iPhone5 نىڭ قېلىنلىقى ۋە بازارغا كىرىش ۋاقتى
كېيىنكى ئەۋلاد iPhone بەلكىم 10 - ئايدا ئېلان قىلىنىشى مۇمكىن بولۇپ، يېڭى لاھىيە قوللىنىدىكەن، قېلىنلىقى 8mmدىن ھالقىپ 7.9mm غا يېتىدىكەن، يەنە تېخىمۇ تېز بولغان سىمسىز تور سەپلىنىدىكەن.
كۆپلىگەن خەۋەرلەردە كۆرسىتىلىشىچە، يېڭى ئەۋلاد iPhone نىڭ سىرتقى شەكلى iPhone 4/4S بىلەن ئوخشىمايدىكەن. كورىيەدىكى بىر ئاخبارات ۋاسىتىسىنىڭ خەۋىرىگە ئاساسلانغاندا، كېيىنكى ئەۋلاد iPhone تېخىمۇ نېپىز بولۇپ، يۇقىرى دەرىجىدىكى بېسلىشقا چىدامچانلىق ئىقتىدارى بار ئىكەن. خەۋەرلەردە دېيىلىشىچە، iPhone5 كە سۇيۇق ھالەتتىكى مېتال - زىركونىي، تىتان، نىكېل، مىس قاتارلىق بىرىكمە مېتال ئىشلىتىلىدىكەن، سۇيۇقلۇققا ئوخشاش پارقىراقلىققا ئىگە ئىكەن.
بۇنىڭدىن باشقا، بەزى خەۋەرلەردە كېيىنكى ئەۋلاد iPhone غا شارىپ ۋە توشىبانىڭ in-Cell سېزىمچان ئېكرانى ئىشلىتىلىدىغان بولۇپ، يەنە تېخىمۇ نېپىز بولغان باتارېيە ئىشلىتىلىپ يانفون گەۋدىسىنى ئىنتايىن نېپىز قىلىدىكەن. KGI Securities ئاكسىيە شىركىتىنىڭ تەھلىلچىسى Ming-Chi Kuo نىڭ ئىپادىلىشىچە، ئەگەر بۇ راست بولىدىغان بولسا كېيىنكى ئەۋلاد iPhone نىڭ قېلىنلىقى 7.9mm غا يېتىپ iPhone4S دىن %15 نېپىز بولىدىكەن.
ئامېرىكا مەبلەغ سېلىش بانكىسى Piper Jaffray نىڭ تەھلىلچىسى Gene Munster بىر دوكلاتتا يېزىلىشىچە، ئۆزەك ياساش شىركىتى ئامېرىكا گاۋتوڭ شىركىتى تەلەپنى قاندۇرالمىغانلىق سەۋەبىدىن ئالما شىركىتى 10 - ئايدا كېيىنكى ئەۋلاد iPhone نى بازارغا سېلىشى مۇمكىن ئىدى. ئۇنىڭ دېيىشىچە، گاۋتوڭنىڭ سىمسىز تور ئۆزىكى يەنە كېيىنكى ئەۋلاد iPhone دا ئىشلىتىلىدىغان بولۇپ، تورغا ئۇلىنىش سۈرئىتى تېخىمۇ تېز ئىكەن.
مەنبەسى: http://nurdiyar.com
بۇ يازمىنى ئاخىرىدا نەسىمى تەھرىرلىگەن. ۋاقتى 2012-4-29 14:55
| 
يوللىغان ۋاقتى 2012-4-28 17:23:23
