى كۆيدۈرۈپ كەلدىڭ
( مۇۋەششەھ )
خىرەلەشمەي  توزانلاردا ئۆزۈڭنى كۆيدۈرۈپ كەلدىڭ،
پورەك ئاچقان قىزىل گۈلنى ئىزىڭغا سۆيدۈرۈپ كەلدىڭ.

ئۇرۇشنى ئويلىسا ئۈششۈك قىياقلار مەڭزىگە تەستەك،
ئۈنى ئاتەشكە لىق تولغان بېغىڭغا مۈكتۈرۈپ كەلدىڭ.

شېخىڭغا كۈيچى بۇلبۇللار ئۇۋا سالغاندا سۈبھىدە،
سىلاپ يۇمران قاناتىنى ئۈمىدكە چۆمدۈرۈپ كەلدىڭ.

خۇيۇڭغا پايلىماي مەلئۇن قېنىڭنى بۇلغىماق بولسا،
غۇرۇرىڭنى قىلىپ شەمشەر زاۋالغا چۆكتۈرۈپ كەلدىڭ.

ئۇلاپ تۈنلەرنى تاڭلارغا قوقاستىن ئىزدىدىڭ بىر چوغ،
ئىچەر بولسام پىيالەڭنى گۇلابقا تولدۇرۇپ كەلدىڭ.

يانار مارجانلىرىڭ باقسام ئىزىڭ تامغان قىيالاردا،
كۆڭۈللەرگە كۆمۈپ ئاپتاپ باھاردەك كۈلدۈرۈپ كەلدىڭ.

tamkin

يوللىغان ئىنكاسنىڭ يوقىلىپ كىتىپ تور يۈزىدە بولسىمۇ ئەپۇغا ئېرشەلمەي قالغىنىدىن خاپا بولاي دىگەن بولساممۇ باشقۇرغۇچىدىن ياكى يەنە كىملەردىن رەنجىشنى بىلەلمىدىم.

gultikin

مۇبارەك بولسۇن،ئۇستازغا بىغىشلانغان شېىرلاردىن سۆيۈندۈم.

ئۈمىدجان قادىرى

شائىرنىڭ تۆھپىسىنى قۇتلۇقلاش پائالىيىتىنىڭ پۈتكۈل جەريانى ياخشى يورۇتۇلۇپتۇ.
تۈكزات ئۇستازنىڭ ئەجرىگە تەھسىنلەر بولسۇن!

سەھەر

ئەھمىيەتلىك بۇ پائالىيەت ئۇتۇقلۇق ئۆتكۈزۈلۈپتۇ، شائىر مۇھەممەت كامال خۇشخۇيغا تېخىمۇ يۈكسەك پەللىلەر يار بولسۇن!
شائىرغا ئاتالغان مۇۋەششەھلەرمۇ  بىربىرىدىن ئىسىل چىقىپتۇ، دوستلۇق قەلبلەردىن  تىزىلغان گۈلدەستىلەر بەرىكەتلىك بولسۇن!

ئۈمىدجان قادىرى

كۈيۈڭ دىلغا شىرىن كەۋسەر

(ئۇستاز شائىر مۇھەممەت كامال خۇشخۇيغا مۇۋەششەھ)

ئۈمىدجان قادىرى

مۇبارەك كۈي-ئىجادىڭدىن خۇشال كۈلگەن تويۇڭ ئۇستاز،
لىباس ياپتۇق بۈگۈن گۈلدىن بېشىڭ ئالتۇن بويۇڭ ئۇستاز.

ئۇزايىڭدا قىلار جىلۋە بەخىت نۇرى قۇياش يەڭلىغ،
بولۇپ دىلغا گويا كەۋسەر ئېقىپ تۇرغان كۈيۈڭ ئۇستاز.

ھاياتىڭنى بېغىشلاشتا بولۇر تىمسال ئېقىن دەريا،
سۇنۇپ ئەلگە خوراتماستىن نىسار ئەيلەپ سۈيۈڭ ئۇستاز.

ئەزەلدىنلا يىراق بولغاچ دىلىڭ كىبرى-تەمەننادىن،
بېرىپ كەلدى كۆڭۈللەرگە يېشىل كۆكلەم خۇيۇڭ ئۇستاز.

مەدەت-ئىلھام بېرىپ مەندەك تالايلارنى ئۇچۇم قىلدىڭ،
يەنە پەرۋىش قىلىش نوتا سېنىڭ ئارمان ئويۇڭ ئۇستاز.

مېنىڭ ناخشام كۆڭۈللەرگە بىرەر تەسكىن ئاتا قىلسا،
ئۇنىڭ ئويناق ئۇدارىدا سېنىڭ باردۇر ئۈنۈڭ ئۇستاز.

ئەدەپ-ئەركان،دىيانەتتە بولۇپ كەلدىڭ بۈيۈك ئۈلگەم،
دىلىڭ پاكىز سۈزۈك شۈنچە،ئوغۇز پۈركەر كۈنۈڭ ئۇستاز.

تاۋاپگاھىم دېگەي قۇشلار ئىزىڭ قونغان چىغىر يولنى،
ناۋالارغا ئۇۋا ھەردەم ئۆزۈڭ تۇرغان ئۆيۈڭ ئۇستاز.

كېلىشلەرنى دېرەكلەيدۇ ئۇرۇپ خەندان خۇشال بولبۇل،
تۆكۈپ دىلغا شىرىنلىكنى بېغىڭ ھۆسنى گۈلۈڭ ئۇستاز.

ئاسايىشلىق ئېتەر تەقدىم ئىجاد ئەجرىڭ ئاۋام-يۇرتقا،
ئۇلۇغلۇقتۇر نىيەت ئەيلەپ قەدەم ئالغان يولۇڭ ئۇستاز.

مۇھەببەتلىك كۆڭۈللەردە ئۆزۈڭ سۇلتان،بۈيۈك ئورنۇڭ
چۈمەر تەھسىن ساداسىغا تەرەپلەر ئوڭ-سولۇڭ ئۇستاز.

ئادالەتلىك زامان ئىزدەپ سىياھ قىلدىڭ يۈرەك قانىڭ،
زەخىم كۆرمەس ئىجاد بىرلە قەلەم تۇتقان قولۇڭ ئۇستاز.

لاتاپەتلىك پەرى كەلگەي ئېچىپ گۈللەر گۈزەل ئارمان،
تىلەك شۇلدۇر ئۈمىدجاندىن ئەبەد خۇشخۇي كۈلۈڭ ئۇستاز.
2013.يىل 13.ئىيۇن پىيالما.

begturk

تەمكىن ئاغىنەم،ھېچكىمدىن رەنجىمىگەيلا!

پىنھانە

ئۇستاز «خۇشخۇي » ئەپەندىمگە ئۇزۇن ئۆمۈر، ۋە سالامەتلىك تىلەيمەن.