كىتاب كېلەچەكنىڭ كۆزنىكى(سۆز ئويۇنى)

hawas · ۋاقتى: 2012-8-4 18:56:13

بۇ يازمىنى ئاخىرىدا ئوكيان تەھرىرلىگەن. ۋاقتى 2012-12-2 04:13

كىتاب كېلەچەكنىڭ كۆزنىكى
(«ك» بىلەن باشلانغان سۆز ئويۇنى)
مۇھەممەد ئابدۇنىياز

كالىفورنىيىدىن كاتماندوغىچە، كاۋكازدىن كەشمىرگىچە، كۇۋەيتتىن كورىيەگىچە، كورلىدىن كۇچاغىچە، كېرىيەدىن كۈنەسكىچە، كەلپىندىن كۇلاسقىچە كىتاب كۆرىدىغانلار كۆپ. كەمىنىمۇ كىتابىنى كۆپ كۈرىمەن، كىتابخانىدا كىچېكىپ كەلگەن كىروراننى كۈرىۋېتىپ ، «ك» دىن كۆپتۈرۈلگەن كىنايىلەرنى كۆردۈم. كۆرگەندىن كېيىن كىشىلەرگە كۆپرەك كىتاب كۈرۈشنى كۆرسىتىش كاللامغا كەلدى .كورلىدىن كۇچاغىچە،كەلپىندىن كۇيتۇنغىچە كىتابنى كۆپ كۆرۈپ، كامالەتكە كەلگەن كىشىلەرنىمۇ كۆپ كۆردۈم. كىتاب كۆڭۈلنىڭ كىلىتىدۇر، كىتاب كۆرگەن كىشىنىڭ كۆڭلى كەڭ كېلىدۇ. كىشى كىتاب كۆرسە كۆڭۈلنىڭ كىرى كىتىدۇ، كۆڭۈل كۆتىرىلىدۇ، كىتاب كىشىنى كەمتەرلەشتۈرۈرۈپ، كامالەتكەكەلتۈرىدۇ. كىتاب كۆرگەن كىشى كىلىشەڭگۈ كېلىدۇ.كىتاب كۆرگەن كىشىلەر كەلگۈسىنى كۆرەلەيدۇ. كىتاب كەڭ كائىناتنىڭ، كارامەتنىڭ كېمىسىدۇر. كىتاب كېلەچەكنىڭ كۆزنىكىدۇر. كەمتەرلىكنىڭ كەمىرىدۇر. كىتابسىز كىشىنىڭ كۆڭلى كىردۇر، كەلگۈسى كەمتۈكتۇر.كىتاب كۆرمىگەن كىشىىنىڭ كۆڭلى كۆيگەن كۆسەيدەك كېلۇر. كىتاب كۆرمەيدىغان كىشى كاستىيوم كىيىۋالسىمۇ كالۋادۇر .
كىروراندىمۇ كۆپرەك كىتاب كۆرۈش كېرەكلىكى كۆرسىتىلگەن. كۆپرەك كىتاب كۈرۈشنىڭ كېرەكلىكىنى كىنايەمدىكى كامال كۆكەمىنىڭ كېيىنكى كەچۈرمىشىدىن كۆرۋالغايسىلەر! كامال كۆكەمە كادىرلار كارىدورىدىكى كازىم كاززاپنىڭ كەنجىسىدۇر . كامال كۆكەمە كادىرلار كارىدورىدا، كازىم كاززاپنىڭ كەپىسىدە كائىناتقا كەلگەن .كىندىكى كېچىكىپ كېسىلگەن. كامال كىچىكىدىنلا كىتاب كۆرمەيتتى، كىتاب كۆرسىمۇ كەپسىزلىكىدىن كاللىسىغا كىرمەيتتى. كازىممۇ كامالنى كىتابخانىلارغا كىرگۈزمەيتتى. كىتاب كۆرمىگەن كامالنىڭ كۆڭلى كىرلەشتى،كادىرلار كارىدورىدا ،كازىم كاززاپنىڭ كەپىسىدە كاشىلا كۆپەيدى.كامال كۆكەمىلىك كىچىكىگە كىرىپ كۈنسىرى كۆكەمىلەشتى. كۆرگەنلا كىشىگە كۆكىرىپ كۆكەمىلېكىنى كۆرسەتتى . كېيىنچە كوچا-كويلاردا كىشىلەرنى كولدۇرلىتىپ كۆكەمىلىكىنى كۆپەيتتى. كامال كۈندۈزى كىتابخانىلاردا ، كافىيخانىلاردا،كەچتە كىنوخانىلاردا، كاۋاپخانىلاردا، كوچىلاردا، كارىدورلاردا كەكىسىنى كۆتىرىۋېلىپ كۆكەمىلىك كۆرسەتكەچكە كىشىلەر كامالنى كۆرسىلا كەپىسىگە كېتەتتى.كامال كافىي،كەۋسەر كولا، كاۋاپ، كارتا ،كاۋا، كەكلىك، كىنگورو،كۆك كەپتەرلەرنى كۆرسىلا كۆكەمىلەشتى. كېمە ،كارىۋات ،كۆرپە ،كوزا، كويزا ،كۆسەي، كانۋاي كۆينەك، كوپتا، كەرىشنىۋاي كىيىم-كېچەكلەرنى كۆرسىلا كەستى. كىشىلەر كەچۈرۈمگە كەلسە كاززاپىشىپ ، كۆكەمىلىكىنى كۆرسەتتى. كازىم كاززاپ كەنجىسى كامىلنىڭ كەمچىلىكىنى كۆرمىدى.كامالنىڭ كەمچىلېكىنىڭ كۆپلىكىدىن كازىم كېلىنمۇ كۆرەلمىدى. كامال كۆكەمىلىكتە كەسىپلەشتى. كۆكەمىلىكى كۈنسېرى كۆكلىدى، كۆكلىگەنچە كۆرەڭلىدى. كىچىكىدىن كىتاب كۆرمىگەن كامالنىڭ كۆڭۈل كۆزى كورلاشتى . كىتابسىزلىقى كاللىسىنى كەمتۈكلەشتۈردى.
