سەھەر قۇياشى ( شېئىر )

heqqani

سەھەر قۇياشى

سەھەر قۇياش كۆزۈمنى چاقتى ،
ھەم دىلىمنى قەلبىمنى چاقتى .
ساپ ھاۋاسى ، لەززىتى بىلەن ،
مىسكىن دىلىم ، كۆڭلۈمگە ياقتى .
-------------------------------

ئىككىلەمچى لەززىتى بىلەن ،
يوچۇقلارنى زەر بىلەن ئەتتى .
ئەسكە سېلىپ خۇشال دەملەرنى ،
زىل قەلىبگە دىلرابا يەتتى .
------------------------------

تاڭ شامىلى يۈزۈمنى سىلاپ ،
ئۆتكۈر تىغدەك سۆڭەككە يەتتى .
ئەمما ھېچبىر ئازابى يوقكى ،
خوشلۇق بىلەن يارامنى ياپتى .
-----------------------------

بىر چاقنىشى زەررەڭ ئۇرۇپلا ،
لېۋەن يارنى ،دوستنى ئەسلەتتى ،
ئىككى مەررە قاراپ سالغىنىم ،
دىلدا يالقۇن چولپانغا يەتتى .
----------------------------

تۈن تىۋىشى ھازىرلا كېتىپ ،
نۇرلۇق قۇياش جاھانغا باقتى .
ھەممە يەرگە خۇمالىق بېقىپ ،
بىر كۆمۈلمەس بىلىم ياراتتى .
-----------------------------

بەزى تاتلىق بەزىسى ئاچچىق ،
ھايات داۋام قىلىدۇ شۇنداق .
ئۇزۇن تۈننىڭ سەھىرىمۇ بار ،
مىھىر بېرەر كۈندە مۇشۇنداق .
---------------------------

شۇڭا ئۈمىد چاقنىسۇن كۆزدە ،
مەيۈسلىنىش بىزگە ياراشماس .
تۇيغۇ ، غايە چېنىقسۇن ھەردەم .
شۇندا بولۇر ئادەم يېڭىلمەس .
--------------------------

ئەزھەر36

سەھەر ئىلھامىڭىز ياخشى چىقىپتۇ ، قەلىمىڭىزگە قۇت تىلەيمەن !

ھېكتور

شۇنچە نۇرلۇق شۇنچىلىك يارقىن،       تاڭ سەھەر نىڭ ئللىق قۇياشى…ئارامبەخىش بىرىپ دىللارغا،  ئ‍وغىتىدۇ ئ‍زگۈ ھىسلارنى

ھېكتور

ئ‍ىلھاملىرىڭىزغا بارىكاللا،

WOLKANI

ياقتۇردۇم .

Ayshemgul

ئەڭ ئاخىردىكى ئىككى كوپلىتنى تولىمۇ ياقتۇردۇم. قەلىمىڭىز يەنىمۇ بەرىكەتلىك بولسۇن!

ئەلتۈرگ

سەھەر تۇرمىغان ئادەم مۇۋاپىقىيەت قازىنىالمايدۇ دەپتىكەن ، داۋاملىق تىرشىڭ!

ئەلتۈرگ

سەھەر تۇرمىغان ئادەم مۇۋاپىقىيەت قازىنىالمايدۇ دەپتىكەن ، داۋاملىق تىرشىڭ!

نۇرلان

قەلىمىڭز يەنىمۇ ئۆتكۈر بولسۇن.

heqqani

ھەممىڭلارنىڭ ياخشى باھالىرىغا رەھمەت .. تېخىمۇ ياخشى يېزىشقا تىرىشىمەن . كەمچىلىكلىرىم بەكلا كۆپ  . كۆپچلىكنىڭ ياردىمىدە بارا - بارا ئىلگىرلەۋاتىمەن  ...