سۈيدۈكنىڭ رەڭگىگە قاراپ...
سۈيدۈكنىڭ رەڭگى سالامەتلىك بىلەن زىچ مۇناسىۋەتلىك. شۇڭا، سۈيدۈك رەڭگىگە قاراپ كېسەللەرگە ھۆكۈم قىلىشنى بىلىۋېلىش لازىم.
ساغلام كىشىلەرنىڭ سۈيدۈكىنىڭ رەڭگى سۇس سېرىق رەڭدە كېلىدۇ.
بۆرەك، دوۋساق، سۈيدۈك نەيچىسى ۋە سۈيدۈك يولى قاتارلىق ئەزالاردا كېسەللىك بولسا سۈيدۈكنىڭ رەڭگى قىزىل بولىدۇ. ئۇندىن باشقا بەدەن سىقىلىش، بېسىلىش قاتارلىق ھادىسلەرگە ئۇچرىغاندىمۇ قان سىيىش ئەھۋاللىرى يۈز بېرىدۇ. ئەگەر بۇنداق ئەھۋال داۋاملىشىپ بىر ھەپتىدىن ئېشىپ كەتسە، دەرھال دوختۇرغا كۆرۈنۈش كېرەك. بولۇپمۇ ئاغرىتمايدىغان قان سىيىش ئەھۋالىغا ئالاھىدە دىققەت قىلىش لازىم. چۈنكى بۇ، ئۆسمە ۋە سىل كېسىلىنىڭ ئىپادىسىدۇر.
سۈيدۈك ئاق رەڭدىمۇ كېلىدۇ. بۇ خىل ئەھۋال چوڭ ئۈچەي تاياقچە باكتېرىيىسى كەلتۈرۈپ چىقارغان سۈيدۈك يولىنىڭ يۇقۇملىنىشى ۋە بۆرەك جامى، بۆرەك ياللۇغى قاتارلىق كېسەللىكلەر بولغان ئەھۋال ئاستىدا كۆرۈلىدۇ. قىل قۇرت كېسىلى بارلاردا سۈتتەك ئاپئاق كېلىدىغان ئەھۋالمۇ بولىدۇ.
جىگەر ياكى ئۆت خالتىسىدا كېسەل بولسا، ئاشقازان، ئۈچەي ئاجرىتىپ چىقارغان ئۆت سۇيۇقلۇقى توسالغۇغا ئۇچراپ سۈيدۈك ئارقىلىق چىقىپ كېتىشكە مەجبۇر بولىدۇ، بۇنداق ۋاقىتتا سۈيدۈك تەركىبىدىكى ئۆت سۇيۇقلۇقىنىڭ مىقدارى كۆپىيىپ كېتىپ سۈيدۈك چاي رەڭگىدە كېلىدۇ.
سۈيدۈكنىڭ قارا رەڭدە كېلىشى ــ قان ئېرىشچانلىق، كەم قانلىقتىن بولىدۇ. يامان سۈپەتلىك بەزگەك كېسىلىگە گىرىپتار بولغاندىمۇ سۈيدۈك قارا قارا رەڭدە كېلىدۇ.
(«شىنجاڭ ياشلىرى» ژۇرنىلىنىڭ 1988-يىللىق 12-سانىدىن ئېلى بۇراۋىدىن بۈركۈت تەۋسىيەسى )
بۇ يازمىنى ئاخىرىدا بۈركۈت تەھرىرلىگەن. ۋاقتى 2012-5-2 14:18 
يوللىغان ۋاقتى 2012-5-2 14:15:12
