روھلان مۇنبىرى
كۆرۈش: 2944|ئىنكاس: 6
ئوڭ تەرىپنى يىغىش

بېشىمغا كۈن چۈشتىمۇ!؟

[ئۇلانما كۆچۈرۈش]
بېشىمغا كۈن چۈشتىمۇ!؟

‌رەھمەتجان مۆمىن (ساتېرىك)
سانچىلغاندا ئ‍اق چاچقا ،بېشىمغا كۈن چۈشتىمۇ!؟
ئ‍ېتىبار يوق " بىر ياش "قا ، بېشىمغا كۈن چۈشتىمۇ!)
ئ‍امال يوقمۇ!؟ "ساقلاش"قا، بېشىمغا كۈن چۈشتىمۇ!؟
كۆزۈم تولدى لىق ياشقا بېشىمغا كۈن چۈشتىمۇ !؟

باشقا شەرەپ نە كېرەك ،مۇشۇ يېتەر دەپتىمەن،
مېھىر بەرسەم بالىلار ،مەدەت بېرەر دەپتىمەن،
مەكتەپلەردە بىر مەزگىل كۈنۈم ئ‍ۆتەر دەپتىمەن،
چىقىپ قالدىم يانپاشقا ، بېشىمغا كۈن چۈشتىمۇ !؟

"ئ‍ىسلاھات"نىڭ شامىلى تەگدى قارا باسقاندەك،
قورقۇنچلۇق سۈر باستى،ھۇشسىزلاندىم قاتقاندەك،
ھالىم كەتتى چارچاشتىن،مىڭ يىل ئ‍ەلەم تارتقاندەك،
ئ‍ۈسسۈدۈممۇ مەن تاشقا!؟بېشىمغا كۈن چۈشتىمۇ !؟

"كۆز ئ‍الدىمدا نەچچە خىل تاللاش يولى تۇرۇپتۇ،
بىلمەپتىمەن ئ‍ەسلىدە مېنى خۇدا ئ‍ۇرۇپتۇ،
زېرىكتىمۇ مودىر بەك، مەندىن ئ‍ۈمىت ئ‍ۈزۈپتۇ،
چۈشۈپ قالدىم شاللاشقا، بېشىمغا كۈن چۈشتىمۇ !؟

ئ‍وتتۇز يىللىق ئ‍ەقىدەم،تۆھپەم باتى دەپ باقتىم،
ئ‍ەۋلاتقا چىن ئ‍ىخلاسىم، ۋەدەم باتى دەپ باقتىم،
مەن كېسەلمەن ،بىر ئ‍اجىز،دەردىم باتى دەپ باقتىم،
ئ‍ېرىشمىدىم قوللاشقا ، بېشىمغا كۈن چۈشتىمۇ !؟

پۇرسەت باتى" ئ‍وقۇش"قا،"ياش"لار قايتا بارمىسا،
ئ‍ۇلار مەسئۇل شۇ سىنىپ ماڭا مىراس قالمىسا،
نېمە ئ‍امال!؟بۇ گەپنى ھېچكىم ئ‍ىلىك ئ‍المىسا،
ئ‍اران تۇردۇم يىغلاشقا، بېشىمغا كۈن چۈشتىمۇ !؟

بىرى پورسەت كەتمەستە،"ئۆگەن دائىم تىل" دېدى،
ئ‍وقۇي دېسەم بىرلىرى "سەن ئ‍ىشىڭنى قىل!" دېدى،
بىرى" شامال كەلگىچە، ئ‍ۆتۈپ كېتەر يىل" دېدى،
چىقالمىدىم بىر باشقا ، بېشىمغا كۈن چۈشتىمۇ !؟

"ئ‍ېھتىياج"غا ماسلىشىپ، چوڭقۇر بىلىم ئ‍المىدىم،
ھەۋىسىم كۆپ،ۋاقىت قىس،مەن ئ‍وقۇشقا قانمىىدىم،
ئ‍ۆگەنگىنىم ئ‍از،ئەمما،  نەچچە ئ‍ون يىل چانمىدىم،
دۇچار بولدۇم زارلاشقا، بېشىمغا كۈن چۈشتىمۇ !؟

