ئېشەك ئەسلى ناخشىچىكەن

爱你一万年?????

	ئىشەك ئىلگىرى ناخشىچى بولغانىكەن ، ئەمما ئاۋازى يېقىمسىز بولغاچقا ئاڭلىغۇچىلارغا ياقماپتۇ ھەم ھېچكىم ئۇنى ناخشائېيتىشقا تەكلىپ قىلماپتۇ . كۆپچىلىك ئۇنىڭغا : « سەندىن ئۆتۈنۈپ قالايلى ، ناخشا ئېيتمىغىن ، بىزنى ئارامىمىزدا قوي ! » دەپتۇ . قىزىق يېرى شۇكى ، بۇ ئىش ئىشەكنىڭ داڭقىنى تېخىمۇ چىقىرىپتۇ . تۈلكە : « ئىشەكنىڭ پايدىلىنىش قىممىتى بار ، ئىشىم ئوڭغا تارتسا ، كۆپ پۇل تاپالايمەن دەپ ئويلاپ ، بىر پىلاستىنكا شىركىتى قۇرۇپ ئىشەكنى ناخشىچىلىققا تەكلىپ قىپتۇ . ئىشەك بۇ ئىشتىن ئىنتايىن سۈيۈنۈپتۇ . تۈلكە كۆپ پۇل خەجلەپ ھايۋانات دۇنياسىدىكى ئۇزاق يىللىق ناخشىچى قاغىنى ئىشەكنىڭ ناخشىسىغا باھا بېرىشكە تەكلىپ قىپتۇ . قاغا : « ئىشەكنىڭ ناخشىسى خەلق سەنىتىگە تەۋە ئاممىباب ئۇسلۇپقا ئىگە ئىكەن ، ئاۋازىمۇ تەبىئىي ئىكەن ، ئۇنىڭ ناخشىسىنى ئاڭلىسا ، كۆڭۈل شادلىققا تولۇپ ئىستىتىك زوق ئالغىلى مۇھىمى ساقلىقىنى ساقلاپ ئۆمۈرنى ئۇزارتقىلى بولىدۇ » دەپ باھا بېرىپتۇ . قاغىنىڭ ئىشەكنىڭ ناخشىسىغا بەرگەن باھاسى ھايۋانات دۇنياسىدا زور تەسىر قوزغاپتۇ ، ھايۋانلار ھەرخىل پىسخىك ھالەتتە ئىشەكنىڭ ناخشىسىنى ئاڭلاپتۇ . ئىشەك گۈللۈك كىيىم كىيگەن ، تاقىر باش ھالەتتە مەيدانغا چىقىپتۇ . ئۇ ھېلى ئۇيانغا ھېلى بۇيانغا مېڭىپتۇ ، بەزىدە پۇتلىرىنى شىلتىپ قويۇپتۇ . توز ، تىيىن ، پىنگىۋىنلار ئۇنىڭ ناخشىسىغا جۆر بولۇپ ئۇسۇلغا چۈشۈپتۇ ، ئىشەكمۇ يېڭى قىياپەت بىلەن ناخشىسىنى باشلاپتۇ . تۈلكە ئىشەكنىڭ ناخشا كىچىلىكى باشلىنىشتىن ئىلگىرى چاشقان بىلەن قارا ئېيىقنى كەيپىياتنى كۆتۈرۈشكە ياللىۋالغانىكەن ، شۇڭا ئىشەك ناخشىسىنى باشلىشىغىلا ، ئۇلار : «يارايسەن ياشاپ كەت !!! » دەپ ئالقىش ياڭرىتىپتۇ . ھەقىقىي ئەھۋالنى بىلمەيدىغان بەزى ھايۋانلارمۇ ئۇلارغا ئەگىشىپ چاۋاك چاپتۇ . ئىشەكنىڭ ناخشا كىچىلىكىنىڭ مۇۋاپىقىيەتلىك بولغانلىقى ھەققىدىكى خەۋەر ھەممە يەرگە پۇر كېتىپتۇ . تۈلكە يەنە گېزىت ، ژورنال مۇخبىرلىرىنى ئىشەكنىڭ ناخشا كىچىلىكىنى ماختاپ ماقالە يېزىشقا تەكلىپ قىپتۇ ھەمدە مۇكاپاتلاش چارىسى تۈزۈپ ، ئىشەكنىڭ ناخشا كىچىلىكىنى ماختاپ ماقالە يازغان مۇخبىرلارغا نۇرغۇن كۈمۈش تەڭگە بېرىشكە ۋەدە قىپتۇ . نەتىجىدە كۆپلىگەن مۇخبىر ئەتىدىن - كەچكىچە ئىشەكنىڭ كەينىدىن چىقماي ماقالە يېزىشقا باشلاپتۇ ، ھەتتا ئىشەكنى كۈندە نەچچە قېتىم تېزەكلىگەنلىكىنىمۇ تەپسىلى خەۋەر قىلىنىپتۇ . ئاخىرىدا ئىشەك داڭلىق ناخشىچىغا ئايلىنىپتۇ . تۈلكە بۇنىڭدىن پايدىلىنىپ نۇرغۇن پايدا ئاپتۇ ھەندە داڭلىق پىلاستنكىچى ، رېژىسسور بولۇپ قاپتۇ . شۇنىڭدىن كىيىن ھايۋانات دۇنياسىدا ئاخبارات ۋاستىلىرىنىڭ ياردىمىگە تايىنىپ چولپانلارنى يېتىشتۈرۈش دولقۇنى كۆتۈرۈلۈپتۇ . بۇ « چولپان » لارنىڭ ئورۇنلاش ماھارىتى ، مەدەنىيەت ساپاسىنىڭ ئەسلى قانداقلىقى بىلەن ھېچكىمنىڭ كارى بولماپتۇ .                                                                                             ــــــ  شىنجاڭ قانۇنچىلىق گېزىتى

attila

	بۇ بىزنىڭ ھازىرقى جەمئىيىتىمىزدىكى شالغۇت ناخشا ئىيتىدىغان، ئاڭلىغان كىشىنى قاتتىق بىئارام قىلىدىغان بىر قىسىم ناباب ‹‹چولپان››لارنىڭ قىلىقلىرىغا بەك ئوخشايدىكەن.

爱你一万年?????

	مەنسىنى چۈشەنگەنلكىڭزىدن خۇرسەنمەن

barquk

	مىللى سەنئەتنى بۇزغۇچى ‹ چولپان› لار شۇمۇ نىمە بۇ ئىشەك ؟ ئاۋۇ تۈلكە پۇلنى ، مەنپەئەتنى دەپ ۋىجدانىنى ساتىدىغان ھېلقى . .. .. .  لار ئىكەن دە ! ! !

nazli007

	راس  راس  تورداشلار توغرا دەيدۇ     ئىشەك چولپانلىرمىزمۇ بارغانسىرى كۇپىيۋاتىدۇ

KIZILYOPURMAK

	راس بۇ ئىشەك ناخشىچىلىرىمىز بەك داڭلىق ھازىر،،،،،،،،،،،،،،،،،،،،،،،،،،،،

bayanqor

	بۇ كارامەت ئوخشۇتۇش بوپتۇ .......................

KALBIM

	بەك توغرا  دەلىلىنىپتۇ .............راست.

VESAL

	قۇچقاچ بولسىمۇ قاسساپ سويسۇن دىگەن شۇ

kompas001

	ئالتۇندىن ھەل بەرسىمۇ كىسەكتۇر كىسەك، ئالتۇن تىزەكلەپ بەرسىمۇ ئىشەكتۇر ئىشەك.