گۇما گۈزەل، شەنى غەزەل
ئابدۇغېنى سېيىت
ناخشا ئېيتتىم ئانا يۇرت ،
گۈزەل گۇما شەنىگە .
جانلىق تېتىك بۇ دىيار ،
ماڭدى گۈزەل ئەتىگە .
خۇيمۇ ئاۋات ئۈچ بازار ،
ئون ئۈچ يېزا ناھىيىمىز .
سەيلە قىلساق ئەللىك تۆت ،
بوستانلىققا بارىمىز .
گەپنى باشلاپ نەۋ ئاباد ،
تاجىك يېزا يايلاقتىن .
بىھىساپ قوي، ئات، كالا،
قوتاز، تۆگە – تايلاقتىن .
ئاقسۇ، كېڭەز تېغىدىن ،
نەزەر سالسام ئەتراپقا .
ئويناق سۈزۈك تاغ سۈيى ،
ئوخشار گويا سىماپقا .
ئىشچان، ئىناق تاجىكلار ،
ئاقكۆڭۈل، شوخ، مېھمان دوست .
مېھمان قىلار بارسىڭىز ،
سۈت – قېتىقتا راۋ – رۇس ،
ئىككى دەريا قۇشۇلار،
ئەڭلىكئېرىق كۆۋرۈكتە .
توققۇز يېزا كۆكلەيدۇ،
ئەشۇ سۇ جان تۈۋرۈكتە.
كىلياڭ ئالما، ئۈرۈكزار،
سۈتلۈك چېيى ياڭاقتا .
ئۈزۈلمەيدۇ مەشرىپى،
يىلبۇيى يېقىن يېراقتا .
مەكتەپ سالدى يېڭىچە ،
ئاچچىغ ئالما، يۇلغۇنجاي.
راۋاپ بولدى قاتنىشى،
يولدا پىكاپ، بولكىۋاي .
ئاشلىق، مايلىق ئوخشايدۇ،
بەشلەڭگەردە، سازامدا ،
سەيلە قىلىڭ ساپ ھاۋا،
باياشات جان ئەرامدا .
ئىسمىسالا گۈزەل يۇرت ،
داڭلىق ياڭاق ئۈرىكى.
ھاۋاسىدىن يايرايدۇ،
ھەركىمنىڭ جان يۈرىكى .
قوشتاغلىق خوپ مېھماندوست ،
تەرىپىگە سۆز يەتمەيدۇ ،
لەۋەن، شىرىن سۆزلىكى،
ئېسىڭىزدىن كەتمەيدۇ .
خەلقى ساددا، ئاقكۆڭۈل،
مېھمان كۈتەر ھۆرمەتلەپ .
چىللاپ تۇرار ئۆي ئۆيگە ،
مەرھەمەتلەپ – شەرەتلەپ .
سەرخىل مېۋە كانى بار ،
پىشنا بېغى جەننەتتە .
داڭلىق مېغىز سويمىسى ،
شىرىنلىكتە، لەززەتتە .
ساغان، گۈللۈك ئازمىلار،
ئاۋات قاتناش تۈگۈنى.
ھۇر ئىقبالدىن بىشارەت ،
گۈللەۋاتقان بۈگۈنى .
ھۆسۈن قوشتى ساغانغا ،
سەنشىيا ئېچىش رايۇنى .
ئاۋات پويىز ۋوگزالى،
يۈكسۈلۈنىڭ سالۇنى .
كوناچاسۇخۇپ ئاۋاپ ،
داڭلىق تۇنۇر كاۋىپى .
ئەرزىيدۇ مىڭ ماختىسا ،
مىرەخمەتنىڭ كاۋاپى .
سۆسۈن تۈزدى كۆكتىرەڭ،
ئۆيلەر كەڭرى سېلىنىپ .
دىھقانلار شات يايرىدى ،
قەد كۆتۈرۈپ، ئەتلىنىپ .
داستىخاننىڭ زىننىتى ،
كۆكتىرەكنىڭ ئۈزۈمى ،
دەۋران تولۇن ئاي قىلدى ،
دىھقان، باغۋەن يۈزىنى .
ئۆزىمىدۇ جەننەتنىڭ ،
كۆكتىرەكنىڭ باغلىرى .
يۇيۇلۇپتۇ بارغانچە ،
نامراتلىقنىڭ داغلىرى .
مۇكۇيلىدا باغ ئەتتى ،
مۇلازىمەت شېركىتى .
ئوخشاپ ئۈزۈم، ئانارى ،
ئاشتى داڭقى، شۆھرىتى .
چودا يېزا شاتلاندى ،
شەپقىتىدىن دەۋراننىڭ .
قوللاش، مەدەت، سىياسەت ،
ئىلھام بەخىش پەرماننىڭ .
موجى، زاڭگۇي يۈكسەلدى،
خەلقى بېيىپ ئەتلەندى .
ئوخشۇتۇپ پاھ، شەھەرگە ،
بازار، كۇچا رەتلەندى .
پىيالما خوپ گۈللەندى،
ئىسلاھات باھارىدىن .
سۈيۈنمىگەن جان بارمۇ؟
شەرۋەتلىك ئانارىدىن .
سانجۇ سۈيى مول يېزا ،
جان راھىتى ھاۋاسى .
سۈيى بىلەن كۆكلەيدۇ ،
بەش يېزىنىڭ دالاسى .
ئاڭلىغانمۇ داڭقىنى ،
ئۈرۈك بىلەن ياڭاقنىڭ .
سەيلە قىلىڭ بېغىدا ،
ئىرىغىل، ساۋا ، پوناقنىڭ .
دىل زوقىنى تارتىدۇ ،
مەنزىرىسى كەڭقىرنىڭ
ئۆي سېلىندى ئورنىغا ،
قىسىق ئۆڭكۈر، چېدىرنىڭ .
شەيدۇللادا ئۇز بازار ،
بەرپا بولدى يېقىندا ،
پەيدا قىلدۇق ئۇدۇل يول،
كۆۋرۈك جىلغا، ئېقىندا .
تاغ يۇرت دىمەڭ دۇئانى،
ناھىيمىزنڭ پەخرى ئۇ .
قازسا پۈتمەس كۆمۈرى ،
قارا ئالتۇن شەھرى ئۇ .
گۇما جانلىق، تېتىك تۇرت،
يول ئۆتكۈلى تورلاشقان .
زامان مېھرى – شەپقىتى ،
ئەل قەلبىگە ئورناشقان ،
2002 – يىل 8 –ئاي
2011 – يىل 8 – ئاي . خوتەن – گۇما | Shiriyet Gulistani.gif)
ip كۈرۈش
ئىز قوغلاش
يوللىغان ۋاقتى 2013-8-6 11:11:59
تىما چوققىلاش
چوققىلاش
ئىنكاسنى تاقاش
شاۋقۇن چىقىرىش
变色卡
دېۋان تالىشىش
显身卡
يوللىغان ۋاقتى 2013-8-6 11:32:55