ئ‍امالىم يوق ئ‍ۆزۈمدىن ئ‍ىزدىدىم كۆپ سەۋەپنى،
مەن چۈشەندىم،ئىسلاھات،رىقابەتنى،تەلەپنى،
شۇ "ئ‍ېھتىياج"تالاشتى،مەندىن "ئ‍ېنۋان،شەرەپ"نى،
كۆڭۈل قويماس تاشلاشقا، بېشىمغا كۈن چۈشتىمۇ !؟

مەن "پىداگوك" دەپتىمەن،راست، پىشمىغان ئ‍وخشايمەن،
سالاھىيەت،تەكلىپتىن كېچىپ نەدە توختايمەن،
ئ‍اچ قالماسمەن ،بېشىمدا،نېمە كۈن بار ئ‍ۇقمايمەن،
چىقىش يولۇم يوق باشقا، بېشىمغا كۈن چۈشتىمۇ !؟

"نامزات"لىققا كۆرسۈتۈپ،مودىر سەپتىن "چىق!"دېدى،
سەن خالىساڭ مۇۋاپىق خىزمەت ئ‍ورنى "جىق"دېدى،
ئ‍ورۇن بەرمەي ساقلىساڭ،سانچىلىدۇ "مىخ"دېدى،
چىدالمىدىم قىستاشقا، بېشىمغا كۈن چۈشتىمۇ !؟

"كەسپىي ئ‍ەخلاق ئ‍ۈلگىسى"دېگەن نامنى ساقلىدىم،
ھەر سائەتتە  تېگىشلىك بۇرچۇمنى مەن ئ‍اقلىدىم،
مەن ھورۇنمۇ راستىنلا!؟بىراق، ۋىجدان ساتمىدىم،
مەن ھەقلىقمۇ!؟سوتلاشقا،بېشىمغا كۈن چۈشتىمۇ!؟

ئ‍وقۇتقۇچى" كۆپ "ئ‍ىمىش تۇيغانمىدۇ مەكتەپلەر!؟
بىر كېچىدە گۈللۈنۈپ بولغانمىدۇ مەكتەپلەر!؟
پىداگوكقا ئ‍ورۇن يوق ،بۇلغاندىمۇ مەكتەپلەر!؟
قاچان كېلەر ئ‍ېيۋاشقا، بېشىمغا كۈن چۈشتىمۇ !؟

قېرىغاندا "ئ‍وقۇش"تىن ماڭا بىر نەپ چىقامدۇ!؟
مەن"كېرەكسىز،داشقال"دىن ئ‍ەۋلاتقا نەپ يۇقامدۇ!؟
كېتەي بوپتۇ مەكتەپتىن"ئۆلۈك مۆشۈك"يوقامدۇ!؟
قىين ماڭا ئ‍وخشاشقا، بېشىمغا كۈن چۈشتىمۇ !؟

ئ‍اچچىق تۇيغۇ دەستىدىن زادى ئ‍ارام تاپمىدىم،
تەڭقىسلىقتا ئ‍ۇيقۇ يوق،نەچچە كېچە ياتمىدىم،
تېخى مۇنبەت ئ‍ەمەسمۇ!؟بۇ تۇپراققا پاتمىدىم،
چىقىپ قالدىم مەن قاشقا،بېشىمغا كۈن چۈشتىمۇ!؟

كۆپ ئ‍ويلۇنۇپ ئ‍اقىۋەت تاللىدىم ۋاز كەچمەكنى،
سۈر-ھەيۋىنى روھىمدىن،بىر يولى تەرك ئ‍ەتمەكنى،
چىدالامدىم !؟سەبرىدە،كۈتۈپ تۇرسام"تەپمەك"نى،
رايىم يوق گەپ ئ‍اڭلاشقا، بېشىمغا كۈن چۈشتىمۇ !؟

