تەڭرىتاغ ئۇيغۇر مىكروبىلوگىنىڭ سىناق نەشرى ئېچىۋېتىلدى

ئارسلان

	1–مارت چۈشتىن بۇرۇن، شىنجاڭ ئاخبارات مەركىزىدە سەككىز يىللىق شانلىق مۇساپىنى بېسىپ ئۆتكەن تەڭرىتاغ ئۇيغۇر تورىنىڭ تەرەققىيات مۇساپىسىدە يەنە بىر شانلىق ئابىدە تىكلەندى . بۈگۈن يەنى شىنجاڭدىكى ھەر مىللەت خەلقى ، جۈملىدىن بارلىق تورداشلار ئۇزاقتىن بۇيان تەلپۈنگەن ـــ مەملىكىتىمىزدىكى تۇنجى ئۇيغۇرچە مىكروبىلوگ تەڭرىتاغ تورى ئۇيغۇرچە مىكروبىلوگنىڭ سىناق نەشرى ئېچىۋېتىلدى .    مۇراسىمغا شىنجاڭ ئۇيغۇر ئاپتونوم رايونلۇق پارتكوم تەشۋىقات بۆلۈمىنىڭ مۇئاۋىن باشلىقى، تاشقى تەشۋىقات ئىشخانىسىنىڭ مۇدىرى خۇ خەنمىن ، شىنجاڭ ئۇيغۇر ئاپتونوم رايونلۇق پارتكوم تاشقى تەشۋىقات ئىشخانىسىنىڭ مۇئاۋىن مۇدىرى غەيرەت سالىيوف ، شىنجاڭ ئۇيغۇر ئاپتونوم رايونلۇق ئالاقە تورى ئاخبارات مەركىزىنىڭ مۇدىرى، تەڭرىتاغ تورىنىڭ باش مۇھەررىرى جۇ جيەنخۇا  قاتارلىق رەھبەرلەر، تەڭرىتاغ تورىنىڭ بارلىق خادىملىرى ۋە بىر قىسىم ئاخبارات ۋاستىلىرىنىڭ مۇخبىرلىرى قاتناشتى . خۇ خەنمىن ، غەيرەت سالىيوف ، جۇ جيەنخۇا قاتارلىق رەھبەرلەرنىڭ ‹‹تەڭرىتاغ تورى ئۇيغۇرچە مىكروبىلوگى سىناق ئېچىۋېتىلدى ›› دېگەن خەت چۈشۈرۈلگەن ئايلانما شارچىنى قوزغىتىشى بىلەن مەملىكىتىمىزدىكى ھۆكۈمەت ئېتىراپ قىلىدىغان تۇنجى ئۇيغۇرچە مىكروبىلوگ ‹‹ تەڭرىتاغ تورى ئۇيغۇرچە مىكروبىلوگى ›› رەسمىي دۇنياغا كەلدى .     تەڭرىتاغ تورى ئۇيغۇرچە مىكروبىلوگىنىڭ ئېچىلىشى ئۇيغۇر تورچىلىق ئىشلىرىدىكى كاتتا نامايەندە بولۇپ ، شىنجاڭدىكى ھەر مىللەت خەلقىنىڭ ئۆزلىرىنىڭ يۈرەك سادالىرىنى پۈتۈن دۇنياغا نامايان قىلىشتىكى يېڭى كۆزنەك ھېسابلىنىدۇ.      ‹‹قەلب سادايىڭىزنى دۇنيا ئاڭلىسۇن !›› تەڭرىتاغ تورى ئۇيغۇرچە مىكروبىلوگىنىڭ شۇئارى ، شۇنداقلا بارلىق تورداشلارغا جاكارلىغان يۈرەك ساداسى بولۇپ ، تورداشلار ئۆزىنىڭ ھېس–تۇيغۇلىرىنى ، ئارزۇ–ئارمانلىرىنى، يۈرەك تىۋىشلىرىنى، ئەتراپتىكى شەيئىلەر ھەققىدىكى چۈشەنچە ، كۆز قاراشلىرىنى ، مەلۇم بىر تېما ياكى بىرەر ئىجتىمائىي مەسىلە ھەققىدىكى ئىلمىي مۇنازىرىلەرنى ۋە باشقا بارلىق ئىلمىي ، ساغلام بولغان يازمىلارنى يوللاش ئارقىلىق ئۆزلىرىنىڭ قەلب ساداسىنى پۈتۈن دۇنياغا ياڭراتسا بولىدۇ .        قەدىرلىك تورداش كومپيۇتېر ئالدىدا ئولتۇرۇپ ، مائۇسنى يېنىككىنە چەكسىڭىزلا سىزنىڭ قەلب سادايىڭىز تەڭرىتاغ تورى ئۇيغۇرچە مىكروبىلوگى ئارقىلىق پۈتۈن دۇنياغا تارقىلىپ ، سىزگە ئۆزىڭىز ئويلاپ باقمىغان خۇشاللىقلارنى ئاتاقىلىدۇ http://www.barmu.cn ياردەم مەركىزى http://www.barmu.cn/help_center

