بىر قىلسۇن

ئەركيار

	بىر قىلسۇن مەقسۇت ئەمىن ئەركيار ئاپئاق ئىنىم جان ئىنىم، سۆيگۈ بەرگىن ئىنسانغا، ئەرنىڭ قەلبى بىر ئوكيان جان بېرىدۇ جاھانغا. ئوخشاپ قالما قاقاقلاپ تۇخۇم باسقان مېكيانغا، كۆيگىن كۈتمە كۆيۈمنى مەيلى كۆيمەس جانانغا. ئوماق سىڭلىم، پەرشتەم، ساڭا چوڭقۇر دىل رىشتەم، سەن ئەۋلادىم ئانىسى، توغرا، ساڭا پەرۋىش كەم. موماڭ باسقان يوللارنى خازان باسسا مەيلىمۇ، سەن يىراقنى ئويلىساڭ قالار يەنە نېمە غەم! بىر خۇدادىن تىلەيمەن يولىمىزنى بىر قىلسۇن، ھەريوللارغا ماڭساقمۇ دىلىمىزنى بىر قىلسۇن! چۈشىنەيلى ئۆزئارا، كۆيۈنەيلى ئۆزئارا، مېھىر - ۋاپا سۆزلىگەن تىلىمىزنى بىر قىلسۇن...