يۇلغۇن چېچىكى

يۇلغۇن

	يۇلغۇن چېچىكى باھاردەك شىۋىرلاپ بەردىڭ خۇشاللىق، ھاياتنىڭ گۈلتاجى يۇلغۇن چېچىكى. گېرەلەپ ياشايمەن سېنى داۋاملىق، چېچەكلەر خانتاجى يۇلغۇن چېچىكى. *** چۆللەرگە چىرايلىق ھۆسۈن قوشۇسەن، باياۋان باغرىدا تاتلىق كۈلىسەن، ئەركىلەپ شوخلۇقتىن ھىدلار تۆكۈسەن، چېچەكلەر خانتاجى يۇلغۇن چېچىكى. ئۇرغۇتار قەلبىمدە ئوتلۇق ئارمانلار، لىۋىڭگە لەۋ بېقىپ كۆيگەن شاماللار، گۈلگۈندۇر سەن بىلەن چۆل-باياۋانلار، تاڭلاردەك جىلۋىگەر يۇلغۇن چېچىكى. باغرىڭدا  لاۋۇلداپ كۆيىدۇ قۇياش، سەن ماڭا سۈيۈملۈك گۈللەرگە ئوخشاش، شادلىقىم ئوت يانغان جىلۋەڭگە تۇتاش، رەسىدە قىزلاردەك يۇلغۇن چېچىكى. پۈرەكلەپ ئېچىلغان ھۈسنۈڭ چىرايلىق، قەلبىمنى لەرزىگە سالار داۋاملىق، قانلىرىم كۈۋەجەپ ئاقار قىيانلىق، ئەجداتلار كەچمىشى يۇلغۇن چېچىكى. سەن تارىخ ، سەن قىسسە ، ھېكمەت بۇلىقى، بولىسەن بەزىدە جاننىڭ چوغلۇقى، بەزىدە بولىسەن تاتلىق ئوزۇقى، ھاياتلىق ناخشىسى يۇلغۇن چېچىكى. ئوت بولار تىنىقىم سېنى پۇرىسام، بۇلبۇللار تەڭكەشتۇر ناخشا توۋلىسام، مەن ناخشا توۋلامتىم شەيدا بولمىسام، قۇياشنىڭ كۈلكىسى يۇلغۇن چېچىكى. *** قۇياشنىڭ تىنىقى ، چوغدەك كۈلكىسى ، تاڭلاردەك جىلۋىگەر يۇلغۇن چېچىكى. بەزىدە كېسەلنىڭ شىپا دورىسى، ھاياتلىق ناخشىسى يۇلغۇن چېچىكى.

KALBIM

	بەك ياقتۇردۇم  .............................