دوپپا كىيىپ ياشايلى! (تىكەن)

تىكەن

	دوپپا كىيىپ ياشايلى! ئابلاجان راخمان تىكەن بايرام بۈگۈن بولغاچقا دوپپا كەيدىم ئۆزگىچە،     دوپپا كىيىپ يول ئالدىم تاغ داۋاندىن تۈزگىچە،       ئەمدى سالماي كىيۇرمەن باھار ،ياز ھەم كۈزگىچە، دېدىم شۇنداق ئاۋامغا قايتىپ كەلگەچ ئۆيگىچە،       دوپپا كىيىپ  ئۆتەرمەن  ھاياتلىقتىن ئۆلگىچە. ئەجداتلىرىم ئۇلۇغلاپ تەۋەرۈك قىپ ساقلىغان، دوپپا كىيىپ ئۇيغۇر دەپ غورۇرىنى ئاقلىغان، نەغمە تۇقۇپ داستاندا دوپپىلارنى ياقلىغان، دوپپا بىلەن  ئىماننى ،ئېتىقاتنى پاكلىغان،    دوپپا دىگەن‹‹يول خېتى››قۇرۇلتايدىن يانغۇچە. مەن ئېيتىمەن ناخشىنى، دوپپا ئۇيغۇر ناخشىسى، دوپپىلاردەك باش كىيىم تېپىلمايدۇ ياخشىسى، چۈنكى دوپپا نۇر چاچقان ئۇيغۇرلارنىڭ تاجىسى، دوپپا بىلەن قېنىم بىر، مەن بىر ئۇيغۇر تامچىسى، داستان قىلىپ كۈيلەيمەن بېشىم كۆككە يەتكۈچە.      دوپپا دىگەن‹‹كىملىك››تۇر، ئۇيغۇرۇمنى تونۇتقان، پاك ئۇدۇمنى ئەۋلادقا ھېكمەت قىلىپ يورۇتقان، بىراق بەزى گۆدەكلەر بۇ ھېكمەتنى ئۇنۇتقان، چىقارمىغىن ئېسىڭدىن بىز دوپپىدىن ئۇيۇشقان، دوپپا ئۇيغۇر ئۇدۇمى، ئەلمىساقتىن كەلگۈچە. دوپپا بىزنىڭ بەلگىمىز 55 خىل مىللەتتىن، تاشلىمايلى دوپپىنى ساقلىنىپ بىز ئىللەتتىن، ئۆگىنەيلى ئۆز-ئارا ئىلھاملىنىپ خىسلەتتىن،      نۇرلاندۇرغىن ئۆزەڭنى دوپپا‹‹كىملىك››ھېكمەتتىن، ‹‹دارغا ئېسىلىپ ئۆلىۋال››دوپپىدىن ۋاز كەچكۈچە. دوپپا كىيگەن قوشناڭغا كۆزلىرىڭنى ياشلىما، ناماز بوپتۇ ئۆيدە دەپ، دوستلىرىنى باشلىما، ‹‹سەۋىر قىلىڭ››دەپ قولنى، مۈرىسىگە تاشلىما، ‹‹بەلباغ››يوق دەپ بىلىدە، گەدىنىڭنى قاشلىما، نامازسىزمۇ كىيگەن بىز، كىرگۈچە ياش يۈزگىچە. دوپپا كىيسە ئۆز-ئارا مېھرى تونۇش ئۆز بۇلۇر، ھەۋەس قىلىپ بىزلەرگە ھەممە جايدا كۆز بۇلۇر، ئەنە ئۇيغۇر كەلدى دەپ جاراڭلىغان سۆز كىلۇر، تونۇشمىغان كۆڭۈللەر دوپپا بىلەن ئۆز بۇلۇر، دوپپا كۆرسە دوپپىنى تەكلىپ قىلار تۆرگىچە. دوپپا دېگەن غۇرۇردۇر-ئۇيغۇرلارنىڭ يۈرۈكى، تاشلىۋەتسە كىم ئۇنى ئەلدىن يانار سورىقى، شۇڭا دائىم بولىدۇ دوپپىلارنىڭ كۆرىكى،   دوپپىلاردىن ياتلاشقان بولماس مىللەت ئۆرنىكى، دوپپا كىيىپ ياشايلى بۇ دۇنيادىن كەتكىچە. ئاپتور:توقسۇ ناھىيە پەيشەنبازار ئوتتۇرا مەكتەپ ئابلاجان راخمان 13899226268 2012-يىل 3-ماي

mvjiza

	بەك ياخشى يىزىپسىز,بۇ بايرامنى ھەقىقەتەنمۇ ياخشى تەبرىكلەپسىز.تۇنجى قىتىملىق  يازمىڭىزكەن.بەك ياخشى چىقىپتۇ.

