جان دوستلار

HIRISTAL

قەلبىنۇر ئۇبۇل ھەسەن

( ئەسسالامۇ ئەلەيكۇم ،روھلان مۇنبىرىدىكى چوڭ-كىچىك ئەزىزلەر ئەتىگەنلىگىڭلار خەيرلىك بولسۇن، مەن سالامەتلىك ئەھۋالىمنىڭ ياخشى بولماسلىقى سەۋەپلىك ئۇزۇن بولدى سىلەر بىلەن يۈز كۆرىشەلمىدىم ھەم باشقۇرغۇچىلىق ۋەزىپەمنىمۇ تولۇق ئادا قىلالمىدىم ،بۇنىڭ ئۈچۈن ئاتاماننىڭ ھەم مۇنبەرداشلىرىمنىڭ ئالدىدا ئۆزرىلىكمەن .مۇشۇ مۇناسىۋەت بىلەن سىلەرگە بولغان ئوتلۇق سېغىنىشىمنى ،سالىمىمنى ئېلىپ كەلدىم قوبۇل قىلارسىلەر.)

تۈندە چىقساڭ تالاغا پەنەر ئىكەن جان دوستلار ،
ئاتەش كەبى ئىشقىڭدا يانار ئىكەن جان دوستلار.
چۈشسە قىسمەت بېشىڭغا،بالا كەلسە قېشىڭغا،   
قۇياش كەبى قوينىغا ئالار ئىكەن جان دوستلار
  .
يالغۇزلۇقتا تىكەندەك قالساڭ ئەگەر مۇڭلۇنۇپ،
  ھەمدەم بولۇپ دېپىڭنى چالار ئىكەن جان دوستلار.   
تەقدىرداش بوپ ھاياتتا تىلەپ ياخشى تىلەكلەر،
جۇت زىمىستان قىشتىمۇ باھار ئىكەن جان دوستلار.

سەپىرىدە ھاياتنىڭ باسقىنىدا تەشنالىق،           
ھەر دانىسى بىر بۇلاق ئانار ئىكەن جان دوستلار.  
مۈشكۈللەرگە دۇچ كەلسەڭ ھازىر بولۇپ يېنىڭدا،   
خىزىر كەبى بېشىڭنى سىلار ئىكەن جان دوستلار.   

كۆزلىرىڭدىن ئاقسا ياش قىسمەتلەردە ناۋادا،        
غەمناك بولۇپ غېمىڭنى قىلار ئىكەن جان دوستلار.   
ھىممەتلەردە ھاتەمدەك ساخاۋەتتە ھۆرمەتتە،        
تومۇزلاردا سايىۋەن چىنار ئىكەن جان دوستلار.

قەلبى گويا كۆك ئاسمان پەرۋازىڭغا پايانسىز،      
رىزا بولۇپ سەن ئۈچۈن ئاچار ئىكەن جان دوستلار.
ساداقەتتە ئىخلاسمەن ۋاپا بىلەن جان كۆيۈپ،   
      بارلىقىنى سەن ئۈچۈن ئاتار ئىكەن جان دوستلار.           

بولسا ئەگەر نوخسانىڭ مەنزىلىڭدە ئۆمرۈڭدە،      
پاراسەتتە ئەيىبىڭنى ياپار ئىكەن جان دوستلار.      
كۈلسەڭ كۈلۈپ ياش تۆكسەڭ ئالتە كۈنلۈك ئالەمدە،
سەپراس بولۇپ سەن بىلەن قاتار ئىكەن جان دوستلار.

ھىسلىرىمدە ئويلانسام دوستلار ئۇلۇق قەدىردان،
     دىل كۆكىمدە يۇلتۇزدەك چاقنار ئىكەن جان دوستلار .
بولۇپ كەلگەچ كۈچ قوشۇپ دوستلار ھامان پاسىبان،
قوينى گۈلباغ ھەم قايناق بازار ئىكەن جان دوستلار.

                                  2014-7.    قاراماي                                                  مەنبە:  ئۆزۈم

360

يارايسىز

ئىدرسجان

بەك ياخشى يىزىلىپتۇ يارايسىز تىخمۇ نادىر ئەسەرلەرنى ھۇجۇدقا چىقىرشىڭىزغا تىلەكداشمەن ھۇررا....

alxir

ھازىر بۇنداق جان دوستلارنىڭ ئۇچرىشى تەسكەن

ئەزھەر36

ناھايىتى ياخشى يېزىپسىز ، يارايسىز .

جام

ھەقىقەتەن ياخشى يېزىپسىز، ھارمىغايسىز!