چىرا ناھىيەسى 2- نۆۋەتلىك ئىشچى- خىزمەتچىلەر تەنتەربىيە مۇسابىقىسى ئۆتكۈزدى
ئەخمەتجان مەتقۇربان (مۇڭداش) خەۋىرى، فوتوسى
چىرا ناھىيەسى «4- ماي» ياشلار بايرىمى ۋە «پارتىيە 18- قۇرۇلتىيى» نىڭ غەلبىلىك چاقىرىلىشىنى ئەمەلىي ھەرىكىتى بىلەن كۈتىۋېلىش، ناھىيەنىڭ مەنىۋىي- مەدەنىيلىك قۇرۇلۇشىنى تېخىمۇ تەرەققى قىلدۇرۇپ، ئاممىۋىي تەنھەرىكەت ئىشلىرىنى ئىلگىرى سۈرۈش، ئىشچى- خىزمەتچىلەرنىڭ خىزمەت ئاكتىپچانلىقىنى يۇقىرى كۆتۈرۈش ھەمدە ئۇلارنىڭ مەنىۋىي تۇرمۇشىنى بېيىتىش ئۈچۈن، 2- مايدىن 3- مايغىچە ناھىيەلىك تەنتەربىيە مەركىزىدە كۆلىمى بىر قەدەر چوڭ، قاتناشقان تەنھەرىكەتچى بىر قەدەر كۆپ بولغان، 2- نۆۋەتلىك ئىشچى- خىزمەتچىلەر تەنتەربىيە مۇسابىقىسى ئۆتكۈزدى. بۇ قېتىمقى مۇسابىقىگە 25 كوماندا، 780 نەپەر تەنھەرىكەتچى قاتناشتى.
مۇسابىقە پائالىيىتى، ھەرقايسى كوماندىلارنىڭ جەسۇرانە ۋە مەردانە قىياپەتتە پاراتتىن ئۆتۈش شەكلى ۋە ھەرمىللەت ئىشچى- خىزمەتچىلىرى قاتناشقان 450 كىشىلىك مىللىيچە ئۇسسۇل كۆرسىتىش بىلەن باشلىنىپ، ئىشچى- خىزمەتچىلەرنىڭ ئاممىۋىي تەنتەربىيە ئىشلىرىغا قاتنىشىش قىزغىنلىقى، كۆتۈرەڭگۈ روھى نەق مەيداندا ھەقىقىي نامايەن قىلىندى. ئارقىدىن ئەر- ئايال پۇتنى باغلاپ قويۇپ يۈگۈرۈش، قىسقا ئارىلىققا يۈگۈرۈش، ئۇزۇن ئارىلىققا يۈگۈرۈش، توساقتىن ئاتلاپ يۈگۈرۈش، پالاقتا توپ ئېلىپ يۈگۈرۈش، ئىگىزگە سەكرەش، يىراققا سەكرەش، تىك- تاك توپ، ۋاسكېتبول، ۋالىبول قاتارلىق سەككىز چوڭ تۈر، 28 كىچىك تۈر بويىچە مۇسابىقە ئېلىپ بېرىلدى، مۇسابىقىنى ئۈچ مىڭدىن ئارتۇق ھەرمىللەت ئاممىسى كۆردى.
سۈرەتتە: مۇسابىقە پائالىيىتىدىن قىسمەن كۆرۈنۈشلەر
يوللىغان ۋاقتى 2012-5-3 15:48:42