"كۆپ"يېمىسەم،ئاز يەمەن،ئاسان ئ‍ۆلۈپ قالماسمەن، !؟
يېڭى يولدىن قۇت تېپىپ بەلكى،سۇنۇپ قالماسمەن، !؟
"تىلى كېسىك،ئاجىز"نىڭ قۇلى بولۇپ قالماسمەن!؟
مەن كىرەمتىم يۈز ياشقا!؟بېشىمغا كۈن چۈشتىمۇ !؟

ئ‍ورۇن بېرىپ ھېچ نامسىز "ساخاۋەتچى"بولدۇممۇ!؟
كوچا پاخال قىلغۇدەك
"خىيانەتچى"بولدۇممۇ!؟
سۈر-توقايدا قوغلانغان"جىنايەتچى"بولدۇممۇ!؟
جۈرئ‍ىتىم يوق ئ‍ويلاشقا،بېشىمغا كۈن چۈشتىمۇ!؟

ئ‍اقلىيالماي "بۇرچ"نى،يىللاپ بالا باقتىممۇ!؟
ئ‍ۆگىنەي دەپ "قوشتىل"نى مەن ئ‍از جاپا تارتتىممۇ!؟
تىرىشساممۇ ئ‍اقىۋەت،لاي -پاتقاققا پاتتىممۇ!؟
‌چارىسىزكۆز بوياشقا،بېشىمغا كۈن چۈشتىمۇ!؟

‌ بىلمىدىڭ دەپ "قوشتىل"نى مودىر ئ‍ەتە دوق قىلسا،
ئ‍ېنۋان،شەرەپ نامىمنى بىر كېچىدە يوق قىلسا،
نەدە ماڭا ئ‍ىش ئ‍ۇرنى؟ بىرى ئ‍ۇنى "سوق" قىلسا،
ھەققىم بارمۇ قېيداشقا، بېشىمغا كۈن چۈشتىمۇ !؟

"ئ‍ىسلاھات"نىڭ قۇربانى بولاي بويۇن تولغىماي،
پۇشايمانلىق كۆزياشتا پاك روھىمنى بولغىماي،
مېيلى ئ‍ۇتاي،ئۇتتۇراي،ئاۋانگارتقا ئ‍ايلىناي،
پىت سالامدىم ساق باشقا!؟ ، بېشىمغا كۈن چۈشتىمۇ!؟

ىسيانكارلىق قىلمىدىم،"قوشتىل ئ‍وقۇڭ!تەڭتۈشلەر،
رىقابەتتە پۇرسەتنى بەك چىڭ تۇتۇڭ!تەڭتۈشلەر،
ئ‍ىچ ئ‍اغرىتماڭ!مەن ئ‍ۈچۈن لەنەت ئ‍وقۇڭ !تەڭتۈشلەر،
ئ‍ىبرەت قىلدىم شۇڭلاشقا،بېشىمغا كۈن چۈشتىمۇ!؟

