ئەمدى كۆز-كۆز قىلمىغىن

پەشتاق · ۋاقتى: 2016-3-9 23:55:28

ئەمدى كۆز-كۆز قىلمىغىن
(مەستانىلارغا نەسىھەت)
ئابدۇسەمەت داۋۇت

خىزمەتداشمىز ئەسلىدە،
بىر ئورۇندا ئىشلەيمىز.
ئۇچراشسامقۇ نەچچە رەت،
ئەسسالام دىيىشمەيمىز.

بىلدۇق ئاخىر سىرىڭنى،
بىزنى كۆزگە ئېلمىدىڭ.
قىلمىشىڭغا سەپ-سېلىپ،
كۈزەتسەكمۇ بىلمىدىڭ.

ئۆيدە تۇرسا بىر جۇپتۇڭ،
يەنە بىرنى مارىدىڭ.
كۆرمەيدىغۇ بىزنى دەپ،
كۆز قىسىشىپ قارىدىڭ.

بۇمۇ ئازلىق قىلغاندەك،
قاش ئېتىشىپ قاراشتىڭ.
ئالما، ئامۇت تەڭلىشىپ،
قوللىرىڭنى سىلاشتىڭ.

قارىشىپمۇ قانمىدىڭ،
ئەتتىگەندىن كەچكىچە.
يول قويمايمىز سەنلەرگە،
بىز دۇنيادىن كەتكۈچە.

ۋىجدانىمىز يۈز كىشلىك،
ئەمدى قاراپ تۇرمايمىز.
كۆز-كۆز قىلساڭ قايتىدىن،
ئەمدى ئۇرماي قويمايمىز.

ئىشەنسۇن دىسەڭ بىزنى،
ھاياسىز ئىش قىلمىغىن.
سىرىڭ تولۇق پاش بولدى،
ئەمدى كۆز-كۆز قىلمىغىن.

مەنبە: ئۆز قەلىمىم 2016-3-6

توغراق520 · ۋاقتى: 2016-3-10 10:00:44

رەھمەت مۇئەللىم ياخشى يېزىلىپتۇ، شۇنداق بىئەدەپلەر كۆزگە چېلىقىپ قاپتۇدە.

توغراق520 · ۋاقتى: 2016-3-10 10:00:50

رەھمەت مۇئەللىم ياخشى يېزىلىپتۇ، شۇنداق بىئەدەپلەر كۆزگە چېلىقىپ قاپتۇدە.

baylik · ۋاقتى: 2016-3-10 10:44:18

بەڭ ياخشى يىزىپسىز .رەخمەت سىزگە، مەن ياقتۇرۇرپ قالدىم

تۇرسۇن · ۋاقتى: 2016-3-10 11:26:23

ئابدۇسەمەت مۇئەللىم ناھايىتى ياخشى يىزىپسىز،يازغۇچىلىق ھاياتىڭىزغا يەنىمۇ ئوتۇق،ئامەت تىلەيمەن،مەڭگۈ سالامەت بولۇڭ،يەنىمۇ ياخشى ئەسەرلەرنى يىزىشىڭىزغا تىلەكداشمەن،رەھمەت سىزگە!!!!!!

227520 · ۋاقتى: 2016-3-10 12:46:03

ياخشى شىئ‍ىر!.......

muhemmed · ۋاقتى: 2016-3-13 00:28:52

ياخشى يېزىپسىز، قەلمىڭىزگە كۆز تەگمىسۇن!

سەلكىن01 · ۋاقتى: 2016-3-14 16:29:40

ساتېرانىڭ تىلى ئاددىي، چۈشىنىشلىك، مەزمۇنى چوڭقۇر يېزىلىپتۇ. يامان ئىش-ھەرىكەتلەرنى كۆرسەكمۇ كۆرمەسكە سېلىپ، نېمە كارىم دەپ ئۆتۈپ كەتسەك، يېقىن دوستلىرىمىزنى ئورىغا ئىتتىرگەن بولىمىز. بۇ شېئىردىن كۆپلەر ئىبرەت ئېلىشى مۈمكىن. ئىجادىيەتلىرىڭىزگە ئۇتۇق تېلەيمەن...