نىمىشقا ياشايمىز - ئۇيغۇر TED لىكسىيەسى

‏TED بولسا دۇنيادىكى ئەڭ ئىلغار ئىدىيەلەرنى تارقىتىدىغان، ھەرقايسى ساھەلەردىكى يېڭىلىق ،ئۇتۇق، تەجرىبە ۋە تارقىتىشقا ئەرزىيدىغان ئىدىيەنى  ئورتاقلىشىدىغان نۇتۇق سەھنىسى بولۇپ،ھېچقانداق مەنپەئەتسىز يېڭىچە ئىدىيىلەرنى تارقىتىشنى مەقسەت قىلغان خەلقئارالىق ئورگان ھېسابلىنىدۇ.تېد لېكسىيىلىرى ئادەتتە ۋاقتى  قىسقا، ئىخچام، جانلىق ۋە ئۆتكۈر تىل بىلەن سۆزلىنىدۇ.تېد لېكسىيىلىرى 1984-يىلى بىر يىغىن شەكلىدە دۇنياغا كەلگەن بولۇپ،پەن-تېخنىكا،كۆڭۈل ئېچىش ۋە لاھىيىلەشنى بىر گەۋدە قىلغان بولسا،بۈگۈنكى كۈنلۈكتە بارلىق تېمىلارنى ئۆزىگە مۇجەسسەملەشتۈرگەن ، ئىلىم-پەن،سودا-ئالاقىدىن تارتىپ خەلقئارالىق مەسىلىلەرگىچە 100دىن ئارتۇق تىللاردا تەرجىمە قىلىنىپ ۋە سۆزلىنىپ كەلمەكتە.ئۇنىڭدىن باشقا، ئۆز ئالدىغا ئايرىم ھالدا ئېلىپ بېرىلىۋاتقان TEDx پائالىيەتلىرى يېڭىچە ئىدىيىلەرنى دۇنيانىڭ ھەر قايسى جايلىرىدا تارقىتىشتا تۈرتكىلىك رول ئويناپ كەلمەكتە.