جۈمە كۈنى كەلدىڭىز يوقلاپ

hawas · ۋاقتى: 2015-3-16 16:36:25

جۇمە كۈنى كەلدىڭىز يوقلاپ،
سەھەر پەيتى ئېچىلغان گۈلدەك.
غايىپ بولدى باغرىمدىن ھەسرەت،
ئاستا ئۇچۇپ تۇزىغان كۈلدەك.

جۈمە كۈنى كەلدىڭىز يوقلاپ،
جىلۋە قىلىپ بالقىغان نۇردەك.
ئاتەش دىلغا بەردىڭىز ئارام،
ئۇستا شائىر قالدۇرغان قۇردەك.

جۈمە كۈنى كەلدىڭىز يوقلاپ،
قۇياش پارلاپ يۇرىغان تۈندەك.
چۆمدى سۆيگۈ ۋەسلىگە ئالەم،
قۇتلۇق بايرام قاينىغان كۈندەك.

جۈمە كۈنى كەلدىڭىز يوقلاپ،
زىلال سۇدا ئەگىگەن ئايدەك.
ئېرىپ كەتتى پەرۋازلىق تەنلەر،
كۆڭۈل قۇيۇپ دەملىگەن چايدەك.

جۈمە كۈنى كەلدىڭىز يوقلاپ،
مۇڭلۇق كۈيگە چېلىنغان تاردەك.
قۇچاق ئاچتى سۆيۈملۈك ھايات،
چىن سۆيگۈدىن نېسىۋەم باردەك.

زىبا. · ۋاقتى: 2015-3-16 17:34:49

بولدى ما مۇنبەرگە تىلفۇندا ئىنكاس يازمايمەن ،ئەسلى بىر ياندىشاي دىگەن ئەمما 2-مىسرانى ئاستىغا يازاي دىسەملا ئىنكاس يوللىنىپ كىىپ جىلى قىلدى مىنى .مۈمكىن بولسا باشقۇرغۇچىلار يۇقۇردىكى چالا يېزىلغان 2ئىنكاسىمنى ئۈچۈرۋەتسەڭلار.

نەۋرۇز · ۋاقتى: 2015-3-16 20:27:39

ئەسسالامۇ ئەلەيكۇم ئۇستاز. بەكلا تاشلىۋەتتىڭىزغۇ مونبەرنى؟ ئاي ئايلاپ يوقاپلا كەتتىڭىز. تاتلىق لىرىكىللىرىڭىزغا رەھمەت . بولۇپمۇ ئەڭ ئاخىرقى كۈبلىتى يۈرەككە تەگدى....

نەۋرۇز · ۋاقتى: 2015-3-16 20:29:43

زىبا. يوللىغان ۋاقتى 2015-3-16 17:34
بولدى ما مۇنبەرگە تىلفۇندا ئىنكاس يازمايمەن ،ئە ...

زىبا خانىم ئاچچىقجان بولماڭ دەيمە....

ADiL · ۋاقتى: 2015-3-16 20:58:35

زىبا. يوللىغان ۋاقتى 2015-3-16 17:34
بولدى ما مۇنبەرگە تىلفۇندا ئىنكاس يازمايمەن ،ئە ...

مۇنبەردە زىيارەتچى كۆپ بولۇپ كەتكەن ئەھۋالدا بەزىدە شۇنداق ئەھۋالمۇ كۆرۈلىدۇ، ھەر ۋاقىت ئۇنداق ئەمەس، بۇ ئىش سىزگە ئۇدۇل كەپ قالغان چېغى.

Ayshemgul · ۋاقتى: 2015-3-16 21:44:45

بۇ شېئىرىڭىز شۇنچىلىك يېقىملىق ، گۈزەل بىلىندى ماڭا. بەك ياقتۇردۇم. بىراق، بىرىنچى كوپلىتنىڭ تۆتىنچى مىسراسىنى ئۇنچە ياقتۇرۇپ كەتمىدىم. مەن بىر كەلتۈرۈپ باقايچۇ شۇ مىسرانى دەپ خېلى ئولتۇرساممۇ كەلتۈرەلمىدىم. بىراق ئۇيان ئويلىساممۇ، بۇيان ئويلىساممۇ توزىغان كۈلگە ئوخشاتقىنىڭىز بولمىغاندەك....يا ئۆزۈم باشقىغا ئوخشىتالماي....
بولدىلا دىدىم ئاخىر. بەلكىم بىر چاغلارغا كەلگەندە كاللامدىن ئۆتۈپ قالار، ياكى ئۆزەمگە يارىغان بىرەر مىسرا كېچىپ قالار

قەلىمىڭىز بەرىكەتلىك بولسۇن!