Erkman

	بۈگۈن مۇنبەردىكىلەردىن كىم دوپپا كىيدى؟ مەن بۈگۈن دوپپا كىيدىم، دوپپا بايرىمىنى ئەمەلىي قىلىقلىرىمىز بىلەن تەبرىكلىمىسەك،  «لاپخور مۇنبەرچى، يالغانچى ئۇيغۇر تورچىلىرى» دىن بولۇپ قالمايمىزمۇ؟

★Jackie★

	مەن ئەتە بىر كۈن كىيىمەن . بۇنداق دېسەم باشقىچە ئويلاپ قالماڭلار ، ھەركۈنى كىيىۋالساق ئورگانغا كىرىپ چىقىش جەريانىداچوڭ غوجاملارنىڭ كۆزىگە سەت كۆرۈنۈپ قالىدىغان گەپ. (ياپياش تۇرۇپ نېمىگە دوپپا كىيىۋالدىڭ ، ياش 50دىن ئاشقاندا كىيسەڭمۇ ئۈلگۈرىسەن) دەپ ياپتا گەپ قىلىپ قويىدۇ . تېخى (قالۇئىننە لىلاھى ۋە ئىننە ئەلەيھى راجىئون ؛ سەۋرى قىلىڭ ئۇكام) دەيدىغانلارمۇ چىقىدۇ . ئەتە ئەتتىگەندە شەھەرلىك ھۆكۈمەتتە يىغىن بار ئىدى ، مۇشۇ باھانىدا «دوپپامەدەنىيەت بايرىمى» مىزنى بىلمەيدىغانلارغا بىلدۈرۈپ قويارمەن .

سەرتۇغ

	ياخشى يېزلىغان شىئېر بۇلۇپتۇ.. ھارمىغايسىز قېرىندىشىم.

Erkman

	★Jackie★　 يوللىغان ۋاقتى  2012-5-4 17:34 مەن ئەتە بىر كۈن كىيىمەن . بۇنداق دېسەم باشقىچە ئويلاپ  ... مەن بۈگۈن ئىدارىدىكىلەرنى ھەيرانۇ-ھەس قالدۇردۇم، چېكىپ باقتىم ئورگاندىكىلەرنى!

★Jackie★

	Erkman يوللىغان ۋاقتى  2012-5-4 21:26 مەن بۈگۈن ئىدارىدىكىلەرنى ھەيرانۇ-ھەس قالدۇردۇم، چېك ... ئىنكاسى قانداق بولدى ؟ ئەتە ئۇنتۇلۇپ قالماسلىق ئۈچۈن مەن بايا دوپپامنى ئېلىپ قويدۇم .

Erkman

	★Jackie★　 يوللىغان ۋاقتى  2012-5-4 23:52 ئىنكاسى قانداق بولدى ؟ ئەتە ئۇنتۇلۇپ قالماسلىق ئۈچۈن  ... شۇ، بىز خەقلا  ھەيران  قالىدىكەنمىز، خەنزۇ يولداشلار  مۇنداقلا  قاراپ  قويۇپ  ئارتۇق گەپ قىلمىدىغۇ؟!

تىكەن

	ئەرگە تەگسەڭ بايغا تەگ ئابلاجان راخمان تىكەن پەردازلىرىڭ جايىدا،ئەرگە تەگسەڭ بايغا تەگ. يېتىشلىرىڭ سايىدا،ئەرگە تەگسەڭ بايغا تەگ.    كىيىملىرىڭ  ئۆزگىچە بويلىرىڭغا  ياراشقان، ئالتۇنلىرىڭ كۆپ بۇلۇر ئەرگە تەگسەڭ بايغا تەگ.    كۈندە قازان قاينايدۇ يىيىشلىرىڭ گۆش ياغدۇر، كۆزلىرىڭدىن نۇر ياغار ئەرگە تەگسەڭ بايغا تەگ.    ماڭالمايسەن پىيادە سەي ئالساڭمۇ بازاردىن، چىقىشلىرىڭ سانتانا  ئەرگە تەگسەڭ بايغا تەگ.    ئابرويۇڭمۇ ھەسسىلەپ ئاشار قارغاي شېخىدەك، تازىم قىلار ئىگىلىپ ئەرگە تەگسەڭ بايغا تەگ.    نامرات دىگەن نامزاتتا ئۇقۇتقۇچى مەن ئۆزەم، مەن بەك نامرات تەگمگىن ئەرگە تەگسەڭ بايغا تەگ. ئاپتۇر:توقسۇ ناھىيە پەيشەنبازار ئوتتۇرا مەكتەپ ئابلاجان راخمان