جۇڭگولۇق تاماكا چەككۈچىلەرنىڭ يېرىمى تاماكا چېكىشنىڭ يۈرەك كېسەللىكى كەلتۈرۈپ چىقىرىدىغانلىقىنى بىلمەيدۇ
مۇخبىر ئامېرىكا تۈتۈنسىز ياش-ئۆسمۈرلەر ھەرىكىتىدىن خەۋەر تېپىشىچە ، يېقىنقى مەزگىلدە ئەرەب بىرلەشمە خەلىپىلىكىنىڭ دۇبەيدە ئۆتكۈزۈلگەن دۇنيا يۈرەك كېسەللىكلىرى چوڭ يىغىنىدا ئېلان قىلىنغان «تاماكا ئىشلىتىش ۋە تاماكا قالدۇقىنىڭ يۈرەك قان تۇمۇرىغا بولغان خەۋىپىنىڭ يەر شارى ئاڭ ئۇقۇمىدىكى پەرقى ، شۇنداقلا ھەرىكەتكە يېتەكچىلىك قىلىش مەنىسى» دېگەن دوكلاتتا كۆرسىتىلىشىچە : جۇڭگونى ئۆز ئىچىگە ئالغان نۇرغۇنلىغان ئوتتۇرا ، تۆۋەن كىرىملىك دۆلەتلەردىكى تاماكا چەككۈچىلەرنىڭ تاماكا ئۆسۈملۈكىنى ئىشلىتىش بىلەن يۈرەك كېسەللىكى ئوتتۇرىسىدىكى مۇناسىۋەتنى تونۇشى ئېغىر دەرىجىدە كەمچىل ئىكەن .
بۇ دوكلاتتىكى ئاساسى خۇلاسە بولسا : جۇڭگودىكى تاماكا چەككۈچىلەرنىڭ يېرىمى تاماكا چېكىشنىڭ يۈرەك كېسەللىكى كەلتۈرۈپ چىقىرىدىغانلىقىنى بىلمەيدۇ ، 3\2 قىسمىدىن كۆپرەكى تاماكا چېكىشنىڭ مېڭە سەكتىسىنى كەلتۈرۈپ چىقىرىدىغانلىقىنى بىلمەيدۇ ؛ ھىندىستان ۋە ۋېيتنامدىكى 3\1 قىسىمدىن كۆپرەك تاماكا چەككۈچىلەر يۈرەك كېسەللىكى كەلتۈرۈپ چىقاردىغانلىقىنى بىلمەيدۇ ؛ ھىندىستاندىكى يېرىمدىن كۆپرەك تاماكا چەككۈچىلەر تاماكا چېكىشنىڭ مېڭە سەكتىسىنى كەلتۈرۈپ چىقىرىدىغانلىقىنى بىلمەيدۇ . ۋېيتنام ۋە جۇڭگودىكى يېرىمىدىن كۆپرەك تاماكا چەككۈچىلەر ئېشىندى تاماكىنىڭ يۈرەك كېسەللىكىنى كەلتۈرۈپ چىقىرىدىغانلىقىنى بىلمەيدۇ.
بۇ دوكلاتتا ئالاھىدە كۆرسىتلىپ مۇنداق دېيىلگەن : دوختۇر كىشىلەرنىڭ تاماكا چېكىشنىڭ خەتەر ئېڭىنى يۇقىرى كۆتۈرۈپ، كۈچلۈك بولغان تەدبىر قوللىنىپ تاماكىنى ئىشلىتىش ۋە مۇناسىۋەتلىك خەتىرىنى تەشەببۇس قىلىشتا، ئۆزگىچە ئىشەنچ دەرىجىسى ۋە ئىقتىدارىغا ئىگە . دوكلاتتا مۇنداق دەپ تەكلىپ بېرىلگەن : دوختۇر تاماكا چېكىش بولمىغان تۇرمۇش ئۇسۇلىنى ئۈلگە كۆرسىتىپ بېرىپ ، كېسەللەرنىڭ تاماكا تاشلىشىغا ياردەم قىلىپ ، ھەمدە دۇنيا سەھىيە تەشكىلاتىنىڭ «تاماكىنى كونتىرول قىلىش رامكا ئەھدىنامىسى » نى يولغا قويۇشىنى تەشەببۇس قىلىپ ، شۇنداقلا ئەھدىنامىنىڭ مىزانىدا ئومۇميۈزلۈك ھالدا تاماكا كونتىرول قىلىش تەدبىرىنى ئوتتۇرىغا قويۇشنى ، ئومۇميۈزلۈك تۈتەكسىز سىياسەت ۋە سۈرەت شەكلىدىكى ساغلاملىق ئاگاھلاندۇرۇش بەلگىسىنى ئۆز ئىچىگە ئالغان بەلگىلەرنى يولغا قويۇشنى تەشەببۇس قىلغان .
تەرجىمە قىلغۇچى : ئالىمجان نەسىرىدىن
يوللىغان ۋاقتى 2012-5-4 10:59:18
يوللىغان ۋاقتى 2012-5-4 17:15:04
