سال نەزەر،بەرگىن جاۋاپ(غەزەللەر)

غېنى

ئۈچ غەزەل

ئابدۇغېنى سېيىت

بەر جاۋاپ

مەن يۈرۈمەن يار مەھەللەڭنى كېزىپ ،
ئەگىشىپ تۇيغۇمغا، گاھ يولدىن ئېزىپ .
دىلىمدا ھەم تىلىمدا تەۋسىپىڭ ،
تەۋسىپىڭ كەلمەكتە سۆز نەزمە تىزىپ .
بەزىدە ئازماي گېپىمدىن دەپ تېخى ،
كىمەن گاھ نەچچە ۋاراققا يېزىپ .
ئويلۇنۇپ قالدىم قەلەم تۇتقانچە گاھ ،
سېنى دەپ سۆز كانىدىن دۇرلەر قېزىپ .
كېپىنەكنىڭ دەردىنى بىلگەيمۇ گۈل ،
بېيىتىمنى چېيڭدا ئىچسەڭ ئېزىپ .
جاننى ئۇپراتماي تولا كۆرسەت ۋىسال ،
بەر جاۋابىڭدىن ماڭا ئۈنچە تېزىپ .

سال نەزەر

سېنى ئۇچراتتىم زىمىندا ئاي قەمەر ،
دېدى تۇيغۇم ئۇ ماڭا سالسا نەزەر .
ئىشقا بارمايدۇ قولۇم شۇندىن بىرى ،
« بەنە بىر كۆرسەم » دىبان كۆيدى جىگەر .
مەنكى ئاھ ، شۇندىن بىرى ئاۋارە مەن ،
مەشغۇلۇم سەن ياققىلا قىلماق سەپەر .
ئېسى – يادىم بەنت مېنىڭ سەن يار ئۈچۈن،
كەلسە گۈلدەك ئېچىلىپ دەپ ھەر سەھەر .
قىينىما جاننى جانان، كۆرسەت ۋىسال ،
ئەي گۈلى نازۇك چىمەنىم – ئۇز چىۋەر .
سېنى دىدىم مەن بېلىمنى باغلىدىم ،
تەپتى ئوت تېشىغا ئاھ، كۆيدى كەمەر

ئەي نادان

ئەي نادان شۇ « قىز » ئىدى ئەگەشكىنىڭ ،
چاغلىماي ئۆزەڭنى ھېچ يۆگەشكىنىڭ .
بولدى دەسمايە ئاڭا بىر چاقچىقىڭ ،
« سۈيۈمەن » دىبان گەپ تەشكىنىڭ .
دوستلىرىڭ توستى تالاي مەڭسىتمىدىڭ ،
بارمۇ يادىڭدا سېنىڭ تەگەشكىنىڭ .
ئالدىغان ئۇ چالىقۇشى نەچچىنى ،
خۇيىنى بىلمەپمىدىڭ ئۇ ئەسكىنىڭ .
بەلكى كىرگۈزەي بۇ ئىش بۇرنىڭغا سۇ ،
بىر ساۋاق سالماي ئۆتۈك سۇ كەچكىنىڭ .
بولسىدى كۆڭۈلگە ياخشى ئالتە كۈن ،
سۇ لەززىتىن سۇرۇپ ئەپلەشكىنىڭ .
خوش! دىدى، قالدىڭغۇ كوچا ئاغزىدا ،
بوپ زايە ھەشقىپىچەك يۆگەشكىنىڭ .
بولدىلا، خۇرسىنما، بولدى بولغۇلۇق،
كەلمەي ئۇ ئەيۋەشكە، سەن بەل يەشكىنىڭ .
2012 – يىل 24 – ئىيۇل . خوتەن   

HOJAKABIZ

يۈرگىنىمدە تور ئارىلاپ،باغلار كېزىپ،
ئاغدى نەزەر «ئۈچ غەزەل»گە قىزىقىپ.
ياخشى بوپتۇ دېدىم بىراق ،دىلدا تەشۋىش
كەتمىسىكەن شائىرىمىز ئەمدى ئېزىپ...

غېنى

HOJAKABIZ يوللىغان ۋاقتى  2013-7-25 19:02
يۈرگىنىمدە تور ئارىلاپ،باغلار كېزىپ،
ئاغدى نەزەر «ئۈ ...

ئۈچنى يازدىم خوتەندىن،
ئەمدى گۆھەر قازمايمەن.
يول ئىچىدىن يول سوراپ،
بۇندىن كېيىن ئازمايمەن.