مەن ۋە باھار

سىھىر

مەن ۋە باھار

گۈلبوستان موللىمىن(سىھىر)

ئوتتۇز تۆت باھارنى كۈتىۋالدىم مەن،
ئۇزۇتۇپ ئوتتۇز ئۈچ جۇت شىۋېرغاننى.
يازدا مەن ئېچىلدىم قىزىل گۈل كەبى،
ۋە لىكىن تۇيدۇرماي ئۆتكۈزدۈم كۈزنى.

ئوتتۇز تۆت باھارنى كۈتىۋالدىم مەن،
گاھىدا بىر يىلدەك ئۆتتى بۇ يىللار.
تاۋلاندىم تۇرمۇشنىڭ سىناقلىرىدا ،
بەك قاتتىق ئاغىردى ئەمما بۇ دىللار.

ئوتتۇز تۆت باھارنى كۈتىۋالدىم مەن،
ئوتتۇز تۆت ئەتتىرگۈل كەلدى سەھەردە.
تۇيىماي قالدىمغۇ قانداق ئۆتتى يىل،
بۇ ھايات بەك گۈزەل قىسقا ئەسلىدە.

ئوتتۇز تۆت باھارنى كۈتىۋالدىم مەن،
كەلدىغۇ ھاياتنىڭ ئالتۇندەك پەسىلى.
ئۆتمۈشنى ئەسلىدىم سېغىنىش بىلەن،
تۈنۈگۈن بۈگۈندىن گۈزەلكەن ئەسلى.

2015-يىل 22-فېۋرال ئاقسۇ شەھەر

aska0077

دەششەت ئەمەس ياخشى يزلىپتۇ

Hiyalparas

ھەقىقەتەن بەك ياخشى يېزىلىپتۇ، ماڭا يارىدى. مېنىڭمۇ ئۆزۈمگە يازغان مۇنداق مىسرالىرىم ئېسىمدە:
يىگىرمە ئىككى باھار ئۆتتى،
ئەمما، سوقتى قىشنىڭ جۇدىنى.
بەرقى ئۆڭمەي، تۆكتى ئۈششۈتۈپ،
ياش ھاياتنىڭ رەڭدار گۈلىنى.

كۇسەنى

ھاياتلىقنىڭ باھار لىرىكىسى ياخشى ئىپادىلىنىپتۇ،34باھاردىكى گۇللەر بىر دەستە گۈلگە ئايلىنىپ ،ھاياتىڭىزغا خۇشپۇراق چاچقۇسى،باھار لىباسى يەنە 134 يىللىق باھارىڭىزغا سەلتەنەت بەرگەي.

كۇسەنى

ھاياتلىقنىڭ باھار لىرىكىسى ياخشى ئىپادىلىنىپتۇ،34باھاردىكى گۇللەر بىر دەستە گۈلگە ئايلىنىپ ،ھاياتىڭىزغا خۇشپۇراق چاچقۇسى،باھار لىباسى يەنە 134 يىللىق باھارىڭىزغا سەلتەنەت بەرگەي.

نۇرلان

ئوتتۇز ئۈچكە ئېيتىپ قويدۇڭ خوش،
ئوتتۇز تۆتنى ئۆتكۈزمىگىن بوش.
باھار بولسۇن ھەر بىر كۈنلىرىڭ،
تۇتقانلىرىڭ ئالتۇن بولسۇن قوش.

سېھىر خانقىزنىڭ شېئىرىغا ياندىشىپ قويدۇم، قەلىمىڭىزنىڭ يەنىمۇ ئۆتكۈر بولىشىنى ئۈمىد قىلىمەن.

نەۋرۇز

بۇ شىئېرىڭىزنى ئوقۇپ تۇغۇلغان كۈنىڭىز بىلەن مۇناسىۋەتلىك بولغان ھايات كارتىنىڭىز قىسقا بىر مىكرو كىنودەك كۆز ئالدىمدا نامايەن بولغاندەك بولدى. بۇ شىئېرىڭىزنى  تۇغۇلغان كۈن مۇبارەكنامىسى بولۇپلا قالماي 33يىللق ھايات مۇساپىڭىزنىڭ خولاسىسى دىسەكمۇ بولغۇدەك. بۇ شىئېرىڭىز مەيلى يېزىلىش ئۇسلۇبى بولسۇن، مەيلى ھېس-ھاياجان ھەم تۇغۇلغان كۈن بىلەن ھايات خولاسىسىنىڭ ئورگانىك بىرىكىش بولسۇن ۋە ياكى تېما قۇيۇش جەھەتتە بولسۇن بۇ يازمىڭىز باشقا يازمىللىرىڭىزدىن بۆلەكچە پەرىقلىندىكەن دەپ قارايمەن.
ھايات ئادەمنىڭ ئىرادىسىگە باقمايدۇ. ئاقىل ئادەم ھاياتدىن ھېساپ ئېلىشنى ، ئۆتۈپ كەتكەن ھاياتى ئۆستىدە قىسقا خولاسە قىلشىنى ۋە كەلگۈسىگە قانداق قەدەم ئېلىشنى بىلىدۇ. سىزنىڭ بۇ ئەسىرىڭىز دەل مۇشۇ نوقتىنى چىقىش قىپتۇ. بولۇپمۇ شىئېر يازىدىغان ياكى شىئېريەتكە قىززىقىدىغان ئادەملەردە بۇ ياخشى ئادەت بۇرۇنلا شەكىللىنىپ بولغان بولىدۇ دەپ قارايمەن.
بۇندىن كىينكى ھايات مۇساپىڭىز تېخىمۇ بەخىتلىك ، سالامەت ئۆتكەي.

سىھىر

aska0077 يوللىغان ۋاقتى  2015-2-24 18:04
دەششەت ئەمەس ياخشى يزلىپتۇ

باھايىڭىزغا رەھمەت ،،،،سالامەت بۇلۇڭ

سىھىر

Hiyalparas يوللىغان ۋاقتى  2015-2-24 18:52
ھەقىقەتەن بەك ياخشى يېزىلىپتۇ، ماڭا يارىدى. مېنىڭمۇ ئۆ ...

رەھمەت ئ‍ىنىم،،،،ئ‍ەمما ئ‍ادەم تۇرمۇشقا ،شۇ تۇرمۇش ئ‍ىچىدىكى ئ‍ازاپلارغىمۇ كۈلۈپ تۇرۇپ يۈزلىنىش كىرەك،،،،شۇنداق قىلغاندىلا ھاياتنىڭ ھەقىقى مەنسى بىلەن ياشىغىلى بۇلىدۇ،،،،،ئ‍ىرادىلىك بۇلۇڭ،،،،،سالامەتلىك ھەم خوشاللىق سىزگە يار بولسۇن

سىھىر

كۇسەنى يوللىغان ۋاقتى  2015-2-24 19:08
ھاياتلىقنىڭ باھار لىرىكىسى ياخشى ئىپادىلىنىپتۇ،34باھا ...

سىزگە يارىغان بولسا يامان ئ‍ەمەس چىققان ئ‍وخشايدۇ بۇ تېمام،،،،رەھمەت سىزگە كۆسەنى ئ‍ەپەندىم سالامەت بۇلۇڭ !