يار سۆيگۈڭگە ئىرىشەلمىسەم

majnun422

يار سۆيگۈڭگە ئىرىشەلمىسەم
مۇتەللىپجان قاۋۇل

يۇرەلمەسمەن ھەرگىزمۇ كۈلۈپ،
يار سۆيگۈڭگە ئىرىشەلمىسەم.
ئىشقى ئوتۇڭدا كىتەرمەن ئۆلۈپ،
يار سۆيگۈڭگە ئىرىشەلمىسەم.

پىراقىڭدا كۆيۈپ يۈرسەممەن،
پەرۋا قىلماي يۈرىۋەردىڭ سەن.
كۆز ياشلارغا چۆكۈپ كىتەرمەن،
يار سۆيگۈڭگە ئىرىشەلمىسەم.

يوللىرىڭغا قاراپ ئۆتەرمەن،
مەجنۇن كەبى سىنى كۈتەرمەن.
بۇدۇنيادىن جىمجىت يۈتەرمەن،
يار سۆيگۈڭگە ئىرىشەلمىسەم.

پاك قەلبىڭگە ئاشىقمەن نىگار،
دىلىم ساڭا ھەردەم ئىنتىزار.
يۈرەك يىغلار ئەلەمدە زار-زار،
يار سۆيگۈڭگە ئىرىشەلمىسەم.

ھەر بىر سۆزۈڭ قەلبىمگە نەقىش،
سەنسىز ماڭا باھار گويا قىش.
نىسىپ بولماس ماڭا شاد كۈلۈش،
يار سۆيگۈڭگە ئىرىشەلمىسەم.

ماڭا ھەمرا ھەر قاچان ھىجران،
سەن كۆڭلۈڭنى بەرمىسەڭ جانان.
تەنھالىقتا قىينىلار بۇجان،
يار سۆيگۈڭگە ئىرىشەلمىسەم.

تەنھا كەلگەن تەنھا كىتەرمەن،
يالغۇزلۇقتا زەرداپ يۈتەرمەن.
شامدەك گويا ئىرىپ ئۆچەرمەن،
يار سۆيگۈڭگە ئىرىشەلمىسەم.

كۆز ياشلىرىم مەڭزىمنى بويلاپ،
ئېقىپ چۈشەر سەن يارنى ئويلاپ.
كىلەر بىر كۈن ئەزرائىل يوقلاپ،
يار سۆيگۈڭگە ئىرىشەلمىسەم.

سەن مىنىڭكى مەڭگۈ بايلىقىم،
يايرايدىغان گۈزەل يايلىقىم.
ئاھ ئەلۋىدا دەيمەن ئامرىقىم،
يار سۆيگۈڭگە ئىرىشەلمىسەم.

ئەزھەر36

شىئىرنى ناھايىتى ياخشى يېزىپسىز ، ئىلگىرلەش زور .
بولۇپمۇ :
تەنھا كەلگەن تەنھا كىتەرمەن،
يالغۇزلۇقتا زەرداپ يۈتەرمەن.
شامدەك گويا ئىرىپ ئۆچەرمەن،
يار سۆيگۈڭگە ئىرىشەلمىسەم.

كۆز ياشلىرىم مەڭزىمنى بويلاپ،
ئېقىپ چۈشەر سەن يارنى ئويلاپ.
كىلەر بىر كۈن ئەزرائىل يوقلاپ،
يار سۆيگۈڭگە ئىرىشەلمىسەم.

قاتارلىق كوپلېتلىرى بەكرەك ياخشى چىقىپتۇ .

نۇرلان

مۇتەللىپ قاۋۇل ئىسىملىك بۇ قەلەمكەش يازغان شېئىرلار خېلىلا ياخشى ئىكەن.

muhemmed

شىئېر ناھايتى ياخشى يېزىلىپتۇ، رەھمەت، ياخشى شىئېرلىرىڭىز ئۈزۈلۈپ قالمىسۇن !

arkzat

مۇتەللىپجان شېئىرنى چۈشىنەلەيدىكەن. شۇڭا مۇرەببەسىمان يېزىلغان بۇ شېئىردا بەلگىلىك شېئىرىي پۇراق بار. كۆپ ئوقۇپ، كۆپ يېزىپ...بەرسە، ئىزچىللىق داۋاملاشسا چوقۇم ئۈنۈمىنى كۆرەلەيدۇ.
  ئەمما تىلىمىزدىكى شەخس ۋە كىشىلىك ئالماشلىرى بۇ شېئىرنىڭ ھۈجەيرە-ھۈجەيلىرىگە سىڭىپ كەتكەن. بىر قارىسىلا ئالماشتىن پۈتۈلگەن نەزمىدەك تۇيغۇ بېرىدۇ. شېئىردا تەكرارلانما سۆزلەر كۆپ ئىشلىتىلسە، مەلۇم بىر خىل خۇرۇچنىلا كۆپ سېلىپ ئەتكەن تاماقتەك بولۇپ قالىدۇ.

نەۋرۇز

ياخشى يېزىپسىز. بىر ئوقۇسا ئادەمگە ئىستىتىك زوق بېرىدىكەن. بىر ئوقۇسا خوددى ناخشىدەك تەسەللى بېرىدىكەن.

مەرىپەت

شئېرىڭىز ياخشى چىقىپتۇ، مۇرادىڭىزغا يېتىشىڭىزگە تىلەكداشمەن.