ئاتا-ئانىلار پەرزەنتلىرىنىڭ ئۆگىنىشىگە سەل قارىماسلىقى كېرەك

esmet · ۋاقتى: 2015-6-1 18:32:00

ئاتا-ئانىلار پەرزەنتلىرىنىڭ ئۆگىنىشىگە سەل قارىماسلىقى كېرەك
ئازادجان ئىبراھىم
پەرزەنتلەر-ئاتا-ئانىنىڭ ئۈمۈدى.ھەرقانداق بىر ئاتا-ئانا پەرزەنتىنىڭ ياخشى ئوقۇپ كەلگۈسىدە ياراملىق ئىزباسارلاردىن بولۇپ يىتىشىپ چىقىشىنى بەكمۇ ئازۇ قىلىدۇ.كۆپلىگەن ئەقىللىق، تەجىربىلىك ،ئەۋلات سۆيەر،مائارىپ سۆيەر ئاتا-ئانىلار مائارىپقا يۈكسەك دەرىجىدە ئەھمىيەت بېرىپ،پەرزەنتلىرىنىڭ ئوقۇپ بىلىم ئېلىشىنى قوللاپ ،ئۇلارغا ياخشى ئۆگىنىش مۇھىتى يارىتىپ بېرىپ،ئۇلارنىڭ گۈزەل ئارزۇسىنى ئىشقا ئاشۇرىشىغا كۈچ چىقىرپ كېلىۋاتقان بولسىمۇ ،بىر قىسىم ئاتا-ئانىلار پەرزەنتلىرىنىڭ ئۆگىنىشى بىلەن كارى بولمايۋاتىدۇ.كۆپلىگەن  ئاتا-ئانىلار داۋاملىق پەرزەنتلىرىنىڭ ئۆگىنىشگە يىتەكچىلىك قىلىپ،نازارەتچىلىك قىلىپ،ئۇلارنىڭ ئىزچىل ئالغا ئىلگىرلىشىگە ئىلھام بېرىش بىلەن بىللە يەنە داۋاملىق پەرزەنتىنىڭ سىنىپ تەربىيىچىسى بىلەن سۆھبەتلىشىپ، ئاتا-ئانىلار يىغىنلىرىغا ۋاقتىدا تولۇق قاتنىشىپ،پەرزەنتىنىڭ ئۆگىنىش ئەھۋالىنى ئىگىلەپ،يىتەرسىزلىكلەرنى تۈگۈتۈشكە ئەھمىيەت بىرىدۇ. بۇنداق ئائىلە پەرزەنتلىرىنىڭ ھەقىقەتەن  ئاتا-ئانىلارنىڭ قىلغان ئەجىرىگە  يارىشا ئۆگىنىش نەتىجىسى ،ئومۇمى ئىپادىسى ياخشى بولىۋاتىدۇ ئالىي مەكتەپلەرگە ئۆتۈش نىسپىتىمۇ ياخشى بولاۋاتدۇ. يەنە بىر قىسىم ئاتا-ئانىلار پەرزەنتلىرىنىڭ ئۆگىنىشىگە قىلچىمۇ كۆڭۈل بۆلمەيدۇ،ئاتا-ئانىلار يىغىنلىرىغىمۇ قاتناشمايدۇ،پەرزەنتىنىڭ سىنىپ تەربىيىچىسىنىڭ كىم ئىكەنلىكنىمۇ بىلمەيدۇ.بۇنداق ئائىلە پەرزەنتلىرىنىڭ ئۆگىنىش نەتىجىسى ،ئومۇمى ئەخلاق ئىپادىسى ياخشى  بولمايۋاتىدۇ. نەتىجىدە بەزىلىرى ئوقۇشىنى داۋاملاشتۇرالماي مەكتەپتىن چېكىنىپ كەتسە ،بەزىلىرى مەكتەپ ئىنتىزامىغا ،سىنىپ ئىنتىزامىغا خىلاپلىق قىلىپ،ئومۇمى ئوقۇغۇچىلارنىڭ ئۆگىنشىگە تەسىر يەتكۈزۈپ ،ناھىيىتى يامان تەسىرلەرنى پەيدا قىلىۋاتىدۇ.