قەلبىمدىكى سىر (شىئېر )

heqqani

بىلمەك بولساڭ قەلب سىرىمنى،
نەزەر    سالغىن  ئاپئاق  بۇلۇتقا .
لەيلەپ يۈرەر كۆتۈرۈپ  مەشئەل ،
ھېچ توختىماي كېتەر قاياققا .

بىلمەك بولساڭ قەلب سىرىمنى ،
قاراپ قويغىن مەيىن شامالغا .
ھوزۇر ئالار ھەتتا باراڭمۇ ،
ئۇچۇپ يۇرگەن ئاجىز تومۇزغا .

بىلمەك بولساڭ قەلب سىرىمنى ،
دېڭىزدىكى بېلىق گۇۋاھدۇر .
ھېچ كىشىگە يېلىنماس بىر كۈن،
شۇڭا ھايات -ماماتى گۈلدۈر .

بىلمەك بولساڭ قەلب كۈچۈمنى ،
خانتەڭرىلا ئوچۇق ماياكتۇر .
ئاق سانجىغان ساقاللىرى ھەم ،
ئۆتمۈشلەرگە تۇتقان ماتەمدۇر .

بىلمەك بولساڭ قەلب سىرىمنى ,
كەڭرى كەتكەن يايلاققا قارا،  
‏بۇلۇتلارغا قوشۇپ تەڭ نەپەس،
‏كۆمۈش يىپەك ئورانغان دالا.

بىلمەك بولساڭ قەلب سىرىمنى ,
مەۋج ئۇرغان دولقۇنغا قارا
شۇنچە ئەركىن  شەپەق نۇرىدا
پارلاپ تۇرغان يانغىنغا قارا

بىلمەك بولساڭ قەلىپ سىرىمنى،
مەڭزىمدىكى قۇياشقا قارا،
‏سىڭدى جىمجىت ئىچىمگە كېچە،
‏بىر مۇناپىق تۇيغۇلار ئارا.

بىلمەك بولساڭ قەلىپ سىرىمنى،
‏كەلگىن سالاي ھەقتىن پايانداز،
‏سىرلىرىمنى چۈشىنەي دېسەڭ
‏مەن بولىمەن مەردان ، چەۋەنداز.
‏

ئا . ھەققاني  
2014/12/30

5230

رەھمەت سىزگە خېلى ياخشى چىقىپتۇ يەنىمۇ تىرىشىڭ شىئېرلىرىڭىز ئۈزۈلۈپ قالمىسۇن

heqqani

ئىنشائاللاھ ... رەھمەت

نەۋرۇز

شۇنچە ئويناق، شۇنچە  تاتلىق مىسرالار بىلەن بېزەپسىز بۇ يازمىڭىزنى. بولۇپمۇ ھېسياتنى بەك ئەركىن ئىپادىلەپسىز. ئەمما بەزى قاپىيلەر مەجبۇرى قاپىيە بولۇپ قالغاندەك تۇردۇ. دەل ئاشۇ سۆزلەر شىئرىڭىزنىڭ گۈزەللىككە نوقسان يەتكۈزمەن دەپلا تۇرۇپتۇ.

heqqani

تېخىمۇ تىرىشاي ... رەھمەت

سىھىر

ياخشى يىزىپسىز ،،،،قەلىمىڭىز بەركەتلىك بولسۇن،،،،سالامەت بۇلۇڭ