ئاسۇق: كېتىمەن...

ئا.ئاسۇق · ۋاقتى: 2016-2-13 12:19:06

كېتىمەن...

ئابدۇرېھىم ئابدۇۋەلى(ئاسۇق)

بىلىمەن قەلبىڭدە ئۆلدۈم نەچچە رەت،
شۇڭلاشقا قەبرەمگە كەلمەيسەن يوقلاپ.
ھېجرانكەش كېچىنى ئېتىمەن باغاش،
شەھۋەتخور خىيالدا ئۆزۈمنى گوللاپ.

بەزىدە ھېجراننىڭ تەمى بەك تاتلىق،
ئەشەددىي ئۈمۈدنىڭ شەربىتى زەھەر.
بىر قانلىق مۇزىكا ئىچىدە تۇرۇپ،
مەن ئۈچۈن ئۆلۈمنى ياد ئەتتى كىملەر؟

تويۇقسىز ئاققىنى مېنىڭ يولتۇزۇم،
بىھاجەت! قولۇڭنى قان قىلمىغىن قان.
بەرىبىر ۋەسلىڭگە يېتەلمەيدۇ تەن،
قوغلىما،
كەت دېمە،
كۆتۈرمە چوقان .

كېتىمەن ، كېتىشكە چىقىدۇ سەۋەپ،
باشلىدى يۈرۈكۈم قايتا قاناشقا ،
كېتىمەن ، بىر پارچە لىرىكام بىلەن،
بىر قوچاق بەخىتنى قالدۇرۇپ ساڭا.

-2016يىلى 3-1فېۋرال ئاقسۇ شەھەر قۇمقۇدۇق(ساجىڭزا)دا يېزىلدى.

تۇرسۇن · ۋاقتى: 2016-2-13 12:34:15

ئاسۇق ئەپەندىنىڭ بۇ شىئىرلىرىغا رەھمەت!

تۇرسۇن · ۋاقتى: 2016-2-13 12:34:24

بۇ يازمىنى ئاخىرىدا تۇرسۇن تەھرىرلىگەن. ۋاقتى 2016-2-13 12:37

ئاسۇق ئەپەندىنىڭ بۇ شىئىرلىرىغا رەھمەت!ياخشى يىزىپسىز!

سەزگۈم · ۋاقتى: 2016-2-16 01:50:38

ئاسۇق ئۇستازنىڭ شېئىرلىرى ھەقىقەتەن كىشىنى ئۆزىگە مەھلىيا قىلىدۇ، تىنىڭىز سالامەت ، قەلمىڭىز تېخىمۇ بەركەتلىك بولسۇن ئۇستاز !

ئەلتۈرگ · ۋاقتى: 2016-2-18 12:23:37

ئاسۇق ئۇستازنىڭ ئىلھامىغا كۆز تەگمىسۇن...

ئەلتۈرگ · ۋاقتى: 2016-2-18 12:23:49

ئاسۇق ئۇستازنىڭ ئىلھامىغا كۆز تەگمىسۇن...

ھىجرانى · ۋاقتى: 2016-2-18 23:57:15

شېئىر ياخشى چىقىپتۇ .

پىنھانx · ۋاقتى: 2016-2-22 15:01:06

بۇ شېئىرىڭىزنى ئۇقۇپ قەلبىم بىرخىل ھاياجانغا تولدى...
قەلەم قۇۋۋىتىڭىزگە ئاپىرىن!!!

ئا.ئاسۇق · ۋاقتى: 2016-2-24 20:39:46

ئەسەرلىرىمنى ياختۇرۇپ ئوقۇپ كېلىۋاتقان قەدىردانلارغا رەھمەت.

altaxna · ۋاقتى: 2016-2-24 23:53:44

ئۇزۇن بوپرىكەن مۇنبەرگە كىرەلمىگىلى كىرىپلا بۇ شىئىرىڭىزنى ئوقۇشقا مۇيەسسەر بولدۇم تولىمۇ خۇرسەنمەن

ئاسۇق: كېتىمەن...

باھالاش