خوتەننىڭ ئۈچ گۆھىرى(غەزەللەر)

غېنى

خوتەننىڭ ئۈچ گۆھىرى

ئابدۇغېنى سېيىت

خوتەن قاشتېشى

تاش ئارا شۇنچە سۈزۈك زاتى مۇنەۋۋەر قاشتېشى،
سەن بىلەن قايناق بازار، يېزا، شەھەر، قاشتېشى.
ئىچى، تېشى ئوخشاش سۈزۈك، شۇ سۈزۈكلۈكتە ساڭا،
تەڭلىشەلەيدۇ جاھاندا قايسى دىلبەر قاشتېشى .
بەك تولا قىسسە – رىۋايەت « تىلسىم » ي ، كان ھەققىدە،
بولمىغاي سەنچە شۇ « تىلسىم » سەنكى گۈھەر قاشتېشى .
يۇرۇڭقاش دەرياسىدۇر ساڭا كان، پەخرى ئانا ،
ئۆكسۈمەس بۇيىدا سوداڭ شامۇ – سەھەر قاشتېشى .
سەن قاچان بولدۇڭ نەسىپ ھەر كىمگە، پاھ ئامەت دىگەن ،
بولغۇسى باي، چېچىكى چاي، ھۆسنى قەمەر قاشتېشى .
سالدى بەھرىڭدە تالاي دىھقان ھەشەملىك ئۆي – بىنا ،
مېنىشى ئاۋدى، پاساد، قىلسا سەپەر قاشتېشى .
سەنكى بايلىققا مۇئەككەل، بارچە قەدىرلەيدۇ سېنى ،
قىلىسەن گاداينى باي، تىلىنى ئەنبەر قاشتېشى .
تەرىپىڭنى سۆزلىسەم بولماس ئادا شەنىڭ سېنىڭ،
تەۋ سىپىڭگە تولغۇسى نەچچە دەپتەر قاشتېشى ،
2008 – يىل . 20 –ئىيۇن . خوتەن              

خوتەن گېلىمى

ھەر كىشى باقسا ساڭا شاھى بىسات زىلچا – گىلەم ،
سۈيۈنەر يايراپ دىلى ئىھ ، گۈلى بەرنا گىلەم .
سەن ئېسىل قىممەتلىكى مۈلكى بىساتلار ئىچىدە ،
قىلىسەن ھەر كىمنى رام ئۇستىسى دانا، گىلەم .
ھەر گۈلۈڭدە بىر باھارنىڭ گۈللىشى جىلۋە – جۇلا ،
ئۈستىدە نازغىپ باقادۇر ھۇزۇرى جەننەت، گۈل سەنەم.
جاندۇلۇپ پۈتكەيمۇ سەنسىز خان ساراي ، شاھ ئوردىسى،
ئەل ئارا سوۋغاتمۇ سەن بىرلە قەدىرلىك ، مۆھتەرەم .
ئۆرىشىڭ ئەجدادى ئۇيغۇر ئەقلى، ئۇزاق تارىخى،
ئارقىغىڭغا دوست، ئىناقلىق رىشتىسىدۇر بەلكى جەم .
شوخ گۈلۈڭ بىرلە ئايان خالۋان خوتەنلىك ئەمگىكى ،
جىلۋىسى ھەم شوخلىقىغا خوتەن قىزىنىڭ خۇلقى جەم .
مەن شۇڭا دەيمەن خوتەندە ئۈچ گۆھەرنىڭ بىرى سەن ،
كەلسە گەر خوتەنگە ھەر كىم كەتمىگەي ئالماي گىلەم .
2008 – يىل 20 – ئاپرىل . خوتەن
      
خوتەن ئەتلىسى

كىيىپ چىقسا سېنى ئۇيغۇر قىزى ھەممە قارار ئەتلەس،
چانار ئالدىڭدا ئۇزلۇقتا ئېسىل دۇردۇن، تاۋار ئەتلەس .
سېنىڭ نەفىسلىكىڭ ئاندا، بوياق رەڭ جىلۋىسى ھەيھات ،
گۈلۈڭ گۈلگە ئەجەپ پار – ماس، گۇيا ئوتتەك يانار، ئەتلەس.
كىيىپ ئەتلەس جوۋانلارگە كىرسە سورۇن ، جايىتانغا ،
يىگىتلەر زوق بىلەن باققاي، ئىشقى غەليان قىلار ئەتلەس .
ئايانكى سەندە ئۇيغۇر قىز سىياقى جەزبىسى، ئۇزلۇق،
سىنى كەيگەن سۈزۈك تەندىن تارار خۇش ھىد ئىپار ئەتلەس .
شۇڭا رەنا جۇۋانلارنڭ لىباسى تۇرسىمۇ قات – قات ،
ھاياتىدا سېنى كەيمەك ئۇلار بەس ، خۇمار ، ئەتلەس .
خوتەندۇركى يىپەك يۇرتى ، جىيا ئەتلەس ماكانى دەل ،
ئىزدەيدۇ كەلسىلا مېھمان ساڭا بوپ ئىنتىزار ئەتلەس .
2008 يىل 20 – ئاپرىل . خوتەن   

ئامىنە

خوتەندىكى تۆت گۇھەر،
بەكمو ئەزىز توتىيا.
بو گۇھەرنى بايقىغان،
سىزدەك ئەرگە تەسەننا.

گۇزەل خوتەن گىلىمى،
يارىشىقى ئۆيۇمنىڭ.
رەڭلىك ئەتلەس شايىسى،
يادنامىسى تويۇمنىڭ.

قاش تېشىدىن بېلەيزۇك،
يارىشار بېلەگىمگە.
گۇلقەنت بىلەن زەپە چاي،
داۋا ھەم يۇرەگىمگە.

ahadi

گۇھەردىن ئاران ئۇچنى تاپتۇقما ؟

غېنى

ahadi يوللىغان ۋاقتى  2013-7-28 13:20
گۇھەردىن ئاران ئۇچنى تاپتۇقما ؟

«ئۇچ»نى ئەمەس،«ئۈچ»نى تاپتۇق. ئۆزلىرىچۇ؟