شۇڭا ئاتا-ئانىلار پەرزەنتلەرگە بولغان ئائىلە تەربىيىسىنى كۈچەيتىپ، پەرزەنتلىرىنىڭ ئۆگىنىشىگە ئالاھەدە ئەھمىيەت بېرىش كېرەك.بۇ مەقسەتكە يىتىش ئۈچۈن تۆۋەندىكى نوقتىلارغا ئالاھىدە دېققەت قىلىش كېرەك:
1.بالىلارنىڭ  ئۆگىنىش ئاساسىنى مۇستەھكەملەپ، ھەرقايسى پەنلەرگە تۇتقان پوزىتسىيەسىنى ، ئۆگىنىش ئۇسۇلىنى تىرىشىپ ياخشىلاش كېرەك.
ئاتا-ئانىلار ئوقۇۋاتقان پەرزەنتلىرىنىڭ ھەرقايسى پەنگە تۇتقان پوزىتسىيەسى ۋە ئۆگىنىش مەقسىتى ھەم مۇددىئاسىنى ئايدىڭلاشتۇرپ بېرىشكە ماھىر بولۇش كېرەك.پەرزەنتلەرنىڭ ئۆگىنىشكە بىپەرۋالىق ۋە كۆڭۈل قويماسلىق پوزىتسىيەسىنى تۈپتىن ئۆزگەرتىپ، ئوڭۇشسىزلىقتىن ،جاپا مۇشەققەتتتىن قورۇقمايدىغان ،تولۇپ تاشقان قىزغىنلىق بىلەن ئۆگىنىپ،ئۆگىنىش نەتىجىسىنى ئىزچىل يوقىرى كۆتىرىشكە ئىلھاملاندۇرۇپ تۇرۇش كېرەك. پەرزەنتلەرگە توغرا بولغان ئۆگنىش  ئۇسۇللىرىنى ئۆگتىپ،ئۇلارنىڭ ھەرقايسى پەنلەردىكى نەتىجىسىنى ئىزچىل يوقىرى كۆتىرىشكە تۈرتكە بولىش كېرەك.پەرزەنتلەرگە ،نىمە ئۈچۈن ،كىم ئۈچۈن ئۆگىنىش توغرىسىدىكى تەربىيەنى كۈچەيتىپ،ئۇلارنىڭ ئۆگىنىشكە بولغان تەشەببۇسكارلىقىنى قولغا كەلتۈرۈش كېرەك.شۇنداق بولغاندىلا،پەرزەنتلەرنىڭ ئۆگىنىش قىزغىنلىقىنى يوقىرى كۆتىرىپ،كەلگۈسىگە ياراملىق بىلىم ئىگىلىرىنى يىتىشتۈرۈپ چىقىش مەقسىتىگە يەتكىلى بولىدۇ.
2.ئاتا-ئانىلار پەرزەنتلەردە  يۈكسەك ئىشەنچە تۇرغۇزۇشقا ئەھمىيەت بېرىش كېرەك. ئەتراپىدىكى پاسسىپ مۇھىت ۋە شارائىتنىڭ تەسىرى سەۋەبىدىن ئۆگىنىشكە سۇس مۇئامىلە قىلىش، ئۈمىدسىزلىك، چۈشكۈنلۈكمۇ  پەرزەنتلەرنىڭ ئۆگىنىشگە تەسىر يەتكىزىدۇ. بۇنداق ئەھۋالدا  ئوقۇغۇچىلار ئۆگىنىشكە ئىشەنچ باغلىيالمايدۇ ياكى ئىشەنچىنى يوقىتىپ قويغان بولىدۇ، يەنە بەزى بالىلار كۈچلۈك ئىرادە بىلەن ئۆزىنى باشقۇرۇش ياكى ئۆزىنى چېنىقتۇرۇش ئىقتىدارىنى يوقىتىپ قويىدۇ، ئۆگەنسەممۇ بەرىبىركەنغۇ دېگەن ھالەت كېلىپ چىقىدۇ.