بۈگۈن سىز نېمە ئىش قىلدىڭىز ؟

elqut

	ئەسسالامۇ ئەلەيكۈم   ئەزىز قېرىنداشلىرىم ، بۈگۈن 2011- يىلى 5- ئاينىڭ 5- كۈنى ئۇيغۇر دوپپا مەدەنىيەت بايرىمى، بايرىمىڭىزغا مۇبارەك بولسۈن ! سىز بۈگۈنكى بايرامدا نىمە ئىش قىلدىڭىز ؟ نىمە ئىشلارنى قىلىشنى ئويلىشىۋاتىسىز ؟ سىز بۈگۈنكىدەك مىللىي مەدەنىيەت بايرام كۈنىدە سىز ئۆزىڭىزنىڭ ئۇيغۇر قەۋمىنىڭ بىر ئەزاسى ئىكەنلىگىڭىزنى ئەسكە ئالدىڭىزمۇ ؟ سىز بۈگۈن دوپپا كىيدىڭىزمۇ ؟ ئۇنتۇلۇپ قېلىۋاتقان دوپپىڭىزنى قولىڭىزغا ئېلىپ، توپا چاڭلىرىنى سۈرتۈپ،  ئويغا چۆمدىڭىزمۇ ؟ سىز بۈگۈنكى كۈندە، مىللىتىمىزنىڭ ئەنئەنىسى بويىچە ئالدى بىلەن مېھرىبان ئاتا - ئانىڭىزنى ئەسكە ئالدىڭىزمۇ ؟ ئۇلارنىڭ قېشىغا بېرىپ ، ياكى تېلفوندا بولسىمۇ ئەسسسالامۇ ئەلەيكۇم ئەزىزانە ئاتا - ئانىلىرىم دىدىڭىزمۇ؟ ئۇلارنىڭ قولىدىكى سۈپۈرگۈنى ئېلىپ ئۇلارنىڭ ھويلا ئارامىنى بىر كۈن بولسىمۇ سۈپۈرۈپ بەردىڭىزمۇ ؟ ئاتىڭىزنىڭ قولىدىكى كەتمەننى ئېلىپ، باشتىن ئېگىز كۆتۈرۈپ ! يا ئاللاھ ! دەپ يەرگە چوڭقۇر بىر قېتىم پاتۇرۇپ باقتىڭىزمۇ ؟ ....... ئەي ئانا !سىز بۇگۈن قىزىڭىز بىلەن مۇڭداشتىڭىزمۇ؟ ئۇنىڭغا چىمەن دوپپىنىڭ ، ئەتلەسنىڭ ، ئۇيغۇر قىزلىرىنڭ 40 تال ئۆرۈم چېچىنىڭ ھىكايىلىرىنى ئېيتىپ بەردىڭىزمۇ ؟ ئۇنىڭ يۇمران قاشلىرىغا ئۆسما قويۇپ قويدىڭىزمۇ ؟ ئۈنىڭغا ئىپپەت قۇربانلىرى نۇزۇگۈم ، ئىپارخان  ... لارنىڭ ھىكايىسىنى سۆزلەپ بەردىڭىزمۇ ... ئەي ئاتا ، سىز بۈگۈن ئوغلىڭىز بىلەن مۇڭداشتىڭىزمۇ ؟ ئۇنىڭ بېشىدىكى دوپپىنى ئۆز قولىڭىز بىلەن تۈزەشتۈرۈپ قويدىڭىزمۇ ؟ ئۇنى قوتانغا ئەكىرىپ، كىشنەپ تۇرغان ئارغىماق ئېتىڭىزنى كۆرسىتىپ، ئۇنىڭ ئۇستىگە بىر مىنگەشتۇرۇپ باقتىڭىزمۇ ؟ بىر چاغلاردا بوۋاڭ مۇشۇنداق ئارغىماقلارنى مىنەتتى دەپ بوۋىلىرىنىڭ ھىكايىسىنى ئېتىپ بەردىڭىزمۇ ؟   ئوغلىڭىزنى ئېلىپ چىقىپ يۇرتىڭىزنىڭ كەڭ ، گۈزەل ، پۈتمەس تۈگىمەس بايلىققا تولغان زىمىنى كۆرسىتىپ مانا بۇ سېنىڭ يۇرتۈڭ ، بۇ سىنىڭ ۋەتىنىڭ ، بۇ يەرلەر سېنىڭ بارلىغىڭ ، بۇ يەرلەر سېنىڭ جېنىڭدىن ئەزىز، ۋەتەننى قوغداش ئەرنىڭ بۇرچى! ۋەتەن ئۈچۈن جاد تەسەددۇق قىلىش ئەرنىڭ مەجبۇرىيىتى! دېدىڭىزمۇ ؟ باتۇر سادىر بوۋىسىنىڭ ئات ئۈستىدىكى كارامىتىنى ، سېپىل پارتىلىتىشتىكى ئەقىل پاراسىتىنى، سۆزلەپ بەردىڭىزمۇ ؟ ئەلشىر ناۋائى، يۈسۈپ خاس خاجىف ، ماخمۇت قەشقىرى قاتارلىق بىباھا گۆھەرلەرنى قالدۇرغان بوۋىلىرىنىڭ كىتاپلىرىنى كۆرسەتتىڭىزمۇ ؟ لوتپۇللا ، ئابدۇخالىق ئۇيغۇر ، تەۋپىق، ئەخمەتجان قاسىمى .... قاتارلىق ئوت يۈرەكلەرنىڭ ھېكايىسىنى سۆزلەپ بەردىڭىزمۇ ؟ ئابدۇرېھىم ئۆتكۈر ، زوردون سابىر، ئابدۇشۇكۈر مۇھەمەت ئىمىن .... قاتارلىق ئەدىپلىرىمىزنى تونۇشتۇردىڭىزمۇ ؟ بۈگۈن سىز، خوشنا خولۇملىرىڭىزغا قارىدىڭىزمۇ ؟ ئۇنىڭ ئوغۇل قىزلىرى بېشىغا دوپپا كىيىپتىمۇ ؟ ياكى بېشىدا دوپپا يوق، پۇتلىرى يالاڭ ئاياق، ئوغلىڭىزنىڭ يىپيىڭى كىيىملىرىگە ، بېشىدىكى ئوتقاشتەك دوپپىلىرىغا مەيۈسلۈك بىلەن تەلمۈرۈپ قاراۋاتامدۇ ؟ ئاۋۇ يالغۇز ئايىمخان موماينى يوقلىدىڭىزمۇ ؟ ئۇنىڭغا  بۈگۈن بىر چىلەك سۇ ئەكىرىپ تۇڭىغا قۇيۇپ بەردىڭىزمۇ ؟ ئاۋۇ ئاۋۇتاخۇن بوۋاي بۈگۈن مەسچىتكە چىقالىدىمۇ؟ ئاپلا ماۋۇ خوشنامنىڭ بالىسى يىقىلىپ چۈشتى ....   ئۇنى دادىل بېرىپ بىر قېتىم يۆلەپ قويدىڭىزمۇ .........؟ ئەلقۇت مەرىپەت تورىدىن ئەلقۇت يازمىسى .  bbs.elqut.cn

mvjiza

	ياخشىكەن......ھەي ېەپسۇس。。。。。。。。。。。

pahrim

	بوگۈن دەل قىزىمنىڭ تۇغۇلغان كۈنى ئىدى، بىز بىر ئائىلە كىشىلىرى بۇكۈننى ناھايىتى ئەھمىيەتلىك ئۆتكەزدۇق.