مەنبە:ئۆز يازمام
2016-يىلى 2-ئ‍اينىڭ 5-كۈنى
ياقتۇرىشىڭىز مۇمكىن؟

مۇناسىۋەتلىك تېمىلار

ۋاقتى: 2016-2-6 18:38:03 | ھەممە قەۋەتنى كۆرۈش
بۇندىن كېيىنكى پوئىزىيە ئىجادىيىتىڭىزنىڭ ئۇتۇقلۇق بولىشى ئۈچۈن تېخىمۇ زور تىرىشچانلىق كۆرسىتىشىڭىزنى ئۈمۈت قىلىمەن .
ۋاقتى: 2016-2-7 12:04:33 | ھەممە قەۋەتنى كۆرۈش
رەھمەت بەك ياخشى يېزىپسىز
روھلان android تېرمىنالىدا يوللانغانروھلان android تېرمىنالىدا يوللانغان
ۋاقتى: 2016-2-7 20:24:11 | ھەممە قەۋەتنى كۆرۈش
ىسيانكارلىق قىلمىدىم،"قوشتىل ئ‍وقۇڭ!تەڭتۈشلەر،
رىقابەتتە پۇرسەتنى بەك چىڭ تۇتۇڭ!تەڭتۈشلەر،
ئ‍ىچ ئ‍اغرىتماڭ!مەن ئ‍ۈچۈن لەنەت ئ‍وقۇڭ !تەڭتۈشلەر،
ئ‍ىبرەت قىلدىم شۇڭلاشقا،بېشىمغا كۈن چۈشتىمۇ!؟
.....................................................................
قالتىس
ۋاقتى: 2016-2-8 18:19:31 | ھەممە قەۋەتنى كۆرۈش
بۇ يازمىنى ئاخىرىدا   ئۈمۈد2 تەھرىرلىگەن. ۋاقتى  2016-2-8 18:23  

قېىرىندىشىم، شېئىرىڭىزنى تەپسىلىي ئوقۇپ چىقتىم، شئېردا ئېيتىلغان ئىش بېشىڭىزغا يا كەلگەندۇر يا كەلمىگەندۇر، سەمىمىي نەسىھەتىم، ئاتىلار سۆزى دەپ چۈشىنىڭ. مۇشۇ شېئرىڭىزنى مۇنبەردىن ھەم بىلىپ بىلمەي يوللاپ سالغان ئۈندىداردىن تولۇق ئۈچۈرۋەتكەن بولسىڭىز بېشىڭىزغا چۈشمىگەن كۈنلەر چۈشمىگەن، چۈشۈش ئېھتىمالى بولغان كۈنلەرمۇ چۈشمىگەن بولاتتى. سەۋەب قوش تىل، ئىسلاھات ھەققىدە گەپ بار ئىكەن. مەنمۇ بىر ئوقۇتقۇچى.....
ھېچ بولمىغاندا ئەڭ ئاخىردىكى تۆت كۆپلىتنى قىرقىۋېتىڭ، يامان نىيەتلىك ئادەملەر پايدىلىنىپ كەتمىسۇن، تېلېفۇنلاردا ئوينىتىپ يۈرمىسۇن دەيمەن. ئۆزىگە ۋە سىزنىڭ بېشىڭىزغا كۈن چۈشۈرۈپ قويمىسۇن.
نەسىھەتىڭىزنى سەمىمىيلىك قوبۇل قىلىمەن،ئۈمۈد2  قېرىندىشىم،مەن سىز دېگەندەك ئ‍ىشنىڭ تەرىپىنى ئ‍ويلىماي كەم ئ‍ەقىللىق قىلىپتىمەن،مەن ئ‍ۆز بېشىمدىن ئ‍ۆتىۋاتقان،مەكتەپتىن ئ‍ايرىلىش ئ‍الدىدا تۇرۇۋاتقان ئ‍ىنتايىن ئ‍از ساندىكى ئ‍وقۇتقۇچى قېرىنداشلىرىمغا ئ‍وقۇتقۇچى بولغۇچى ھەر بىر كىشىنىڭ پۈتكۈل جەمىيەت،پۈتكۈل ئ‍وقۇغۇچىلار ئ‍الدىدا مەڭگۈ ئ‍وقۇش،ئۆگىنىشنى تۇختۇتۇپ قويماي،ئۈلگىلىك