شۇڭا ئاتا-ئانىلار پەرزەنتلەرگە بولغان تەلىم-تەربىيىنى كۈچەيتىپ،يۈكسەك ئىشەنچە ،يۈكسەك ئىرادە بولغاندىلا ،ئۆگىنشىتە نەتىجە قانغىلى بولىدۇ دەيدىغان ئىدىيىنى پەرزەنتلەرنىڭ قەلبىگە سىڭدۇرۇش كېرەك.بۇ ھەقتىكى ئەمەلىي مىساللارنى كۆپرەك سۆزلەپ،پەرزەنتلىرىدە ،تىرىشپ ئۆگىنىدىغان،ئېسىل ئەنئەنىنى يىتىلدۈرۈشكە كۈچ چىقىرىش كېرەك.شۇنداق بولغاندىلا ،پەرزەنتلەرنىڭ ئۆگىنىشكە بولغان ئىشەنچىسىنى ،ئىرادىسىنى يىتىلدۈرۈش مەقسىتىگە يەتكىلى بولىدۇ.
3.ئاتا-ئانىلار ئوقۇۋاتقان پەرزەنتلىرىنىڭ ئۆگىنىش نەتىجىسىنى كۆزدىن كەچۈرۈپ تۇرۇش كېرەك. بەزى ئوقۇتقۇچىلار ياكى ئاتا - ئانىلار ئوقۇغۇچىلارنىڭ ئۆگىنىش نەتجىسىگە ناچار باھالارنى بېرىپ قوشىى، ھەتتا ئۇلارنىڭ ئۆگىنىش نەتىجىسىدىن گۇمان قىلىشىمۇ مۇمكىن. بۇ خىل ھالەت پەرزەنتلەردە ئۆگىنىش ئىشەنچىسىنى يوقىتىپ قويۇش ھالىتىنى كەلتۈرۈپ چىقىرىپ، ھەرقانچە تىرىشساممۇ ياخشى نەتىجىگە ئېرىشەلمەيدىكەنمەن دېگەن ھېسسىياتقا كەلتۈرۈپ قويۇپ، ئۆگىنىشكە قىزىقمايدىغان بولىۋالىدۇ. شۇڭا ئاتا-ئانىلار پەرزەنتلىرىنىڭ ئۆگىنىش نەتىجىسىگە ئىزچىل ئەھمىيەت بېرىپ،ئۆگىنىش نەتىجىسىگە يارىشا يىتەكلەش تەدبىرىنى قوللىنىپ،ئۆگىنىش نەتىجىسىگە،توغرا،ئىلمىي پوزۇتسىي تۇتۇپ،ئۇلارنىڭ تىرىشىپ ئۆگىنىپ  ئىزچىل ئالغا بېسىشىغا ئىلھام بېرىش كېرەك.بىرەر قېتىملىق ئۆگىنىش نەتىجىسىنىڭ تۆۋەنلەپ كېتىشى بىلەن پەرزەنتلەرنى كەمسىتىپ،ھاقارەتلەپ،تەنبىھ بېرىشكە بولمايدۇ.ئىجابىي جەھەتتىكى تەربىيىنى كۆپرەك ئېلىپ بېرىپ،يىتەرسىزلىكلەرنى ئىلمىي ئاساستا كۆرسىتىپ بېرىپ،تەربىيىنىڭ ئۈنىمىنى تىرىشىپ يوقىرى كۆتىرىش كېرەك.شۇنداق بولغاندىلا ،ئوقۇغۇچىلارنىڭ ئۆگىنىش نەتىجىسىنى يوقىرى كۆتىرىش مەقسىتىگە يەتكىلى بولىدۇ.،