كېيىنكى كۈنلەردە كامال كۇچادىكى كۇلالچى كامىرانغا كۆكەمىلىك كۆرسىتىۋېتىپ، كەكىسىدە كامراننىڭ كۆكرىكىنى كىسىۋەتكەچكە كويزا-كىشەنلەندى، كامىرغا -كوھىقاپقاكىردى. كەنجىسىنىڭ كەمچىلىكىنى كۆرمىگەن كازىمغا، كىشىنى كىشى كۆرمىگەن كۆرەڭ كامالغا كۈلپەت كەلدى. كامالنىڭ كۆڭلىنى كىم كىرلەشتۈردى؟ كامالغا كەلگەن كاشىلىلارنى كىممۇ كەتكۈزىۋىتەر؟ كىشىلەر كەچۈرەرمۇ؟ كىشىلەر كىنايىلىك كۈلدى .كۈلگەندىمۇ كۈۋەجەپ كۈلدى. كامالدىن كۈلپەت كۆرگەنلەرنىڭ كۈلكىسى كۆككە كۆتۈرۈلدى.
كامالنىڭ كەلگۈسىنى كۆرەلىدىڭلارمۇ؟ كاللاڭلارغا كىتاب كۆرۈش كېرەكلىكى كەلدىمۇ؟ كەمىنە كۆپچىلىككەكامالنىڭ كەچۈرمىشىدىن كۆپرەك كىتاب كۆرۈش كېرەكلىكىنى كۆرسىتىمەن. كىتاب كۆرسە كۆڭۈل كۆتىرىلىدۇ ،كۈلكە كۈۋەجەيدۇ . كىتاب كېلەچەكنىڭ كۆزى . كېبىر كېسەللىرىنى كەتمەنلەپ، كالۋالىقنى كاچاتلاپ كىتاب كۆرسىڭىز ، كېلىچەك كۈلۈمسىرەيدۇ . كۇتۇپخانا ، كىتابخانىلارنى كۆپلەپ كېڭەيتىشمۇ كەلگۈسىمىزنى كۆركەملەشتۈرۈشنىڭ كاپالىتى.
كۆپچىلىك، كىتاب كۆرۈشكە كېچىكمەڭلار! كىتابنى كۆپ كۆرسەڭلاركامال كۆرگەن كۈنلەرنى كۆرمەيسىلەر! كەشپىياتچىلارنىڭ كۆپىنچىسى كائىناتنى كېزىپ ، كېچە - كۇندۇز كىتاب كۆرۇپ كامالەتكە كۆتۈرۈلگەن. كەلگۈسى كۆپلىگەن كارامەتچىلەرنىڭ كۆكرىكىنى كېرىپ كۆككە كۆتۈرۈلىشىنى كۇتمەكتە. كىتاب كېلەچەكنىڭ كۆزنىكىدۇر.
كەڭ كىتابخانلار ،كوررېكتورلار، كىروراننىڭ كاتتىلىرى كەچۈرۈڭلار! كامالنى كىنايىلەشتۈرگىنىم ، كىشىلەرنىڭ كېلەچىكىگە كۆڭۈلشىگىنىمنىڭ ، كۆيۈنگەنلىكىمنىڭ كىچىككىنە كۆرىنىشىدۇر. كىنايەمنىڭ كەمچىلىكىنى كۆرۈپ كۆڭلۈڭلەرگە كەلمىسۇن! كەمچىلىكىنى كۆرسەتسەڭلار كۆپمەيمەن، كۆڭلۈم كۈۋەجەيدۇ، كىنايەم كۆڭلۈڭلەرگە كەلسە كەمىنىنى كەچۈرىۋىتەرسىلەر !
(ئاپتور: غورۇچۆل بازارلىق ئوتتۇرا مەكتەپتە)
مەنبە: «دولان» ژۇرنىلىنىڭ 1-سانى

2472860602 · ۋاقتى: 2012-8-4 19:14:52

بۇتىمىغۇ ياخشىكەن لىكىن سەل جىقكەن

ADiL · ۋاقتى: 2012-8-5 00:38:30

مەن ھازىرغىچە بۇ خىلدىك خېلى كۆپ سۆز ئويۇنلىرى ئوقۇغان ئىدىم، ئەمما مەزمۇنى بۇنىڭدەك ماسلاشقان ھەم كۆپ ھەرپتىن تەشكىل تاپقىقىنى ئوقۇپ باقماپتىكەنمەن، سانىتىپ باقسام 11113 ھەرىپلىك سۆز ئويۇنىكەن ماۋۇ.

hawas · ۋاقتى: 2012-8-5 12:12:56

سۆزدىن مەنە چىقىرىپ سۆز ئويۇنى قىلىش- بىر خىل بەدئىي ماھارەت ھېسابلىنىدۇ....

ئوكيان · ۋاقتى: 2012-12-2 03:06:45

كىتاپ ھەققىدىكى بۇ ياخشى تېمىنى ساقلىۋالدىم .

كىتاب كېلەچەكنىڭ كۆزنىكى(سۆز ئويۇنى)

باھالاش

مۇناسىۋەتلىك تېمىلار