ئۈمىدىم ئەمەستۇر پەسىل قۇشلىرى

heqqani

ئۈمىدىم ئەمەستۇر پەسىل قۇشلىرى



يازلىقىدا   بار  قىشلىقىدا كېتىپ  قالارغا ،
ئىشلىقىدا بار چىشلىقىدا كېتىپ  قالارغا ،
يۈزلۈكتە   بار  ئونلۇقدا  كېتىپ   قالارغا ،
ئوڭلۇقىدا بار  سوللۇقىدا  كېتىپ قالارغا ،
ئۈمىدىم   ئەمەستۇر  پەسىل   قۇشلىرى .


ھەرۋاقىت تىرىشىپ يۈرىمەن  ھەردەم ،
كىيىمەن    ئاخىرى  توندىن  بەقەسەم ،
بولسىمۇ  بۇ يولدا  ئەرەپ ۋە  ئەجەم ،
ۋە لىكىن ھېچ  يوقدۇر بىكارغا  قەدەم ،
ئۈمىدىم  ئەمەسدۇر پەسىل قۇشلىرى .


چىقماقچى بولساڭ گەر ئېگىز بىر تاغقا ،
كىرمەكچى بولساڭ گەرئېسىل بىر باغقا ،
ئويلىغىن    باشتىلا   بۇ    يول  قاياققا ،
يولدىكى    تىكەنلەر    بەرگەن     ئازاپقا ،
ئۈمىدىم   ئەمەسدۇر  پەسىل  قۇشلىرى .


بىلىمدىن   بېلىمغا   پوتا   باغلىدىم ،
ئىلىمدىن چېيىمغا قەنتلەر تاشلىدىم ،
كېچىلەر  بەزىدە   كۆزلەر   ياشلىدىم ،
ۋە لىكىن  كەينىگە داجىپ   باقمىدىم ،
ئۈمىدىم   ئەمەسدۇر  پەسىل  قۇشلىرى .


سايىسى جىسىمدىن  بىشارەت بېرەر ،
يارىسى     ئەلەمدىن  بىشارەت بېرەر ،
غايىسى  ئۈمىدتىن   ئىشارەت  بېرەر ،
ئاخىرى  بىر  كۈنى   نىھايەت   بېرەر ،
ئۈمىدىم   ئەمەسدۇر  پەسىل  قۇشلىرى .


تاڭ   سەھەر قۇياشى  پارلاپ  چىققاندا ،
يۇلتۇزنىڭ  سىماسى كۆلنى   چاققاندا  ،
بەزىدە     قەلىپدە   نۇر   بوپ  يانغاندا ،
ئەسلەيمەن  ئۈمىدنى دەرتلەر  تارتقاندا ،
ئۈمىدىم   ئەمەسدۇر  پەسىل  قۇشلىرى .


ئەمەسكى   ئارمانىم    دۇنيادا  ياشاش  ،
ۋىجدانىم گۇۋاھدۇر  مەنكى    بىقاياش  ،
يەنە  بىر ھاياتقا    ئاشىقمەن    خالاس  ،
چوقۇمكى تاپىمەن  نۇرلۇق  بىر قۇياش ،
ئۈمىدىم   ئەمەسدۇر  پەسىل  قۇشلىرى .

ئا . ھەققاني

2014\11\28

ناتىۋان

بۇ شېئىرىڭىزنى مۇنبەردە كۆرۈپ شۇنداق خۇش بولدۇمئ،تېخىمۇ ياخشى شېئىرلارنى يېزىشىڭىزغا تىلەكداشمەن ！

heqqani

ھە رەھمەت ... مۇشۇ كۈنلەردە مۇنبەرلەرنى ئۇنتۇپ قېلىۋاتىمەن ، تۆنۈگۈن روھلان ئېسىمگە كەلدى … ھى ھى … بۇ يەردە بارلىقىڭىزنى ئويلىماپتىكەنمەن

ناتىۋان

مەن كىرگىلى ئىككى-ئۈچ كۈن بولدى تېخى ،شېئىرىڭىزنى كۆرۈپلا ئىنكاس يېزىشىم .

سىھىر

ناھايتى ياخشى يىزىپسىز ،،،،،ھارماڭ،،،،يەنىمۇ ياخشى تىمىلىرىڭىز بارلىققا كەلگەي

Ayshemgul

ناتىۋان. يوللىغان ۋاقتى  2014-12-6 00:31
بۇ شېئىرىڭىزنى مۇنبەردە كۆرۈپ شۇنداق خۇش بولدۇمئ،تېخى ...