لوپنۇرى

	خوشاللىنارلىق ئىش بوپتۇ.بىۋاستە دېيەلمىگەن ئىچ سىرلىرىمىزنى مىكرو بلوگ ئارقىلىق جامائەتچىلىككە ئاشكارلاش پۇرسىتىگە ئېرىشكىنىمىزنىڭ ئۆزى بىر ياخشى پۇرسەت!

تەڭرىتاغ

	كۆپچىلىك مۇنبەردىكى ئەزالىق نومۇرى بىلەن مىكروبىلوگقا كىرەلەيدۇ، شۇڭا تورداشلارنىڭ مىكروبىلوگقا كىرىپ، يېڭى دەۋردىكى ئەڭ يېڭى تارقىتىش ۋاستىسىنى سىناپ بېقىشىنى تەۋسىيە قىلىمىز .

kaplan19

	بەك ياخشى ئىش بوپتۇ سىناپ باخساق بولغۇدەك.

polat

	تەڭرىتاغ تورى ئۇيغۇرچە مىكروبىلوگنىڭ ئېچىلىشى ياخشى ئىش بۇلۇپتۇ.

ئىلقۇت

	ماۋۇ خەۋەرنى كۆرۈپ خۇشاللىقىمدىن سەكرەپ كەتكىلى تاس قالدىم جۇما! ئەينى ۋاقىتتا سىنا تورى مىكرو بلوگىنى ئىچكى قىسىمدا سىناۋاتقاندا، بىر دوستۇمنىڭ تەكلىپ نومۇرى بىلەن تىزىملىتىپ، مىكرو بلوگنىڭ كەلگۈسى ھەققىدە تولۇپ تاشقان ئىشەنچكە تولغان، ھەم بىر نەچچە دوستۇمغا بۇ ھەقتە سۆز قىلىپ، ئەگەر ئۇيغۇرچە مىكرو بلوگمۇ ئېچىلىپ قالسا نېمە دېگەن پەيزى ھە؟ دېگىنىمدە ئۇلار ماڭا تەنبىھ بېرىپ، ئۇيغۇرچە مىكرو بلوگنىڭ ئېچىلىشى مۇمكىن ئەمەس، ئۇخلىماي چۈش كۆرمە! دېگەندە بەكلا ئۈمىدسىزلەنگەن ئىدىم. مانا ھۆكۈمەتنىڭ قوللىشى بىلەن بۇ كۈنمۇ يېتىپ كەلدى دېسە...

noshirwan

	مۇبارەك بولسۇن! مىكرو بلوگدا گوڭۇر-موڭۇر پاراڭ سېلىشنى باشلاپ كەتتۇق.

قاشتىشى

	مىنىڭمۇ مىكرو تور بىتىم بار بوپتۇ- دە ئەمدى.

تەڭرىتاغ

	ئاپتونوم رايونلۇق خەلق قۇرۇلتىيى دائىمىي كومىتېتىنىڭ مۇئاۋىن مۇدىرى مۇتەللىپ قاسىممۇ مىكروبىلوگقا ئەزا بولدى .

kargay

	مەنمۇ كىردىم لىكىن مىكروبىلوگدىن قانداق پايدىلىنشىنى بىلمەي گاڭگىراپ قالدىم،،،