4. ئاتا-ئانىلار ئوقۇۋاتقان پەرزەنتلىرىنىڭ پىكىر قىلىش قابىلىيىتىنى يىتىلدۈرشكىمۇ ئەھمىيەت بېرىش كېرەك.بەزى پەرزەنتلەر مەكتەپتە سۆزلەشتىن،پىكىر قىلىشتىن خىجىل بولىدۇ.ئوقۇقتقۇچىنىڭ ۋە ساۋاقداشلىرىنىڭ ئالدىدا كۈلكىگە قېلىشتىن قورقۇپ  سۆزلىمەيدۇ،شۇڭا ئاتا-ئانىلار پەرزەنتلىرىنى سۆزلەشكە،پىكىر قىلىشقا ئىلھاملاندۇرۇپ تۇرۇش كېرەك.پەرزەنتلەرنىڭ سۆزلەش ،پىكىر قىلىش ئىقتىدارىنى يىتىلدۈرۈشمۇ ،ئەمەلىيەتتە ئوقۇغۇچىلارنىڭ ئۆگىنىشىگەكۆڭۈل بۆلگەنلىك بولىدۇ.پەرزەنتلەرنىڭ  ئەقلىي پائالىيەت ئىقتىدارى ياكى بىلىش پائالىيەتلىرىدىكى قىسمەن نۇقسانلار ئۆگىنىشگە تەسىر يەتكىزىدۇ. بەزى بالىلارنىڭ  ئەقلىي پائالىيەت ئىقتىدارى پاسسىپ بولۇپ، دەرسخانىدا ئاكتىپ پىكىر قاتناشتۇرمايدۇ ياكى پىكىر قىلىش ئادىتىنى يېتىلدۈرمىگەن ۋە مېڭە ئىشلىتىشكە ئادەتلەنمىگەن ياكى ئەھمىيەت بەرمىگەن بولىدۇ.بۇ خىل دىكى بالىلار ئۆگىىنىشتە كۆپلەپ قىنچىلىقلارغا ئۇچىرايدۇ.ئاتا-ئانىلار پەرزەنتلىرىدىكى بۇخىل ئامىللارنى بايقاشقا ئەھمىيەت بېرىپ،پەرزەنتلىرىنىڭ بۇجەھەتتىكى ئاجىزلىقىغا ئۈنۈملۈك چارە-تەدبىرلەرنى قوللىنىپ،ئۇلارنىڭ  تىرىشىپ ئۆگىنىپ تېز تەرەققىي قىلىشىغا ئەھمىيەت بېرىش كېرەك.شۇنداق بولغاندىلا،پەرزەنتلەرنىڭ ئۆگىىنىش نەتىجىسىنى يوقىرى كۆتىرىش مەقسىتىگە يەتكىلى بولىدۇ.

نۇرلان · ۋاقتى: 2015-6-1 21:27:46

ئەمگىكىڭىزگە رەھمەت، ئاتا-ئانىلار بىر قېتىم كۆرۈپ قويسا بولغىدەك.

ئەزھەر36 · ۋاقتى: 2015-6-1 21:30:02

ناھايىتى ياخشى تېمىنى يوللاپسىز ، ئاتا - ئانىلارنىڭ ۋە ئوقۇتقۇچىلارنىڭ ئوقۇشىغا ئەرزىگۈدەك ، رەھمەت سىزگە .

ئەزھەر36 · ۋاقتى: 2015-6-1 21:30:17

ناھايىتى ياخشى تېمىنى يوللاپسىز ، ئاتا - ئانىلارنىڭ ۋە ئوقۇتقۇچىلارنىڭ ئوقۇشىغا ئەرزىگۈدەك ، رەھمەت سىزگە .