(ساتىرا) ئايفون

heqqani

                   ‏ئايفون
                  (ساتىرا)  

‏ئەزىز جېنىم بىر تىيىن قىممەت ‏ئايفون ‏ئالدىدا,
بارچە ‏ئىشلار ‏ئىككىنچى,‏ئايفون مۇھىم دالدىدا.

قۇياش بەرگەن ھارارەت نېتەي قالدى يىراقتا,
‏ئايفون دەپلا ياشايمەن ھەر دەقىقە پىراقتا.  

"تۇر نامازغا!" دەۋەتتى ھەتتا شەيتان كۆيۈنۈپ,
ياتتىم قارشى شەيتانغا ‏ئىمانىمدىن سۆيۈنۈپ.

‏ئىنىم گېلى ‏ئاغرىيتتى,‏ئىدى تۇغما ‏ئانگىنا,
جىمى گېپى ‏ئوخشاشلا چىقاتتى بوپ:‏"ئا-‏ئا-‏ئا...!".

يىغلايتتى ‏ئۇ تىنىمسىز ‏ئاغرىق ‏ئوتى كۆۋەجەپ,
تارتاتتى گۆر ‏ئازابى,تىرىك تۇرۇپ شۇ سەۋەب.

كارىم نېمە ‏ئۇ بىلەن,‏ئايفون مېنىڭ بارلىقىم,
سادىق بولۇش ‏ئايفونغا:‏ئۇندىن چۈشكەن يارلىقىم.

كەپتۇ بىرسى بىر كۈنى "‏ئىنىڭ قازا تاپتى!" دەپ,
‏ئايفومدا مەن...خوپ تەگدى ‏ئارقىدىنلا بىر تال تەپ.

ھوشۇم يىغىپ يىغلىسام,تۇردى ‏ئايفون جىم ‏ئەجەپ,
چىقمىغاچ نەپ,دېدىم:"خەپ!",بولدۇم ھەمسات دەرغەزەپ.

    2014-يىل 5-نەۋرۇز,يۇرۇڭقاش

--- پىغانى


            

ئالمىچى

ناھايتى ياخشى يىزىلغان ئىسىل ساتىرا بوپتۇ.

ئەنگىلىيە مۇتەخەسىسلىرىنىڭ ئىسپاتلىشىچە، يانفۇنخۇمارلىق روھى كىسەللىكنىڭ ئالامىتىكەن، مەن دەل يانفۇنغا خۇمار بولۇپ قالغۇچى ئىدىم
لىكىن ھازىرچە كاللام خىلى جايىدا،

Ayshemgul

ماڭا ئىزچىل ئايفون ساراڭلىقى يۇقماپتۇ ھې ھې...ئىشلەتتۇق.ياخشىكەن.بىراق ھەممە ياخشى نەرسىنىڭ ھەممە ئادەمگە ماس كېلىشى ناتايىن.مېنىڭكىدەك يوق چاغدا ئاھ ئۇرماسلىق، بىكارغا كەلگەندە  راۋرۇس پايدىلنىپ ئىشلىتىش،كارتا ئالماشتۇرماقچى بولغاندا قىلچە تارتىشماي سېتىۋىتىش كېرەك.قوش كارتىلىق قىلىپ ئۈچىلى تورنى تەڭ تونۇيدىغان قىلىۋەتسە ھە؟ھې ھې....

Android  يانفۇندا يوللانغان

Tursunniyaz

بۇ ساتىرا ياخشى يىزىلىپتۇ.بىراق ھەممە خاتالىقنى ئايفۇنغا ئارتىپ قويۇشمۇ ئانچە توغرا ئەمەس.

Ayshemgul

Tursun007 يوللىغان ۋاقتى  2014-6-21 18:06
بۇ ساتىرا ياخشى يىزىلىپتۇ.بىراق ھەممە خاتالىقنى ئايفۇ ...

بۇنىڭدا ئايفوننى دەۋاتقاندەك قىلسىمۇ بىراق سۆككىنى شۇ ئايفون ئىشلەتكۈچىلەر دەپ ئويلىدىم.ئايفون ھەقىقەتەن ياخشى.بىراق بەزىلەر تېلفون قوبۇل قىلىش ئانچە مۇنچە كوت كوت ئۈندىدارلارنى ئويناشتىن باشقا ئىقتىدارىدىن پايدىلىنالمايدىغان تۇرۇپ سۆلەتكە تۇتىۋالىدۇ ئەمەسمۇ.تېلفون تاللاشتا ئۆزىنىڭ ئېھتىياجى ھەم تۇرمۇش ئەھۋالىغۈ قاراش كېرەك.

Android  يانفۇندا يوللانغان

چاقنار

ئايفوننىڭ ھەممىلا  يېرى بوپ قويىدۇ ،،،شۇغىنىسى ئېكران كىچك ....شۇڭا ھازىرغىچە سامسۇڭدىن مېھرىمنى ئۈزەلمەي   ئايپون 6   گە ئىشتەي ساقلاپ ئولتۇرىمە،ئاڭلىسام iphone 6  نى  دەششەت  چوڭ  ئىشلەپتۇمىش

heqqani

ئاشۇ ئايفون بولمىسا ئۇ ئادەملەرمۇ ئۇنچە مەپتۇن بولماستى ... ھېلىمۇ ئېسىمدە تۇنجى ئايفون ئالغاندا ، پات - پات يانچۇقۇمدىن ئېلىپ قاراپ قوياتتىم . ھەم تېخى كېچىدە ئويغۇنۇپمۇ تازا بىر قارىۋېلىپ ئۇخلىغىنىم ئېسىمدە ... ھى ھى .. بۇنىڭدا بىر سىھىر باردەك . ئايفۇننىڭ تۇنجى ئېلانلىرىدىكى سۆزلەرمۇ قالتىس ئىدى .... سىز ئىپادىلەپ بېرەلمەيدىغان ، ئەمما سىزنى جەلپ قىلىۋالىدىغان تۇيغۇ ... بۇ پەقەت ئايفونغىلا خاس ،،،باشقا جايدىن تاپالمايسىز ... بەزى كىشىلەر بۇ تۇيغۇنىڭ ئىسكەنجىسىدە ھوشسىز يۈرمەكتە . ئاللاھىم پايدىلىق ئىشلار بىلەن ۋاقىتلىرىمىزنى ئۆتكۈزۈشنى نىسىپ قىلسۇن ....

heqqani

ئىگىسى يوق ئايفۇننى سۆكمىگەندىكىن ... خۇددى قىزىمنى تىللاپ كېلىنىمغا دارتما قىلىپ .. دېگەندەك گەپكەن بۇ ... ئايفونچىلار دېققەت قىلىڭلار ھە ...

altaxna

مۇشۇ ئايفونغا مەن قىزىقمايمەن
来自安卓客户端

نۇرلان

تېما يوللىغۇچىغا رەھمەت. يەنىمۇ بەرىكەتلىك بولۇڭ.