ئۆيلەنمىسەم بولمىدى 〖شىئىر〗

heqqani

ئەسسالامۇ ئەلەيكۇم مۇنبەرداشلار . نەچچە كۈن بولدى مۇنبەر جىمجىتلا بولۇپ قالدى . ياكى ھەممىڭلار ئالدىراش بولۇپ قالدىڭلارمۇ ، ياكى مىجەزىڭلار يوقمۇ ؟ بىلمىدىم ... تور ئارلاۋېتىپ بۇ شىئېرنى ئۇچرىتىپ قالدىم ...قارىسام بەكلا قىزىپ كېتىپتۇ . ئۇنىڭ ئۈستىگە مەنمۇ بويتاق بولغاچقا بۇ تېما بەكلا ياقتى . كۆڭلۈمدىكىنىلا دەپتۇ بۇ ئاغىنەم ... ھى ھى ... خۇددى مەن يازغاندەكلا ... ئەجەپ ئوخشايدىكەن دېسە ...

«ئۆيلەنمىسەم بولمىدى›
‏
‏
‏‏دادام دائىم قاخشايدۇ تاپالمايسەن بىر پۇڭمۇ،
‏ئانام دەيدۇ سەن مەنسىز ئۆتەلمەيسەن بىر كۈنمۇ.
‏باشنى ئوچاق ئېتىشتى ئۇلار يەنە بۈگۈنمۇ،
‏ئەي خالايىق ئاڭلاڭلار، ئۆيلەنمىسەم بولمىدى.
‏
‏دەيدۇ ئۇلار دائىما سەن بىرەر ئىش قىلمىساڭ،
يا قىلالماي چوڭىنى ئازنى كۆزگە ئىلمىساڭ.
چىقىپ كەتكىن بۇ ئۆيدىن ئەمدى ئادەم بولمىساڭ،
‏مېنىڭ ھالىم يېتىڭلار ئۆيلەنمىسەم بولمىدى.
‏
‏ئۆيۈم تۇرار بەك رەتسىز يىغىلمىغان ئورۇنمۇ،
‏زاڭلىق ئېتەر ھەتتاكى سىڭىللىرىم ئۇكاممۇ.
‏ئەي دوسلىرىم ئويلاڭلار بۇنداق ياشاش ئوڭايمۇ؟
‏ماڭا نەزەر سېلىڭلار، ئۆيلەنمىسەم بولمىدى.
‏
‏يېشىم كىچىك، ۋە لېكىن دەردىم كۆپتۇر خېلىلا،
‏بويتاقلىقنىڭ دەردىنى ھەممىلىرى بىلىلا.
‏ئۆيلىنىمەن ھازىرلا چوڭلار ماقۇل دېسىلا،
‏دەردكە دەرمان بولۇڭلار، ئۆيلەنمىسەم بولمىدى.
‏
‏كۆپ دەي دېدىم چوڭلارغا سالار يۈرەك دۈپۈلدەپ،
‏گۈل ئېچىلدى باغلاردا پۇراپ تۇرار گۈپۈلدەپ.
‏كۈز ئۆتسىلا زىمىستان قار ياغىدۇ لەپىلدەپ،
‏ئاخىرى دېدىم: ئەي چوڭلار، ئۆيلەنمىسەم بولمىدى.
‏
‏ھەيران بولدى چوڭلىرىم ياقا تۇتۇپ قېلىشتى،
‏ھەر تەرەپتىن تۇشمۇ-تۇش تېخى بالدۇر دىيىشتى.
‏بىردەمدىلا بۇ ئىشنى ئەل جامائەت بىلىشتى،
‏ۋاي بىلسەڭلار بىلىڭلار ئۆيلەنمىسەم بولمىدى.
‏
‏شۇنىڭ بىلەن ئۇلارمۇ توي ئىشىغا قېتىلدى،
‏ئىزدەپ يۈرۈپ ئاخىرى ماڭا ھەمراھ تېپىلدى.
‏ئەلچى باردى ئۆيىگە ئۇلار خوش دەپ ئىگىلدى،
‏بەك خوش بولدۇم بىلسەڭلار ئۆيلەنمىسەم بولمىدى.
‏
‏پىشىپ ئاخىر مەسلىھەت ئۇلار تويغا تۇتۇشتى،
‏ئەتراپىمدا دوسلىرىم پەرۋانە بوپ يۈرۈشتى.
‏چاتاق چىقتى ئاخىرى ئەجەپ چىشىم قېرىشتى،
‏گەپكە قۇلاق سېلىڭلار ئۆيلەنمىسەم بولمىدى.
‏
‏ياش توشمىسا قانۇندا توينى قىلسا بولمايمىش،
‏قىزىل قەغەز ئالمىسا قارا <<ئۆي>>گە سولايمىش.
‏ھازىر تۈزۈم بەك چىڭكەن موللام نىكاھ قىلمايمىش،
‏بۇ ئىشلارنى كۆرۈڭلار ئۆيلەنمىسەم بولمىدى.
‏
‏نوپۇسۇمدا ئۆزۈمدىن يېشىم كىچىك خېلىلا،
‏باردىم ئاخىر ساقچىغا قانداق ئامال قىلىلا.
‏باشلىق كۈلۈپ ئېيتتىغۇ سەبىر قىلىپ تۇرىلا،
‏تېزدىن ئامال قىلىڭلار ئۆيلەنمىسەم بولمىدى.
‏
‏شۇنداق قىلىپ تېخىچە يۈردۈم كونا سەنەمدە،
‏توي قىلىشنى ئويلايمەن ماڭغان ھەر بىر قەدەمدە.
‏يېزىۋەتتىم مۇشۇنداق چىدىيالماي ئەلەمدە ،
‏ماڭا ياردەم قىلىڭلار ئۆيلەنمىسەم بولمىدى.
‏
‏ئاپتور :ئەرباب (سۈزۈك سۇ)