ناتىۋانىم بۇ سىزمۇ؟ روھلانغا ئاخىر قەدەم تەشرىپ قىلىپسىز ھە؟ تولىمۇ خۇشال بولدۇم.

Ayshemgul

ئەسسەلامۇ ئەلەيكۇم ئۇكام. يېڭى ئىجادىيتىڭىزگە مۇبارەك بولسۇن! ياخشى چىقىپتۇ. بولۇپمۇ شېئىرىڭىزنىڭ تېمىسى بىلەن مەركىزى ئىدىيسىنى تولىمۇ ياقتۇردۇم.
بىراق شۇ بەزى مىسرالىرىدا بۇ قاتمال كاللام يەنە لېنتا چاينىغاندەك بىر نەچچە قېتىم ئارتۇق ئوقىۋىتىپ سالدىم. ئۇنداق يېزىلماسلىقى كېرەكتەك. ئۈچىنىچى كوپلىت تۆتىنچى مىسرانى "چىدامدىم تىكەنلەر بەرگەن ئازاپقا "دەپ ئالسا قانداق بولار دەپ قالدىم. ئاندىن ئادەمدە بىر بەل بولىدىغان تۇرسا بېلىمدىن بېلىمغا پوتا باغلىدىم دىگەن نىمە گەپتۇ دەپ ئويلاپ قالدىم. بەشىنچى كوپلىت بىرىنچى مىسرانى بەكمۇ ياقتۇردۇم. ئىككىنچى كوپلىتتا يەنە توختىدىم. ئۇ مىسرا خاتا ئەمەستەك. بىراق ئىپادىلىمەكچى بولغان مەنىدىن چەتنەپ كەتكەندەك. جاپاسى غەلبىدىن بىشارەت بېرەر دىگەندەك باشقىچە ئۈمۈدنن ئىپادىلەيدىغان جۈملىنى ئىشلەتسەكچۇ دەپ ئويلاپ قالدىم. ئەڭ ئاخىرقى كوپلىت ئىككىنچى مىسرانى ئۇنچە بەك چۈشىنىپ كېتەلمىدىم.
سىزنىڭ ئوقىغان كىتاپلىرىڭىز كۆپ، زېھنىڭىز ئۆتكۈر، تەسەۋۋۇرغا باي، سۆزلىرىڭىز مەنىلىك. مېنىڭ بولسا ئوقۇغان كىتابىم ئاز، كاللام ئاددى. شۇڭا بەزى يەرلىرىنى چۈشىنەلمەي قېلىشىم تەبىي ئىش. چۈشىنىشكە تىرىشىۋاتىمەن. ئۆگىنىۋاتىمەن ئىنشائاللاھ. شۇڭا چۈشىنەلمىدىم دىسەم توغرا چۈشەنگەيسىز. ئۇ ھەرگىز تەنقىدى پىكىر ئەمەس. بەلكىم چۈشەندۈرۈپ قويىشىڭىزغا مۇھتاجمەن.
ئاخىردا قەلىمىڭىزنىڭ يەنىمۇ ئۆتكۈر، بەرىكەتلىك بولىشىغا تىلەكداشمەن.. ئەسەرلىرىڭىزنى مۇنبەردىن ئايىمىغايسىز.

Ayshemgul

ما كاللامنى! ئەمدى چۈشۈندىم ئا بىر مىسرانىم. سىز بىلىمدىن بېلىمغا دەپسىز. مەن بېلىمدىم بېلىمغا دەپ ئوقۇپ چۈشىنىپتىمەن. كەچۈرۈڭ. يامان ئالدىراڭغۇ مەن.

Ayshemgul

بۇ تېرمىنال شۇنداق قولايلىقكەن.بىراق يازغان ئىنكاسنى تەھرىرلىگىلى بولمايدىكەن. مىسرانى دىگەننى مىسرانىم دەپ يېزىپ قويۇپتىمەن.

ناتىۋان

Ayshemgul يوللىغان ۋاقتى  2014-12-7 08:58
ناتىۋانىم بۇ سىزمۇ؟ روھلانغا ئاخىر قەدەم تەشرىپ قىلى ...

ھەئە،مەن شۇ ،رەھمەت ！مەنمۇ خۇش بولدۇم ،ئاخىرى سېپىڭلارغا قوشۇلدۇم .