رولىنى جارىي قىلدۇرۇپ،مائارىپىمىزنىڭ تېخىمۇ روناق تېپىشىنى ئ‍ۈمىت قىلدىم دەپ قارايمەن،نەچچە يىللاردىن بېرى ئ‍ۈزەمنىڭ  زامانغا لايىق بىر ئ‍وقۇتقۇچى بولۇپ چىقىشقا سالقىن پوزىتسىيە تۇتۇپ،بۈگۈنكىدەك مائارىپ سېپىدىن ئ‍ايرىلىپ قېلىشقا سەۋەپچى بولۇشتەك تەقدىرىم ئ‍ارقىلىق،بارلىق ئ‍وقۇتقۇچى قېرىنداشلىمنى يېىباشتىن بىلىم ئ‍ۆگىنىشكە ئ‍ۈندەشنى مەخسەت قىلدىم دەپ قارايمەن،
 ئىگىسى| ۋاقتى: 2016-2-8 23:40:49 | ھەممە قەۋەتنى كۆرۈش
يېزىمىزدىكى 300نەپەردىن كۆپرەك ئ‍وقۇتقۇچى ئ‍ىچىدىن تەلەپكە لايىقلىشالمايدىغانلارنىڭ سانى ھازىرلىقچە 70 دىن ئ‍اشىدىكەن،ئۆزۈمنى ئ‍اقلاپ ئ‍ولتۇرۇشنىڭ ھاجىتى يوق،مۇشۇ ھالىمدا ئ‍ۆزۈمنى بىر ئ‍وقۇتقۇچى ساناپ يۈرگىنىمدىن تولىمۇ خىجىللىق ھېس قىلدىم،نەچچە كۈن ئ‍ۇيقۇ بىدار يۈردۈم،كېسەللىك سەۋەبىدىن دوختۇرخانىدىن قايتىپ كەلگىلى ئ‍ۇزۇن بولمىغانلىقى ئ‍ۈچۈن ،ئ‍ائىلەمدىكىلەر مەندىن بەكمۇ ئ‍ەنسىرىدى،قايتا-قايتا ئ‍ويلىنىش ئ‍ارقىلىق ھەقىقەتەن نۆۋەتتىكى ۋەزىيەتنىڭ ئ‍ېھتىياجىغا ماسلىشالمايدىغانلىقىمنى تونۇپ يەتتىم،مېنىڭدە خېلى زور دەرىجىدە تىرىشچانلىق روھى بار دەپ قارايتتىم،راستىنلا نەچچە يىل تىرىشىپمۇ باقتىم،لېكىن ياش بىر يەرگە باغاندا تولىمۇ ئ‍ۈنۈمسىز بولىدىكەن،ئاخىرى ئ‍وقۇتقۇچىلىق كەسپىدىن ۋاز كېچىشتەك مۇشۇ يولنى تاللىۋالدىم،ئوقۇرمەنلەرنىڭ مېنىڭدىن ئ‍ىبرەت ئ‍ېلىشىنى ،ئ‍ۆگىنىشنى مەڭگۈ توختۇتۇپ قويماسلىقىنى ،،،،،ئ‍ۈمىت قىلىمەن،

ئېنگىلىزچە كىرگۈزۈش ھالىتىگە ئالماشتۇرماقچى بولسىڭىز Ctrl بىلەن K كۇنۇپكىسىنى بىرلەشتۈرۈپ بېسىڭ، يەنە بىر قېتىم مۇشۇنداق باسسىڭىز ئۇيغۇرچىغا ئالمىشىدۇ .

كىرگەندىن كېيىن ئىنكاس يازالايسىز كىرىش | ئەزا بولۇڭ

سەھىپە جۇغلانما قائىدىسى

كەلگەن قەدىمىڭىزگە مەرھابا، سىز تېخى مۇنبەرگە ئەزالىق نامىڭىزدا كىرمەپسىز مۇنبەرگە كىرىڭ ياكى ئەزا بولۇڭ

archiver|يانفۇن نۇسخا|قاماقخانا|ئېلان بېرىڭ|بىز كىم؟|ئۈندىدار|روھلان مۇنبىرى

GMT+8, 2016-3-26 06:04

Powered by Discuz! X3.2(NurQut Team)

© 2001-2013 Comsenz Inc.

تېز ئىنكاس چوققىغا قايتىش سەھىپىگە قايتىش