مەنبە : مىسرانىم مۇنبىرى


بۇنى ئوقۇپ مېنىمۇ ئىلھام بېسىۋالدى دېسە ...شۇنىڭ بىلەن مەنمۇ دەردىمنى ئېيتتىم ... غورا ئۆرۈكنى كۆرسە ئالا بولۇر ... دېگەندەك ... ھى ھى


ئۆيلەنمىسەم بولمىدى
‏
‏ئا . ھەققاني
‏
‏بۇ ئۇكامنىڭ دەردىنى ئاڭلاپ مەنمۇ  قوشۇلدۇم
‏دەرتلىرىمز ئورتاقكەن كۈلۈپ تۇرۇپ قول قويدۇم
‏مەنمۇ چۈشەي مەيدانغا ‏دەرت قاچامنى دۈم قويدۇم
‏ئاڭلاپ قويۇڭ خالايىق ئۆيلەنمىسەم  بولمىدى
‏
‏
‏يېشىم ئاشتى ھېلىمۇ يېگىرمىدىن ئۈچ  ئاتلاپ ،
‏يەنە يۈردۇم كىيىمنى ئۆزۈم يۇيۇپ ھەم قاتلاپ .
‏بەزى غەمكىن بولىمەن كۆزلىرىمنى ھەم ياشلاپ،
‏مەنمۇ ئەمدى خالايىق ئۆيلەنمىسەم  بولمىدى .
‏
‏
‏ئۆيلىنىشنى سۈننەت دەپ ئوقۇغانغۇ كىتاپتىن ،
‏سۈننەتلەرنى بىجىرمەي قانداق ئۆتەي ھىساپتىن
‏بۇ ھاياتتا تەنھالىق  يامان ئىكەن يانتاقتىن ،
‏ئويلاپ بېقىڭ خالايىق ئۆيلەنمىسەم بولمىدى .
‏
‏
‏بەزى بولۇر جەمئىيەت ماڭا  گويا بىر  قەپەس ،
‏نىكاھدىدۇر ئاچقۇچى،گۇندىپايى شەيتان بەس.
‏بۇ قىسماقتىن قۇتۇلۇش بەزىمىزگە بەكلا تەس ،
‏مانا كۆرۈڭ خالايىق  ئۆيلەنمىسەم   بولمىدى .
‏

‏تەس بولسىمۇ قۇتۇلدۇق ئىنشائاللاھ ساغلام  بىز
‏كارۋان يولى ئۇزۇنكەن تەس بولدىغۇ ماڭماق تېز
‏قېپقالغاندەك ئارقىدا ھېس قىلدىمغۇ ھەم تەڭسىز
‏شۇڭا ئەمدى  ئالدىراپ  ئۆيلەنمىسەم   بولمىدى

‏
‏بىلىپ باقسام قەلبىمنى ھەممە ئىشنىڭ يولى بار
‏ئارلاشتۇرماي بىجىرگىن.تاڭ سەھەرنىڭ تۈنى بار
‏بۇ نىكاھتا  ئاللاھنىڭ  مەرھەمەتلىك  قولى بار
‏شۇنداق ئىدى خالايىق  ئۆيلەنمىسەم  بولمىدى
‏
‏
ساۋاقداشلار يېغىلساق بەزى كېلەر جۈپ بولۇپ ،
‏بىر جۈپ ئەمەس بەزىدە كېلىدىغۇ تۆت بولۇپ .
‏چاندۇرمايمەن ۋە لىكىن يۈرەك يانار ئوت بولۇپ ،
‏ئەۋلاد ئىشقى يامانكەن  ئۆيلەنمىسەم  بولمىدى .
‏
‏
كىچىك بالا ئانچە بەك كۆزلىرىمگە سىغمايتتى ،
‏بېقىپ كەتسە دوستلىرىم  قادىيدەكلا  قىلاتتى .
‏ئەمدى  بىلدىم  ئەسلىدە  قەلىپلىرى  ياناتتى ،
‏يەنە قاراپ تۇرامدىم ؟!ئۆيلەنمىسەم بولمىدى .
‏

