كەچۈر مېنى

سىھىر

       كەچۈر مېنى


    گۈلبوستان موللىمىن

سۆيدۈم سېنى چىن ئىشقىم بىلەن ،
ساڭا كۆيدۈم يۈرىكىم بىلەن.
ماڭالمايمەن ئەمما بىر يولدا،
ماس كەلمەيمىز ئەمما ئىككەيلەن.

ئاشىق بولدۇڭ سەن ماڭا بۈگۈن ،
مەشۇق بولدۇم مەنمۇ ھەم ساڭا .
ئېرىششىلا ئەمەستۇر جېنىم،
بۇ مۇھەببەت ساڭا ھەم ماڭا.

مىنى مەشۇق قىلغان ئۆزۈڭسەن ،
ھاياتىمغا كىردىڭ ئۈن-تىنسىز .
يەنە شۇنداق چىقىپ كەت ئاستا،
قالاي جىمجىت مەشۇق ،
                            ئاشىقسىز .....

مېنى كەچۈر ،كەچۈرگىن جېنىم،
يۈرىكىمدە ساقلاي سۆيگۈڭنى .
مېنى كەچۈر ،كەچۈرگىن جېنىم،
سەنمۇ ساقلا  چىن، پاك سۆيگۈمنى .

2015-يىل 22-نۇيابىر، ئاقسۇ شەھىرى

arkzat

شۇنداق، مۇھەببەت كۆيۈشلا ئەمەس،  مۇھەببەت سەۋدايىلارچە سۆيۈشلا ئەمەس. مۇھەببەت- ئىككىنچى بىر يۈرەككە ئۆزى خالاپ-خالىماي قەلب قەسرىدىن ئۆمۈرلۈك ئورۇن بېرىش.
   گۈلبوستان،  تۇيغۇلىرىڭىز پەردەزسىز ھالدا سەمىمىي ئەكىس ئېتىپتۇ.

تۇرسۇن38

بۇ شېئىرىڭىزنى ياخشى يېزىپسىز. مەن بىر ناخشا قوشۇپ قوياي بۇنڭغا لايىق جاۋاب بولىشى مۇمكىن.

نېمىشقا ساڭا يولۇقتۇم
سۆيگۇنىڭ دەردىنى كۆپ تارتتىم
ئۇنتالماي كېتىپ بارىمەن
مەڭگۇگە سېنى مەڭگۇگە.

يېنمدا يۇرسەڭ ئاي دەيمەن
پەقەت پەقەت سېنى ئويلايمەن
باشقىغا يۇرەك كۇيمەيدۇ
پەقەت ساڭا كۇيىدۇ  .
ھەي شۇ گۇزەل قىزلار.

مەن كۆكلەمدە بىناغا كۆچىمەن
ئاندىن ماشىنا ئوقۇيمەن
شۇلارنى تاپسام ھەممە نەرسىگە ئىرىشسەم
ئارمىنىم ئاز بولسىمۇ ئشىپ قالار

kowruk.

ۋەي ۋۇي شائىر كەنغۇ سىز ...  ماكانىمىز مۇنبىردىكى سىھرى سىز شۇمۇ .  تەرجىمە تەرمىلەر دىگەن تەرجىمىڭىزنى بەك ياقتۇرغانتىم.  سىزدىن روخسەت سورىمايلا مەنبەسىنى ئەسكەرتىپ تىيما قىلىپ يوللىۋېتىپتىمەن روھلانغا.  كوڭلىڭىزگە كەلمىگەي ھە

Ayshemgul

[嘻嘻]سۆيۈملۈك سېھرى! يېنىمدا بولسىڭىز يۈزىڭىزگە چوككىدە بىرنى سۆيۈپ قويسام ھە...[嘻嘻][嘻嘻] سىزنىڭ شېئىرلىرىڭىزنى ئوقۇساملا بىر خىل شېئىرىي ھېسلىرىڭىز تەسىر قىلىپ بىرنەرسە يازغۇم كىلىپ قالىدۇ قاراڭ. باياتتىن شېئىرىڭىزغا ئىككى خىل جاۋاپ يازدىم. ئوقۇپ بېقىڭ ھە. خېلى بولغان بىر نەرسە يازالمايۋاتقىلى. قاپىيە ئوينىغاندەك ئاددى چىققان بولسىمۇ ھەجەپ خۇش بولدۇم[亲亲]

Ayshemgul

كەچۈر دىمە، سۆيگەن گۇناھسىز.
قىسمەتلەرگە ئىنسان ئامالسىز.
سۆزلىرىم بار ئىدى كۆپ ساڭا،
يۈرۈپ كەلگەن بىراق زۇۋانسىز.

ئەمدى ئېيتاي چىن سۆزۈمنى مەن،
ياشلىمىغىن كۆزلىرىڭنى سەن.
بەخىتلىكمىز سۆيگۈ بولغاچقا،
قوشۇلمىغان بولسىمۇ جۈپ تەن.


سۆيگۈ ۋىسال تاپسىغۇ ياخشى،
تاپمىسىمۇ ئاللاھ رەھمىتى.
سۆيگەن يارنىڭ بەختىنى كۆزلەپ،
قىيىن ئەمەس جاندىن كەچمىكى.

چىن سۆيگۈنى ھېس قىلدى يۈرەك،
كېرەك ئەمەس ئۇنىڭدىن بۆلەك.
بەخىتلىك بول مەڭگۈگە جېنىم،
ساڭا بولسۇن ئەڭ گۈزەل تىلەك.

Ayshemgul

كەچۈر دىمە ئالدامچى،
شېرىن سۆزلۈك يالغانچى،
قەستىڭ سېنىڭ ئەللەي ئېتىپ،
مېنى ئوڭدا قويماقچى.

سۆيگەن بولساڭ كەچمەستىڭ،
يانىمدىن ھېچ كەتمەستىڭ.
دۈشمەنلەرگە ئويۇن قويۇپ،
يۈرەك باغرىمنى ئەزمەستىڭ.

جاپاسىز ئىش قايدا بار؟
كەچۈرگىن دەپ سالما جار.
كەچۈرمەيمەن سېنى ھەرگىز،
سەنسىز ئالەم ماڭا تار.

قوشۇلمايمەن پىكرىڭگە،
ھەمرادۇرسەن ئۆمرۈمگە.
يىغىشتۇرۋال باھانەڭنى،
بەرمەي سېنى ھېچكىمگە.

نۇرلان

قەلەم تۇتقان قوللىرىڭلارغا ئاپىرىن.

تۇرسۇن38

ئايشەمگۇل ياخشى جاۋابنى شېئىر بىلەن يېزىپتۇ بىراق مەن سېھىر تورداشنىڭ شېئىرىنى چالا ئوقۇپلا كاللامغا بىر جاۋاب كەلدى ناخشىنى يازدىم. بولمىسا مەنمۇ ئاننچە مۇنچە شېئىر يازاتتىم.  ھازىر شېئىرنى قايتا ئوقىسام.  مەنمۇ توغرا جاۋابنى شېئىربىلەن ئاددى قىلىپ يازغان بولاتتىم.  ئايشەمگۇلگە ئوخشاش بولىدىكەن. بېشىنى كەلتۇرۇپ قويغان ئىدىم ئايىقىنى قانداق چۈشۈرەي دەپ بولدى قىلدىم.  ئايشەمگۇل تولۇق جاۋاب بېرىپتۇ  . قەلىمىڭىزگە دەرد بەرمىگەي

mubarakxah

شېئېرىڭىز بەكلا ياخشى يىزىلپتۇ.................... سالامەت بولۇڭ،