ئۈمىدجان قادىرى:ئىزدە

تىمسال

ئىزدە

ئۈمىدجان قادىرى

نېسىۋەڭ ياغمىغاي كۆكتىن،ئانا يۇرت قوينىدىن ئىزدە،
ئاتاڭ چامداپ قەدەم ئالغان شۇ ئىزلار ئورنىدىن ئىزدە.

قېنى چۆك مېھنىتى تەرگە،ئىشىق رىشتىڭنى چات يەرگە،
ساڭا خاس شان-ئۇتۇقلارنى ئۆزۈڭنىڭ بوينىدىن ئىزدە.

ئاناڭنىڭ كۆزىنى ياشلاپ،يىراققا كەتمىگىن تاشلاپ،
بەخىتنى ئىزدىسەڭ راستىن،ئاناڭ بار ھويلىدىن ئىزدە.

بى مېھنەت تاپمىغاي قۇت،ئات،ئەجىرسىزلەرنى باسقاي دات،
سەۋەپ قىلغاندا ئۆتمەس سۇ سېۋەت ھەم چويلىدىن،ئىزدە.

ئۈمىدجان ئۆتمە مېھنەتسىز،ئانا يۇرتۇڭغا ھىممەتسىز،
پۇراشنى ئويلىساڭ خۇش ھىد،ئەجىرلىك بۇرنىدىن ئىزدە.

(«جۇڭگۇ مىللەتلىرى»2011.يىل 1.سان)