بولدى قىلاي خالايىق مۇشۇنچىلىك ئاڭلاڭلار،
بويتاقلارغا ئوڭ كۆزدە ،مىھىر  بىلەن  قاراڭلار .
پۇرسەت بولسا ئىزدىنىپ باشلىرىنى ئوڭشاڭلار،
شۇنداق بولسۇن خالايىق ئۆيلەنمىسەم بولمىدى

‏
‏

نەپرەت

دەردىم كۆپقۇ مىنىڭمۇ،
سەۋر قىلىڭ جان ئاداش.
كىچىك تۇرۇپ توي قىلسا،
شۇ تۇرمۇشتا ئاغرىق باش.

تاپسام تەستە لايىقنى،
ئۆيگە كەپتۇ يالاڭباش.
مومام كۆرۈپ ھۈرپەيدى،
نەدىن تاپتىڭ ئىشەكباش.

بولدى دېدىم ئاخىرى،
يالغۇز قويماس خۇدايىم.
بۇ ئىشلارنى ئويلىماي،
بىر يەردە باردۇ ھەمرايىم.

ئالمىچى

ئىسىل يىزىلغان شىئىركەن،
مەنمۇ بىر نەچچە مىسرا قىتىپ قوياي دىسەم
ما ئىلھامىم كەلمەيۋاتىدۇ،
来自安卓客户端

heqqani

نەپرەت يوللىغان ۋاقتى  2014-6-22 12:47
دەردىم كۆپقۇ مىنىڭمۇ،
سەۋر قىلىڭ جان ئاداش.
كىچىك تۇرۇ ...

شۇنچە تەستە ئوت قالاپ قىزىغانتى ئوچاقمۇ ،
ياندۇرماڭچۇ بولدىلا ھەممە ئادەم ئوخشاشمۇ.
ھەممىمىزگە ئاللاھنىڭ بىر پۈتكىنى ھەم بارغۇ،
توختاپ قالماي ئىلگىرلەپ ئۆيلەنمىسەم بولمىدى .


شۇڭا سىزمۇ ئالدىراڭ قوش قىلامىز يا توينى ،
ياخشى ھەمراھ بەرىكەت تولدۇرىدۇ  ئۇ  ئۆينى.
بەرسۇن ئاللاھ ئەڭ سازنى ، كۆتۈرەيلى بۇ قولنى،
شۇندا ھايات چاقنايدۇ ئۆيلەنمىسەم بولمىدى .

دېھقان

ئويلەنمەڭە بولدىلا بىشىڭىزغا پىشىت-سىكە قويوپ

KokZat

يا ئۆيلىنىڭلا يا غىت قىسىپ يۈرۇڭلار.
ئەڭ ياخشىسى ئۆزەڭلارنى  دەڭسەپ بىرئىش قىلاسىلە.

ئىرشات119

كۆڭلۇمدىكى  ھىسلارنى يىزىپ  چىقپسىلە         رەھمەت   

دىلىغۇل

شىئىرلار ھەقىقەتەن ياخشى چىقىپتۇ ،قەلىمىڭلا ئۆتكۈر ئىكەن .داۋاملىق يىزىپ تۇرۇڭلا ،بىزمۇ بىكا قالماي ئوقۇپ تۇرلى

Ayshemgul

ماشائاللاھ.شېئىر ۋە پىكىر شۇنداق ياخشى بوپتۇ.ئۇكام بۇ شېئىرىڭىزنى ئىلگىركى شېئىرلىرىڭىزگە ئوخشىمايدىغانراق ئۇسلۇپتا يېزىپسىز ھە؟دۆت ئاچىڭىزمۇ بىر ئوقۇپلا چۈشەندى مانا.بۇرۇنقى يازمىللىرىڭىزمۇ كاتتا ئىدى.بۇ بەكراق ياقتى ماڭا.ئاللاھىم سىزگىمۇ پات كەلگۈسىدە قەلەمقاش،نەپەسداش جۈپتىن بىرنى بىرىۋەتسۇن.ئامىن،ئاللاھۇئەكبەر!ھې ھې...

نۇرلان

ئاتاقلىق شائىرلىرىمىزدىن تاھىر تالىپ ئاكا بىلەن مەرھۇم روزى سايىتنىڭ " ئۆيلەنمەيمەن"-"ئۆيلەنگىن" تېمىسىدىكى مۇشائىرىلىرى ئەينى ۋاقىتتا ئۇيغۇر  ئەدەبىيات سەھنىسىنى زىلزىلىگە سالغان.
شۇلارنىڭ شېئىرلىرىنى ئوقۇپ كۆرۈشۈڭلارنى تەۋسىيە قىلىمەن.
تېما ئىگىسىگە  تىرىشچانلىق يار بولغاي.